فى مشكلة لو زودت عدد لفات الموتور شوية

**ramremo** · 12-03-2010 01:52 AM

المشاركة الأصلية كتبت بواسطة ahmedshafei77

هو الشفاط ده ليه بوابه لوحده على الكربراتير ولا هو متوصل بدواسة البنزين لانى لما بشدة بلاقى الدواسة بتنزل شوية لتحت ممكن الاخ ramremo يوضحلنا ايه نظام البوابات بتاعة الكلربراتير بالظبك والمسامير الكتير اللى فيه سواء هوا ولا بنزين

وشكرا

احمد باشا -- لانى كان عندى لادا و ليا فى الميكانيكا بتاعتها شويه مش كتير اقولك ان الشفاط ده عباره عن سوسته متوصله بذراع البنزين ( داخل الكبوت هتلاقى ذراع خارج من الكربراتير بيتحرك كل لما تزود بنزين) اللى هو نفسه متوصل بيه دواسة البنزين اللى عندك فى الكابينه // طيب ايه اللى بيحصل لما تشد الشفاط -- لما بتشده كانك دايس على دواسة البنزين فبتلاقى الدواسه نزلت لتحت شويه // طيب هما ليه عملوا الشفاط ده ما دام ممكن اسخن بالضغط على دواسة البنزين -- لان شد الشفاط بيغنيك عن استمرار الضغط على دواسة البنزين فترة طويله ( اكثر راحه ) وكمان بيظبط الموتور على درجه معينه ممكن بضغطك متعرفش تظبطها وبالتالى العربيه تطفى منك اول لما تيجى تسخن -- معلش اذا كانت معلوماتى ضئيله فى الموضوع ده ولكن ممكن اعضاء المنتدى خبراء ومهندسى الميكانيكا يفيدوك اكتر فى موضوع بوابات الكربراتير
وده فيديو بيوضح الكربراتير وفكرة عمله
[youtube]http://www.youtube.com/watch?v=p95ZNM24A5w[/youtube]

**mostafa_9128** · 13-03-2010 12:27 AM

بالاضافة لكلامك احب اقول ان الشفاط كمان بيزود نسبة البنزين علشان العربية تسخن اسرع
يعني نسبة البنزين للهواء لما تدوس علي دواسة البنزين بتكون اقل من لما تشغل الشفاط