الموضوع: تويوتا كرولا 1985

المشاركة الأصلية كتبت بواسطة tarekmomo

بقولك ياهندسة ممكن تقولى حملت الصور ازاى عشان عندى عربية منزلها للبيع وعايز انزل صورها

المشاركة الأصلية كتبت بواسطة walidabdelaziz

بقولك ياهندسة ممكن تقولى حملت الصور ازاى عشان عندى عربية منزلها للبيع وعايز انزل صورها

افتح موضوع جديد عادى وهتلاقى ايكونة مرسوم عليها صورة هرمين وشمس بس هتلاقيها بجانب ظرف جواب لونه احمر وهتلاقى منها كتير بس خد اللى جنب ظرف الخطاب فقط وهى معناها ادراج صورة وبعد كده تفتح اى موقع تحميل صور مثل العملاق لتحميل الصور وحمل فيه صورة العربية من جهازك وخد الرابط اللى هيظهر لك وضعه فى الايكونة المرسوم عليها هرمين واعتمد المشاركة وبس خلاص

المشاركة الأصلية كتبت بواسطة almosecar

افتح موضوع جديد عادى وهتلاقى ايكونة مرسوم عليها صورة هرمين وشمس بس هتلاقيها بجانب ظرف جواب لونه احمر وهتلاقى منها كتير بس خد اللى جنب ظرف الخطاب فقط وهى معناها ادراج صورة وبعد كده تفتح اى موقع تحميل صور مثل العملاق لتحميل الصور وحمل فيه صورة العربية من جهازك وخد الرابط اللى هيظهر لك وضعه فى الايكونة المرسوم عليها هرمين واعتمد المشاركة وبس خلاص

اشكرك جدا - اى نعم متاخر شويه بس انا كنت مسافر

http://x20x.com/upfiles/Xwg07230.jpg

بالتوفيق فى البيع بس صدقنى السعر عالى جدا لموديل 85 لان بالمنطق كدا اللى معاه 30 الف او اقل قليلاً هيجيب حاجة موديل تسعينات وانواع جيدة فعلا زى سيات ابيزا وتمبرا واسكودا وغيرها واكيد التويوتا ممتازة بس نزول اسعار العربيات اللى انا ذكرتها خفّض سعر الكورلا اللى موديلات تمانينات مهما كانت حالتهم ودى نصيحة لوجه الله ولكن فى واحد صاحبى عاوز تويوتا 84 او 85 زى بتاعتك ومعاه 24 الف لو يناسبك ابعت الرد

حضرتك انا عارف ان العربيات نزلت وهى جابت اكتر من السعر الى حضرتك قولت علية وبالنسبة للسعر انا بشوف عربيات ريجاتا نضيفة ومكيفة ومطلوب فيها 25 و26 وطبعا العربية بتاعتى افضل من الريجاتا بكتيير

هى فعلا الريجاتا عربية ممتازة وزى مانت بتقول النضيفة والمكيفة بيطلبوا فيها 25 و26 ولكن هل يتم بيعها بنفس التمن ؟ طبعاَ لا - يتم بيعها ب 22 او 23 و21 وكمان الناس دلوقتى عارفة سعر العربيات عشان كدا لما تلاقى واحد عارض ريجاتا ب 26 وكمان قابلة للتفاوض يظل مدة طويلة بدون بيع لها وتابع اعلانات النت وانت تشوف وطبعاَ لاحظ الفرق بين اسعار قطع غيار الريجاتا والكورلا وزى مانا قلتلك اللى معاه حتى 26 الف يفضّل يجيب حاجة تسعينات على الاقل الحكومة مش هتّرخم عليه لو حبوا يعملوا احلال بعد كده للقديم زى التمانينات وكمان حاجة مهمة جداَ لما اشترى كورلا 85 حتى ب 26 الف بعد كده لما احب اغير هبيعها بكام ؟واكيد طبعا هكون صرفت عليها حتى لو رفاهيات فبالتالى هخسر وكل واحد قبل ما يشترى اكيد بيفكر فى كده علشان ميخسرش-معلش انا طولّت عليك وفى الاول وفى الاخر دى سيارتك وممكن اقول لصاحبى يحاول يتصرف ويزود 500 جنيه كمان طبعاّ لو انت موافق وطبعا بعد المعاينة

اولا بسبب موضوع الاحلال مافيش نص صريح من الحكومة علية وحتى لو هيطبق هيكون اختيارى وموديلات تحت التمانينات