انا زهقت من العربية دي كل شويه تبطل عند المطبات

**Adham** · 25-07-2010 01:52 PM

المشاركة الأصلية كتبت بواسطة rouaame

وكل ميكانيكى أروح له يفتى فى حاجة "من غير علم") لحد ما ربنا هدانى فى راجل سواق عجوز وطلع جرب معايا العربية قالى الآتى:
ربط الفرامل كويس وارفع الدبرياج وبعدين لما تروح تمون حط فى تنك البنزين (positive power) وإملا نص التانك بس واعمل بيها مشوار ما يقلش عن 12 - 15 كم والحمد لله انتهت المشكلة تماما بعد ما دوخت بيها حوالى ثلاثة شهور.
حاول تجرب الحكاية دى يمكن تحل مشكلتك زى ما حلت مشكلتى.

او ممكن يكون الردياتير ناقص مياة مثلا ههههههههه

يا سيدي الفاضل مع كا احتراماتي لا الدبرياج و لا الفرامل ولا اضافات البنزين تعالج تبطيل السيارة مع المطبات والاهتزازات

بالمنطق كدة العربية بتتهز في المطبات ... بتبطل .... يبقى اية اللي يسبب كدة .... اكيد مش الدبرياش واطي .... و لا الفرامل تتربط .... و لو اني مش فاهم الفرامل تتربط ازاي .... انا اعرف ان العفشة هي اللي بتتربط ..... و اوكتين البنزين كذلك و اساسا دي عربية كاربراتير يعني مافيهاش حساس اوكسيجين في الشكمان يميز رقم الاوكتان مثلا .ممكن يكون بيقطع مع انة برضة مايسببش كدة

التفكير المنطقي يقول ان اكيد سلك بيتهز فا بيفصل الكهرباء عن البوبينة تقوم العربية طافية

**houras1010** · 07-11-2011 08:56 PM

المشاركة الأصلية كتبت بواسطة adham

او ممكن يكون الردياتير ناقص مياة مثلا ههههههههه

يا سيدي الفاضل مع كا احتراماتي لا الدبرياج و لا الفرامل ولا اضافات البنزين تعالج تبطيل السيارة مع المطبات والاهتزازات

بالمنطق كدة العربية بتتهز في المطبات ... بتبطل .... يبقى اية اللي يسبب كدة .... اكيد مش الدبرياش واطي .... و لا الفرامل تتربط .... و لو اني مش فاهم الفرامل تتربط ازاي .... انا اعرف ان العفشة هي اللي بتتربط ..... و اوكتين البنزين كذلك و اساسا دي عربية كاربراتير يعني مافيهاش حساس اوكسيجين في الشكمان يميز رقم الاوكتان مثلا .ممكن يكون بيقطع مع انة برضة مايسببش كدة

التفكير المنطقي يقول ان اكيد سلك بيتهز فا بيفصل الكهرباء عن البوبينة تقوم العربية طافية

الراجل بيقول على حصل معاه يبقى اكيد حصل مع انه ممكن ميكونش حل لمشكله الموضوع انا من فتره كانت العربيه بتبطل كتير فى مطالع الكباري فى الزحمه وفى الملفات رجعت عليت الدبرياج ومشيت زى الأول من غير ما تبطل

**maiasn2000** · 25-07-2010 08:30 PM

والله انا قلت لكم ان فيه سلك مهزوز وهو اللي بيعمل كده وممكن قوي يكون عمومي او ارضي ودي مش شغلة ميكانيكا خالص دي شغل كهربائي ولازم اول ماتقف تخللي اي كهربائي يكشف عليا فورا ويحدد لك ايه اللي قاطع كهرباء واحتمال كبير جدا يكون الكونتكت نفسه او البوبينا خاجه منهم لما بتسخن تقطع واول ماتبرد تشتغل تاني
الحل الغريب جدا لاني كان مره معايا مازدا 323 واللي اخدتها منه كان عامل لها صيانه ومغير جوانات الموتور كامله بما فيها جوان وش السلندر قبل ما اخدها والميكانيكي المحترم بتاعه ضيع صاموله من عامود التاكيهات وركب له بدالها صاموله 10 عاديه من غير ورده صينيه واكون مسافر زي الفل وعلي غفله مافيش موتور وطلعت عيني شهر ونص وخربت لي المصيف وفي اسكندريه عند ميكانيكي جامد راجهعناها كلها دورة البنوين كامله ومافيش فايده تمشي فل وعلي غفلة تنااااااااااااااااام المهم في اخر يوم وانا نازل القاهره عملتها بس انا اتغابيت عليها لقيتها عدت 3 وكان فيه حلل في الموتور رزع وقلت في ستين داهيه هارميها باي سعر او ارمي الموتور ورحت للميكانيكي بتاعي تاني يوم فكينا غطا التاكيهات لقينا صاموله بلدي بتعمل ايه بقي؟؟؟؟؟
مع حركه التاكيهات الصاموله تعلق التاكيه بتاع البنزين فالغرفه تتملي بنزين ومافيش حرق كفايه فتغرق البوجيه ويقطع فتقف مع العلم انها ماكانتش تعد 3 قبل ماتقطع كانت بتموت من غير كلام ولا تحذير المهم حليناها باننا غيرنا الجاويد كله بصامولته الاصليه من موتور قديم وخلصت المشكله نهائي بس برضه بعتها واللي اخدها بيدعي لي وكلمني اكتر من مره مبسوط ونفسه يخدمني في اي حاجه هي قرف طلعت عيني وربتني وغيري الله يبارك له مريحاه قسمه ونصيب

**MOHGOMAA2002** · 04-08-2010 03:17 PM

روح لميكانيكى عنده ضمير ينظف البيك وكمان يشيك على الاسبراتير ممكن يخليها تنتش ده فى حالة عدم وجود ريت على البوجهات

**magdywadeh** · 07-11-2011 07:00 PM

انا عربيتى كانت فيها نفس المشكلة ورحت لميكانيكى ركب حاجة اسمها بلف سرفو بيركب فى حرطوم السرفو بيمنع رجوع الهواء مرة اخرى وبقالى ثلاثة ايام وماشية كويس ارجو انك تجرب وتقولى النتيجة

**magdywadeh** · 01-01-2012 08:36 PM

كلام نهائى العربية بتبطل اثناء السير اى عند الضغط على الدبرياج ثم الفرامل دة اسبراتير الكترونى بيقطع كهرباء جرب وركب اسبراتير عادى وهاشوف الفرق

**kantoosh** · 04-01-2012 03:39 AM

السلام عليكم ورحمة الله وبركاته
انا عارف ان فيه ناس كتير قالت حلول وانا ما قرتش كل الكلام وممكن يكون كلامى ده حد قاله قبل كده لكن المهم
كل موضوعك يتلخص فى الفرامل والسيرفو روح لحد بتاع سيرفو كويس علشان يظبطلك هوا السيرفو لانك المفروض ان هوا السيرفو خارج من المانافو اللى تحت الكاربراتير وشكله وانت لما بتدوس فرامل بتبطل الموتور والسبب من السيرفو وعلشان تتاكد من كلامى دور العربيه على السلانسيه طبعا وانت ممور العربيه مش بتبطل منك ركز مع الموتور زود بنزين واسمع صوته وسيب واسمع صوته هتلاقيه عادى اول ما تدوس فرامل ركز كويس هتلاقيه بيوطى خالص وعاوز يبطل واحتمال يبطل كل الموضوع ان خراطيم الهوا بتاعه الفرامل ووصلات السيرفو مش تمام وشكرا

**hemalotfy** · 06-01-2012 12:09 AM

المشاركة الأصلية كتبت بواسطة kantoosh

السلام عليكم ورحمة الله وبركاته
انا عارف ان فيه ناس كتير قالت حلول وانا ما قرتش كل الكلام وممكن يكون كلامى ده حد قاله قبل كده لكن المهم
كل موضوعك يتلخص فى الفرامل والسيرفو روح لحد بتاع سيرفو كويس علشان يظبطلك هوا السيرفو لانك المفروض ان هوا السيرفو خارج من المانافو اللى تحت الكاربراتير وشكله وانت لما بتدوس فرامل بتبطل الموتور والسبب من السيرفو وعلشان تتاكد من كلامى دور العربيه على السلانسيه طبعا وانت ممور العربيه مش بتبطل منك ركز مع الموتور زود بنزين واسمع صوته وسيب واسمع صوته هتلاقيه عادى اول ما تدوس فرامل ركز كويس هتلاقيه بيوطى خالص وعاوز يبطل واحتمال يبطل كل الموضوع ان خراطيم الهوا بتاعه الفرامل ووصلات السيرفو مش تمام وشكرا

ياباشا شكرا لمرورك

الموضوع ده قديييم بقاله اكتر من سنه ونص وانا صاحب المشكلة وتم حلها بتغير الاسبراتير الالكتروني بواحد عادي واتمنى اي حد عنده مشكلة زي دي يكون استفاد

**bravemind** · 06-08-2017 02:41 AM

انا عندي نفس المشكلة فى عربية ١٣١ وغيرت الموبينه والمشكلة لسه زى ما هى مع العلم ان العربية بتبطل بعد مامشى بيها شويه فى الحر وتفضل تبطل ولما انزل واعلى الهوا بتاع الكربراتير شويه تظبط وتمشى وبعد فترة ترجعوتبطل تانى بخد مانزل واعلىى الهوا تانى وصرفت عليها كتيير حدا ومفيش حد عارف يحللى المشكلة ديه