الموضوع: انا زهقت من العربية دي كل شويه تبطل عند المطبات

المشاركة الأصلية كتبت بواسطة thedeveloper87

يمكن يكون العيب في الاسبراتير نفسه؟

ممكن يكون المشط فيه مشكلة او مفيش حد هنا فاهمله انت فاهم يا استاذ محمود الصنايعية واخدينها بالدراع

المشاركة الأصلية كتبت بواسطة hemalotfy

الصنايعية واخدينها بالدراع

ربنا يكفينا شرهم. على العموم طالما العادي شغال يبقى خلاص مفيش مشاكل.
المشكلة بس هتحتاج تغير الابلاتين والكوندنسر كل فترة.

يا اخي الفاضل كل اللي انت عملته في الكربراتير مالهوش اي لازمه ولاحتي سيلك البوجيهات
انت لازم تراجع الاتي بمنتهي الدقه
1- اذا كانت طلمة البنزين كهرباء يبقي لازم تراجع توصيلات الكهرباء وانها مثبته جيدا خصوصا الارضي.
2 - توصلات البوبينه مثبته جيدا
3- لو هي مازدا 323 يبقي السبب بسيط جدا عندك روزيته صغيره في الجانب الايسر علي الكارتيره امام السائق فيها 3 كباري من سلك حراري عالي الاحمال منهم جوز عموميات لو واحد منهم مهزوز او متأكل يبقي ثبته كويس او استبدله وانسي المشكله تماما وده عن تجربه اكيده

ياباشا كان عندى نفس المشكلة بالظبط فى كيا برايد 1997 مانيوال هاتش باك ودوخت على الحل (غيرت البوجيهات - والفلاتر والخراطيم ونضفت الكربيراتير وبعدين غيرته خالص وكل ميكانيكى أروح له يفتى فى حاجة "من غير علم") لحد ما ربنا هدانى فى راجل سواق عجوز وطلع جرب معايا العربية قالى الآتى:
ربط الفرامل كويس وارفع الدبرياج وبعدين لما تروح تمون حط فى تنك البنزين (Positive power) وإملا نص التانك بس واعمل بيها مشوار ما يقلش عن 12 - 15 كم والحمد لله انتهت المشكلة تماما بعد ما دوخت بيها حوالى ثلاثة شهور.
حاول تجرب الحكاية دى يمكن تحل مشكلتك زى ما حلت مشكلتى.

والله انا قلت لكم ان فيه سلك مهزوز وهو اللي بيعمل كده وممكن قوي يكون عمومي او ارضي ودي مش شغلة ميكانيكا خالص دي شغل كهربائي ولازم اول ماتقف تخللي اي كهربائي يكشف عليا فورا ويحدد لك ايه اللي قاطع كهرباء واحتمال كبير جدا يكون الكونتكت نفسه او البوبينا خاجه منهم لما بتسخن تقطع واول ماتبرد تشتغل تاني
الحل الغريب جدا لاني كان مره معايا مازدا 323 واللي اخدتها منه كان عامل لها صيانه ومغير جوانات الموتور كامله بما فيها جوان وش السلندر قبل ما اخدها والميكانيكي المحترم بتاعه ضيع صاموله من عامود التاكيهات وركب له بدالها صاموله 10 عاديه من غير ورده صينيه واكون مسافر زي الفل وعلي غفله مافيش موتور وطلعت عيني شهر ونص وخربت لي المصيف وفي اسكندريه عند ميكانيكي جامد راجهعناها كلها دورة البنوين كامله ومافيش فايده تمشي فل وعلي غفلة تنااااااااااااااااام المهم في اخر يوم وانا نازل القاهره عملتها بس انا اتغابيت عليها لقيتها عدت 3 وكان فيه حلل في الموتور رزع وقلت في ستين داهيه هارميها باي سعر او ارمي الموتور ورحت للميكانيكي بتاعي تاني يوم فكينا غطا التاكيهات لقينا صاموله بلدي بتعمل ايه بقي؟؟؟؟؟
مع حركه التاكيهات الصاموله تعلق التاكيه بتاع البنزين فالغرفه تتملي بنزين ومافيش حرق كفايه فتغرق البوجيه ويقطع فتقف مع العلم انها ماكانتش تعد 3 قبل ماتقطع كانت بتموت من غير كلام ولا تحذير المهم حليناها باننا غيرنا الجاويد كله بصامولته الاصليه من موتور قديم وخلصت المشكله نهائي بس برضه بعتها واللي اخدها بيدعي لي وكلمني اكتر من مره مبسوط ونفسه يخدمني في اي حاجه هي قرف طلعت عيني وربتني وغيري الله يبارك له مريحاه قسمه ونصيب