ممممممممممممممممممم
من الاخر يا جماعة احنا مبنبطلش سجاير الا لما بنحس اننا هانموت او شوفت الموت بعنيك
انا عن نفسى كنت واحد من الناس الى عايزين الضرب بالنار
يعنى عندك حساسية من صغرك وماشى بالبخاخة الفانتولين ونيلتها كمان وشربت سجاير
وزمان ماكنش حد يقدر يقعد جنبى من اصحابى وهوة مولع سجارة كلة يقولك حاسب يا عم هايقولك قوم من جنبى علشان الدخان وصدرى
وفى لحظة متخلفة ومنيلة بستين نيلة قررت انى اشرب سجاير مش عارف لية هوة زى الى بيقول هوة انا فيا اية انا كويس ومش تعبان وبعد محاولات عديدة طبعا كلنا عارفين اول سحبة نفس وصدرك بيضيق وبعدين تكح وبعد كام مرة تلاقى الدخان طالع داخل من مناخيرك ومبتكحش .....هييييييييييييييييييية
اخيرا وبعد كدة استمر الحال سنتين شرب سجاير فى الخباثة
وبعديها اللطمة الكبرى وهية الجيش دة كفاية بس مركز التدريب كنت بشرب اربع سجاير على ريق النوم من غير فطار لحد مانروح طابور الفطار يعنى تدمير تدمير ما بعدة تدمير للرئة غير انى جربت جميع انواع السجاير خلطبيطة على بعض الى بتلاقية قدامك بتشربة بوكس على سوبر على بلمونت على بوسطن
وفى الاخر والحمد لله بعد 4 سنين شرب جاتلى ازمة كبيرة وكنت هاموت وكنت والله يا جماعة بخاف انام واغمض عينى احسن صدرى يقفل واتخنق تخيلو انتو بقى الشعور دة انك تفضل صاحى وبتقاوم النوم مش عايز تنام خايف انك تتخنق وتموت لانى كنت كل شوية اسلك صدرى بالبخاخة ولما رحت للدكتور قالى مش هاقولك غير حرام عليك انت كدة داخل على كانسر او هايجيلك انفزيما الىى هيى انتفاخ الرئة لان صدرك اصلا تعبان من الحساسية وانت فاكر ان صدرك كان سليم وانت شربت علية سجاير صدرك اصلا يابنى كان تعبان من الحساسية وانت دلوقتى زى الى بيدخن من 30 سنة
طبعا الدنيا اسودت فى وشى واخيرا صحيت من الوهم والحمد لله وابوس ايدى واحمد ربنا انى بطلتها
والله لسة كاتب التاريخ على الحيطة قدامى اهة 2008/11/18
الحمد لله طبلت استخدم البخاخة تقريبا والازمة معدتش بتيجى الا قليل جدا
ربنا يسهل لكل واحد عايز يبطل بجد وربنا يتوب علية والحق نفسك يا معلم قبل مايفوت الاوان
المفضلات