موضوع مفيد قوي بس أنا الحمد لله مش مدخن
رقم العضوية : 11805
تاريخ التسجيل : 29May2008
المشاركات : 705
النوع : ذكر
الاقامة : مصر الجديده
السيارة: موتسيكل كاستم علي قده
السيارة[2]: نيو اكسنت 2008
الحالة :
السلام عليكم
ازيكو يا جماعه
بمناسبه عيد ميلادي 10/3 يعني بكره قولت اجييب هديه للناس الي بتدخن ويارب تفيدهم
طبعا في ناس هتفتكر ان الهديه مبسم او خرطوشت سجايرالمهم
وانا بدعبس كده في صفحات النت لقييت موضوع عجبني عن تبطييل السجار فقولت انقلهولكو هنا وحطيت شويت فديوهات برضو من علي اليوتيوب عن اضرار التدخيين برضو
ويارب اكون عرفت افيدكم لاننا هنا كلنا اخوات ولازم نفيد بعض
نخش في الموضوع
<أكتر حاجة بتخلي تبطيل التدخين صعب, إنه: تبطيل.. فاهمين قصدي؟
يعني فكرة إن الواحد (يبطّل) حاجة هو متعود عليها, فكرة منفرة وسيئة أصلا
دي حاجة من قوانين العقل الباطن بيسموها قانون التعلق
يعني لو خطفت من عيل صغير لعبته, هتلاقيه بيعيط.. وأنا لو خطفت منك الكمبيوتر وإنت بتقرا الموضوع ده.. هتتضايق
هي دي الفكرة.. إن الواحد مننا بيتضايق من فكرة إنه يفقد حاجة.. حتى لو كان اللي بيفقده ده, عادة زي التدخين
الحل هنا هو إنك ماتبطلش تدخين
يعني إيه؟
يعني إنت مش هتبطل تدخين, لأنك مش مدخن أصلا
يعني إيه برضه؟
يعني إنت مش هتبطل التدخين ده.. لأ.. إنت هترجع لطبيعتك
شوف يا صاحبي.. فاكر أيام ما كنت طفل صغير؟
ماكنتش مدخن.. يعني إنت غير مدخن أصلا
هل إنت اتولدت وإنت ماسك سيجارة في إيدك؟
لأ طبعا
يعني إنت جيت الدنيا دي جسمك صحي جدا جدا
تحب ترجع زي ما كنت؟
............*
كسر العادات
أول خطوة هنا هي إنك تكسر العادات
التدخين عادة
متعود تشرب بعد الأكل؟.. مع الشاي؟.. بعد الخناقات؟.. وإنت بتفكر؟
اكسر العادات دي يعني بدل ما تشربها بعد الأكل.. اشربها قبل الأكل
متعود تشتري السجاير من شخص معين؟.. لأ.. اشتريها من واحد تاني
بتشرب نوع تقيل؟.. لأ.. جيب نوع أخف
بتشرب في المكان الفلاني؟.. لأ.. اشرب في المكان العلاني
الهدف هو إنك تتخلص من فكرة إنك بتخليها عادة
غير في العادة
ودي الخطوة الأولى
............*
شيل وحط
عشان تسهل على نفسك تغيير عاداتك, خد عندك الطريقة السهلة دي
لما تبطل عادة, حط عادة تانية مكانها
بس كده
يبقى كأنك بتقول لعقلك اللاواعي: أنا ماخسرتش أي حاجة أصلا
لو حبيبتك سابتك مثلا.. ممكن تتألم من مشاعر الفقد.. لكن عشان تقلل المشاعر دي وتلغيها: اعمل أي نشاط جديد عشان تتخطى المرحلة دي عاطفيا وتسهل على نفسك الموضوع.. العب رياضة.. قابل ناس جداد.. سافر
أي حاجة تحطها مكان الحاجة اللّي اتفقدت
كده ببساطة
عايز توقف عادة التدخين؟
حط عادة تانية مكانها
............*
أقراص النعناع
في الأوقات اللي متعود فيها على التدخين, خد لك واحدة نعناع قوي, تشطشط بقك
واشرب بعدها كوب ماء بارد
هتلاقي لها نفس إحساس السجاير بالضبط
تخيل بقى؟
بس اوعى تدمن النعناع والباستيليا.. وأضطر أكتب لك رسالة عن تبطيلهم
اعمل أي عادة تانية بدل العادة اللي هتبطلها
زي إنك تكلم شخص معين في التليفون مثلا.. في الأوقات اللي متعود فيها تشرب السجاير
حاجة بسيطة.. لكنها فعالة جدا.. لأنها هتملأ مكان العادة اللي اتغيرت
من النهارده ابدأ في عمل هذه الخطوات البسيطة جدا
وهتلاحظ الفرق
............*
الخطوات الصغيرة
لي واحد صاحبي اسمه: تامر ميتاليكا.. مسك المصحف في يوم وأقسم بالله إنه مش هيلمس السجاير
الكلام ده بقاله ييجي خمس سنين.. وحصل فعلا ومالمسهاش
تخيل بقى؟
بعض الناس عندهم الحتة دي.. بيقدروا يقرروا ويتحملوا نتائج قراراتهم
هل إنت منهم؟
بالنسبة لي أعتقد إن مش كل الناس كده.. يبقى لازم طريقة أبسط
الطريقة الأبسط دي هي طريقة الخطوات البسيطة
خد خطوة بسيطة النهاردة.. وبعدها بكرة.. وهكذا
قلل عدد السجاير بتاعة النهاردة مثلا
بلاش سيجارة مع الشاي
وإياك تحط في دماغك إنك بتقلل أو بتبطل أساسا.. زي ما قلنا قبل كده.. خلّي صورتك الذاتية إنك مش مدخن أصلا
وخطوة صغيرة بعدها.. وخطوة.. وخطوة
هتلاقي نفسك وصلت للصورة الذاتية اللي كنت بتحلم بيها
............*
هل حاولت تبطل وفشلت؟
بعض الناس جربت تبطيل التدخين وبعضهم فشل
فبيقولوا لنفسهم: أنا فشلت يبقى عمري ما هانجح في كده.. ما أنا جربت
ويكون ده سبب في إنه يواصل التدخين.. عشان مافيش فايدة
لكن..
هل لاحظت, إن محاولاتك اللي فاتت دي.. أعطتك خبرة؟
و إن كل مرة بتكون أقوى من اللي قبلها؟
يكفي إنك أحسن من أي واحد ماحاولش
معنى إنك جربت قبل كده, يبقى دخلت المعركة
والتدخين غلبك في الجولة السابقة
هتسكت له يا معلم؟
............*
هل بطلت سجاير فعلا؟
لو كنت لسه بتاخد خطواتك, جرب معايا اللعبة دي
طلع سيجارة دلوقتي.. واشربها فورا بعد ما تدوس الزرار اللي تحت ده
لكن مطلوب منك
اربط أحاسيسك بالفديوهات اللي هتشوفها دي
يعني: طعم ونكهة السجاير في صدرك.. هي طعم ونكهة هذه الفديوهات
استمتع بطعم السيجارة, واعتبره طعم الصور التي ستشاهدها
حس بطعم السجاير اللي هو طعم الصور دي
اربط اللي هتشوفه بطعم ونكهة السجاير
لو عرفت تعملها بجد.. أوعدك إنها هتكون آخر سيجارة فعلا
هي دي الطريقة اللي تبعدك عن التدخين
اربط المتعة اللي بتحسها, بالألم والبشاعة اللي بتبعد عنها
لو عرفت تعملها صح وبإخلاص.. هتحس بالألم وإنت بتشرب سجاير
ساعتها هتدي لنكهة السجاير دي معنى تاني خالص
............*
المعنى
لا يوجد شيء في الحياة له معنى.. نحن من نعطي المعنى لكل شيء
السجائر ليست ممتعة.. لو مررت بكوم قمامة يحترق, فمن رابع المستحيلات أن تفكر في استنشاق الدخان.. لأننا أعطينا له معنى آخر
السجائر تعجبنا لأننا أعطيناها معنى المتعة والرجولة أو النضوج.. لذلك نشعر بهذه الأشياء مع كل نفس
في الاختبار السابق قمنا بتغيير المعنى الذي نعطيه لهذا الشعور.. وقتها ستتغير سعادتنا بهذا الشعور
قم بهذا بنفسك
فكر في أبشع صورة أو موقف رأيته أو سمعته في حياتك.. أكثر شيء أثار فيك الخوف والتقزز والنفور..الشيء الذي كان يطير من عينك النوم وأنت طفل صغير.. فكر في هذا الشيء.. واشرب سيجارة وأقنع نفسك بأن إحساس السجائر وهي تدخل صدرك, هو إحساس هذا الشيء.. أو سيقود إلى هذا الشيء
لا يجب أن يكون هذا صحيحا دائما
فقط أقنع نفسك بهذا لو كنت مخلصا في رغبتك
جرب هذا الموضوع
وأعدك أنك ستكره السجائر لو قمت بهذا بإخلاص>
اسيبكم مع الفديوهات
ده فديو تشريح رئه مدخن
YouTube - ‫ظپظٹط¯ظٹظˆ طھط´ط±ظٹط. ط±ط¦ط© ظ…ط¯ط®ظ†‬‎
وده ضرر التدخيين علي الاحبال الصوتيه
YouTube - ‫ط£طھط.ط¯ط§ظƒ طھط¯ط®ظ† ط¨ط¹ط¯ ظ‡ط°ط§ ط§ظ„ظپظ„ظ…‬‎
وده بيتكلم عن خطر التدخيين
YouTube - ‫ط®ط·ط± ط§ظ„طھط¯ط®ظٹظ† NO-SMOKING‬‎
ومعلش يا جماعه الفديوهات قاسيه شويه بس هي دي الحقيقه
متنسوش تدعولي وتجيبولي هدايا عيد ميلادي ههههههانا مش هطمع استيكر المنتدي ووظيفه وجي بي اس وقطتين شيرازي وكاست بايونير وبونات بنزيين و و و و اه سندوتش همبورجر وبنطلون ستريتش
اه في حاجه لو عندك عزيمه تقدر تبطل السجاير مره واحده برضو
ملحوظه الكلام الي في الاول ده الي بين <> منقول والفديوهات انا اعدت ادور عليها علي اليوتيوب ويارب الناس كلها تبطل سجاير
والسلام عليكم
ان الذي لا يحسن الابتسام لا ينبغي له ان يفتح متجرا
[sor2]http://www.nilemotors.net/Nile/signaturepics/sigpic11805_8.gif[/sor2]
رقم العضوية : 51291
تاريخ التسجيل : 27Oct2009
المشاركات : 320
النوع : ذكر
الاقامة : Cairo
السيارة: Elantra
السيارة[2]: New Accent
الحالة :
موضوع مفيد قوي بس أنا الحمد لله مش مدخن
[OVERLINE]I love my car[/OVERLINE][OVERLINE][/OVERLINE][OVERLINE][/OVERLINE][OVERLINE][/OVERLINE][img2]http://img38.imageshack.us/img38/8334/30102009402.jpg[/img2]
رقم العضوية : 11805
تاريخ التسجيل : 29May2008
المشاركات : 705
النوع : ذكر
الاقامة : مصر الجديده
السيارة: موتسيكل كاستم علي قده
السيارة[2]: نيو اكسنت 2008
الحالة :
نورت الموضوع ايه ده انتا معاك نيو اكسنت زي حلاتي
ان الذي لا يحسن الابتسام لا ينبغي له ان يفتح متجرا
[sor2]http://www.nilemotors.net/Nile/signaturepics/sigpic11805_8.gif[/sor2]
رقم العضوية : 713
تاريخ التسجيل : 17May2007
المشاركات : 3,466
النوع : ذكر
الاقامة : alexandria
السيارة: لا يوجد
السيارة[2]: رينو فلوانس 2016
الحالة :
جزاك الله كل خير موضوع مفيد جدا
لا اله الا الله محمد رسول الله
رقم العضوية : 6566
تاريخ التسجيل : 27Feb2008
المشاركات : 169
النوع : ذكر
الاقامة : Nasr City
السيارة: MEGAN 2006
السيارة[2]: FORD ESCORT
الحالة :
شكرا جدا
موضوع رائع ومفيد
FORD ESCORT 1.6 Z.TEC
رقم العضوية : 1316
تاريخ التسجيل : 04Jul2007
المشاركات : 815
النوع : ذكر
الاقامة : Qatar
السيارة: يارب لوجان
السيارة[2]: لوجان والحمدلله
الحالة :
انا عملت زي تامر ميتاليكا
بس مش حلفان علي المصحف
كنا رايحين للحج واحنا في الطريق دخلت سوبرماركت كان جنب الكاشير استيكر عليه حديث شريف كان نصه(عن أبي بن كعب رضي الله عنه قال: ما من عبد ترك شيئاً لله إلا أبدله الله به ما هو خير منه من حيث لا يحتسب، ولا تهاون به عبد فأخذ من حيث لا يصلح إلا أتاه الله بما هو أشد عليه)
قطعت عهد بيني وبين ربنا اني مش هدخن تاني
<b><i>
رقم العضوية : 25425
تاريخ التسجيل : 17Nov2008
المشاركات : 7,576
النوع : ذكر
الاقامة : cairo
السيارة: 1
السيارة[2]: 1
دراجة بخارية: no
الحالة :
انا مشكلتى غريبه شويه
انا مش عاوز ابطل سجاير >>>>>>>>> اعمل ايه ؟
رقم العضوية : 6657
تاريخ التسجيل : 29Feb2008
المشاركات : 1,734
النوع : ذكر
الاقامة : الزقازيق - فلل الجامعة
السيارة: السن 24سنة
السيارة[2]: اتباعت الحمد لله
دراجة بخارية: لا يوجد
الحالة :
الحمد لله مش بدخن ولا بفكر عشان بكره السجاير
وكمان عندي حساسية ههههههههههههه يعني اجباري
Live Free Or Die Tryin'
رقم العضوية : 35661
تاريخ التسجيل : 16Mar2009
المشاركات : 570
النوع : ذكر
الاقامة : الجيزة
السيارة: لايوجد
السيارة[2]: لانسر بومة
الحالة :
رقم العضوية : 40835
تاريخ التسجيل : 22May2009
المشاركات : 3,475
النوع : ذكر
الاقامة : damietta
السيارة: thanks god
السيارة[2]: opel astra 2000
الحالة :
اانا مشششششششششششش
والحمد لله
المفضلات