واحد من جوه التوكيل

**enghany** · 10-03-2010 02:30 PM

يا اخي الكريم فتيس النيو اكسنت حاراته بعيده هي طبيعته كده و لتقليل ذللك ارجو اتباع الاتي
1- اذا كنت تضع دواسه تحت بدال الدبرياج شلها تماما
2- فك و تشحيم و ظبط عصا الفتيس
3-اذا كان بدال البرياج تقيل اذا اتت في حاجه لتغيير طقم الدبرياج و الله الموفق

**enghany** · 10-03-2010 02:35 PM

بالنسبه الي الاخ m.elhammmy
ماينفعشى تركب قطع غيار جايبها من بره في التوكيل علشان لو عملت مشاكل في العربيه مايكونش التوكيل مسؤل عنها و الله الموفق

**enghany** · 10-03-2010 02:38 PM

ال الاخ khaled _ali
ما تقلقش خالص اي يوم الصبح بدري هات العربيه التوكيل و هنحل لك المشكله دي علي طول بس اوعي توديها لحد بره و بالتوفيق

**enghany** · 10-03-2010 02:40 PM

الاخ mr_sammeh شكرا لذوق شخصكم الكريم

**mshmshm3** · 10-03-2010 03:25 PM

من فضل حضرتك يا مهندس هاني انا معايا فيرنا 2008 1600 سي سي لما بمشي على الاول لحد 3 ار بي ام و اجي انقل على التاني الفتيس بيعض كأني مش دايس دبرياج وقلتلهم علي الموضوع ده فى ابو رواش كتييييييييييييييييييييييي ر ومش بيعملو حاجة وكل مرة يقولوا ربط خلوص دبرياج اعمل ايه دلوقتي على الرغم ان الموضوع ده مش بيحصل في اى نقلة تانية وشكرا جزيلا لحضرتك

**semsem8080** · 10-03-2010 05:29 PM

سلام عليكم جميعا
انا في انتظار الرد علي موضوع الاستاذ mshmshm3 لأن انا معايا النترا 2008 وبتعمل نفس المشكلة
أرجو الافاده

**shooda2020** · 10-03-2010 07:02 PM

طب حضرتك ممكن سؤال
انا معايا عربيه فيرنا موديل 2009 لسه مش مكمله 3000 كيلو بس بحس و انا بسخن العربيه ان فيه رجه كده
العربيه بتترج
ايه حل الرج حضرتك
يا ريت حضرتك تفيدني
شكرا

**dr_walid** · 10-03-2010 08:26 PM

المشاركة الأصلية كتبت بواسطة enghany

يا اخي الكريم فتيس النيو اكسنت حاراته بعيده هي طبيعته كده و لتقليل ذللك ارجو اتباع الاتي
1- اذا كنت تضع دواسه تحت بدال الدبرياج شلها تماما
2- فك و تشحيم و ظبط عصا الفتيس
3-اذا كان بدال البرياج تقيل اذا اتت في حاجه لتغيير طقم الدبرياج و الله الموفق

العربية لسة جديدة

ممكن نكون محتاجين نغير الدبرياج
و تشحيم العصا دة فى التوكيل ولا برة
طيب ممكن لو رحنا التوكيل نتصل بيك و تشوف المشكلة دى
و جزاك اللة خيرا

**AMIRELGOHARY** · 10-03-2010 09:48 PM

المشاركة الأصلية كتبت بواسطة cdkareem

السلام عليكم اخى فى الله
انا عندى مشكلة غريبة شوية ، انا معى هيونداى اكسنت اوتو موديل 1998 ،1500 ccالعربية بسم الله ماشاء الله زى الفل ، وفيها مشكلة غريبة شوية وهى البنزين بتعمل فى العشرين لتر 150 كم ، لفيت بيها على كل دكاترة مصر d: وكله بيقول العربية زى الفل وحطتها على الاسكانر وبرضه مفيش فيها مشاكل ، حتتها على جهاز co فى البنزينة وطلع الحرق بتعها مثالى ، ومش عارف المشكلة فين وهل ياترى العربية كده مظبوطة ولا فيها حاجة واحنا مش عارفين نوصلها

لاحظ اى تنقيط اسفل السيارة او ريحة بنزين مستمرة.
احتمال تسريب من التانك "مخروم ، لا قدر الله" او الوصلة بتسرب كما حدث معى فى السيارة القديمة

**Mo.Kareem** · 10-03-2010 09:54 PM

المشاركة الأصلية كتبت بواسطة amirelgohary

لاحظ اى تنقيط اسفل السيارة او ريحة بنزين مستمرة.
احتمال تسريب من التانك "مخروم ، لا قدر الله" او الوصلة بتسرب كما حدث معى فى السيارة القديمة

متشكر جدا يا جماعة على الرد بالنسبة للبشمهندس هانى : العربية حططها على الاسكانر والحساسات كلها تمام ، والبوجيهان بتطلع نضيفه ، يبقى اعتقد كده الرشاشات مفهاش حاجة العربية بدور من اول تكه ومفيش اى مشاكل فيها ، سير الكاتينة مش عارف ، هو اعرف ازى اذا كان مظبوط ولا لاء ؟ بس عموماً العربية مفهاش اى مشاكل الصوت حلو جدا السحب تمام ، هى المشكلة الوحدية فى البنزين بس ، ويا استاذ امير للاسف بصينا تحت العربية اكتر من مرة ومفيش بنزين خالص بينزل منها ولا بنشم ريحة بنزين فيها خالص ، وبصراحه انا بدءت اتعقد من الموضوع ده