واحد من جوه التوكيل

**enghany** · 28-03-2010 04:52 PM

الاخ hima 012 التيل اللي في التوكيل زي اللي في مركز خدمه معتمد المهم ما يبقاشش بره علشان خامه التيل اللي بره بتكون ناشفه ممكن الطنابير تبوظ او يكون في صفاره من الفرامل و سعر تيل الفيرنا الاصلي بالتوكيل حوالي 350

**enghany** · 28-03-2010 04:54 PM

الاخ iancelot مادام الصيانه مضبوطه و معموله اذهب الي توكيل ابورواش و اطلب الكشف عن العفشه و تجربه السياره مع مهندس العفشه او ملاحظ العغشه

**enghany** · 28-03-2010 04:56 PM

المشاركة الأصلية كتبت بواسطة kh_fawzy

المهندس هانى
انا متشكر جدا على الردز
المشكله انى ماعنديش اى اعراض من اللى حضرتك قولها بالنسبه لطقم الدبرياج .
المشكله الوحيدة العضه اللى موجودة من الاول للثانى فقط ودى والعربيه باردة ولكن بعد لما العربيه بتسخن ( مشوار ساعه مثلا) كل حاجه بترجع تانى لحالتها العاديه

اشك في الاسطواه اللي عندك لازم تتشاف العربيه دي ماينفعش بالسمع

**enghany** · 28-03-2010 05:02 PM

المشاركة الأصلية كتبت بواسطة shooda2020

الي المهندس هاني المحترم
حضرتك انا معايا فيرنا عامله 2500 كيلو بس
ومش من هواه القرص فيها خالص
بس امبارح قولت اقرص عليها
و جيبت ال 100 كيلو بس يا دوب
و فرملت بس مش اووي يعني خفيف هديت بس وسط لا بالراحه ولا بالدوس علي الاخر
المهم لما نزلت
لقيت سخونه و ريحه طالعه من الكاوتس اليمين المن قدام و ناحيتي برضه بس الناحيه التانيه كان باين اكتر
يا تري ده يا فندم يكون سببه ايه
و اسف علي الاطاله

بص يا سيدي الفرامل الجامده هتعمل ريحه شياط في العجل +لاحظ ان الفرامل الاماميه بتسخن العجل الامامي اكتر من الفرامل الخافيه علشان الفرامل الاماميه disc يعني في احتكاك دائم بين التيل و الطنابير عكس الخافيه drum brake و لكن اذا كانت الفرامل الاماميه بتسخن اكتر من الازم هتلاقي طاسات الامامي تسيح + العربيه قافشه في المشي

**BassamHafez** · 28-03-2010 05:59 PM

البشمهندس هاني عندي ليك سؤال في موضوع الضمان

انا عربيتي عامله 30000 وبطلت اروح التوكيل من بعد صيانه ال 15000

وعندي شك ان العربيه ممكن يكون فيها اسطوانه فهل ممكن تتغير في الضمان ولو الاجابه لا

ايه اللي ممكن يتعمل عشان العربيه ترجع الضمان تاني وتتصلح فيه

ولا لا يوجد امل

**hima012** · 29-03-2010 01:26 AM

المشاركة الأصلية كتبت بواسطة enghany

الاخ hima 012 التيل اللي في التوكيل زي اللي في مركز خدمه معتمد المهم ما يبقاشش بره علشان خامه التيل اللي بره بتكون ناشفه ممكن الطنابير تبوظ او يكون في صفاره من الفرامل و سعر تيل الفيرنا الاصلي بالتوكيل حوالي 350

المهندس هانى
انا متشكر جدا على رد و اهتمامك بس بنسبه للفاتوره وملاحظة الى فيها دى وحاجة تانية اعرف ازاى ان مركز معتمد مش اونطه

**LanCeLoT** · 29-03-2010 02:35 AM

المشاركة الأصلية كتبت بواسطة enghany

الاخ iancelot مادام الصيانه مضبوطه و معموله اذهب الي توكيل ابورواش و اطلب الكشف عن العفشه و تجربه السياره مع مهندس العفشه او ملاحظ العغشه

متشكر جدا يا بشمهندس على اهتمام حضرتك
بس كان ليا اضافة .. هوا المتوقع ايه لو في حاجة لا قدر الله
يعني ممكن يكونوا مساعدين او ايه
وهل لو في حاجة فيها مشاكل هتتغير في الضمان ولا ايه ؟
و شكرا مقدما

**w_abedelhakim** · 29-03-2010 11:17 AM

لو سمحت يا بشمهندس هاني
ممكن تقولي علي مركز صيانة معتمد انت تثق فيه لان زوجي معاه النترا 2010 بس خليجي وعايز يروح مكان كويس علشان ميحصلش مشاكل في العربية لان في اماكن كتير بيبقي بيكتبوا مركز صيانة معتمد ومش بنعرف فين الكويس فيهم ولو فيه في اماكن كتير يبقي ياريت مدينة نصر او مصر الجديدة
واسفة للاطالة

**top_10group** · 29-03-2010 08:48 PM

موضوع ممتاز وتعاون من الباشمهندس هانى اكتر من ممتاز ويا رب دايما للامام

انا معايا النترا 2009 وكنت ركبتلها قبل كدة باركنج سنسور عند عشن نوار اللى دمشق زى ما قالولى فى التوكيل.
المهم انا ركب بعد كدة شماسة dvd ومخادع شاشات بس من برة.
السؤال هلى فيه مشكلة من ناحية الضمان ولا لا ؟
ثانيا: كنت عايز اركب سبويلر خلفى وكنت هجيب واحد من الحرفيين واركبه هل فيه مشكلة بردو من ناحية الضمان ولا لا ؟
واسف للاطالة . وشكرا