الموضوع: تنصحو بأية فى حدود 80000

المشاركة الأصلية كتبت بواسطة kirolloskamal

هما ثلاث حروف

f.r.v

عربية روشة جدا و الحمد لله عن تجربة عربية تستحق الأحترام
و ممكن تدخل القسم بتاع بريليانس و تشوف اد ايه ملاكها الحمد لله مبسوطين بيها
ده كلو زائد توكيل غني عن التعريف bavarian auto group
عن تجربة توكيل محترم جدااااااااا هتكون متطمن و انت معاهم
و ربنا يوفقك يا باشا

+11111111111111111111
ولو مش حاباها ممكن نيو اكسنت عربيه حلوه اوى او الجيتز عربيه موتورها تحفه على حجمها

المشاركة الأصلية كتبت بواسطة mmffor

اقول لسيادتك ليه انا ضد البريليانس, علشان انا بحب الناس و صعبان عليا انهم يضيعوا فلوسهم ( ما عدل طبعا اللي عارف الكلام ده و مش همه,يعني الفلوش مش بتفرق معاه كتير, ده طبعا حر يضيع فلوسه زي ما هوا عايز)

اولا انا ضد اغلب الصيني و عن تجربه! التيجو انا قلتله عليها ليه, علشان بتتباع في ايطاليا و الطلاينه بخلا و ناصحين و قرشهم عزيز عليهم ده معناه انهم قدروا يثبتوا نفسهم للحانوتيه بتوع اوروبا و كمان لان عفشتها عفشة جيب و اظن ان ده معناه انها حتستحمل الطرق المصريه شويه عن اي عربيه ملاكي تانيه, و سعرها 79000 يعني ارخص من ال frv ال 1300 اللي ماتورها بيقع لوحده !! ده بخصوص التيجو مع اني مش عاجبني ان في ناس تقولك بابها تقيل و الازاز الكهربا بيعلق و مش عارف العفشه محتاجه تربيط كل شويه, ده طبعا لأنها صيني برضه.

اولا احب اقولك ان بريليانس بتتوزع في المانيا و بعدين موتور ايه اللي بيسقط لوحده اللي بتقول عليه ده هتقولي بقي الراجل اللي كان عامل موضوع سقوط الموتور هقولك يعني هو انت بتشوف الوحش و مش بتشوف الحقيقة ؟؟؟!!!!!!! ممكن تدخل و تشوف رد البفارية لأن اصلا العربية دي كانت عاملة حادثة و قواعد الموتور اتكسرت و ده ممكن يحصل في اي عربية تدخل في رصيف او حاجة زي كده من قدام

بخصوص البريليانس شفت كام اقتراح في الفئه السعريه اللي بتنتمي اليها ال frv ؟ ياباني و ايطالي و كوري و ماليزي.

ايه اليباني و الإيطالي ممكن تقولي في الفئة دي قواي ايه الياباني و الإيطالي؟؟؟؟
و بلنسبي بقي للكوري و الماليزي ف انا بقي متأكد و عن تجربة ال frvاعلي بكتييييرر و علي اقل تقدير نفس المستوي لبعض العربيات و احلي من عربيات كتير اويييييييي كوري زي الانوي و الفيرنا و غيرهم
معناه انها عربيه واخده مقام غير مقامها, قوللي ليه, لما اكبر برنامجين و موقعين للسيارات واحد امريكي و التاني بريطاني يتريقوا على العربيه و يقولوا ان الجالينا الحاجه الوحيده اللي عرفت تسبقها كان الاتوبيس اللي بالكهرباء و كمان علشان بيقف كتير, اتريقوا على تقليد الخشب الابانوس في التابلوه اللي المفروض انها من فئة السيارات الفاخره, الجلد السكاي , الفينيش الرديء و البلاستيك المعاد تصنيعه و في الاخر ادوها نجمه واحده من 10 و سبلندور نفس الكلام بس ادوها 3 نجوم علشان قالوا ان موتور الميتسوبيشي فيها عامل شغل!!!! بصراحة هما متكلموش على ال frv لو ده كان فيه عزاء ليك مع اني مظنش شركه مبهدله الدنيا في الفئه الفاخره بتاعتها و فئه الصالون و حتيجي فجأه تفتكر ربنا في العربيه الشبابي الهاتشباك الرخيصه اللي حتعملها!

اكبر برنامجين اللي بتفول عليهم دول اصلا اتريقوا علي تقريبا كل العربيات اللي في مصر يا باشا دول ناس مش بيقتنعوا غيربمرسيدس فيراري انما قولي عربية واحده في نفس الفئة السعرية جابوها و متريقوش عليها الجين تو اللي الناس عملا عليها قلبان هنا و ولا كأنها عربية ما بعدها عربية في البرنامج اللي بتقول عليه ده مسحوا بيها الأرض و علفكرة ده لا يقلل من الجين تو علفكرة و انا من الناس اللي بتحب الجين بس يا باشا الناس دي معايرها مختلفة عننا و لو مسكوا اي عربية بنلركبها هنا بيبهدلوها
و كلنا فاكرين الصفر الكبير اللي خدتوا البريليانس في اختبار السلامه الاوروبي مع اننا مبيهمناش الكلام ده في مصر, سلامة ايه و بتاع ايه خليها على الله, و عارف مسبقا انك حتقوللي عملوا 37 تعديل على الشاسيه و القوايم و البودي و جابت 3 نجوم بالرأفه بعد كل الكلام ده و الفضيحه دي و كل اللي عملوه انا قلت حيعملوا عربيه تعدي في الحيط لحفظ ماء الوجه بس باين عليهم عنيهم بجحه! 3 نجوم؟!؟!؟! حد يقوللي على عربيه واحده في الفئه بتاعت الجالينا و جابت 3 نجوم!واللا حتى الفئه الاصغر منها و اللا فئة سعرها. للعلم ال qq اللي ب 35 الف جابت 3 نجوم مع انها صيني برضه.
المفاجأه دلوقتي, اتيحت ليا الفرصه لتجربة الجالينا و كان عندي امل انها تطلعني غلطان بس كانت بجحه و مهمهاش انها تطيب خاطري. فتحت الباب (العربيه كان عمرها سنه و نص ) طارة الدريكسيون كان لونها رايح و ممسوح البلاستيك المتلون خشبي المطعمين بيه التابلوه كان شكله قبيع فعلا و مش واخد على خشب خالص. مقابض الباب النيكل من جوه طلعت مش نيكل يا رجاله!!!! دي طلعت بلاستيك واخد ستيكر نيكل!!!! التابلوه اقسم بالله اللانسر البومه اشيك منه, مفيش اي تجهيزات و اتحدى تثبت غير كده!!! قماش الفرش زي اللي بينزل في الانوس!!! بطانة الابواب رديئه جدا. فتح الباب و قفله بصراحه كان حلو و بيقفل زي الاوروبي بصوت مكتوم كده و تحس انه تقيل و مالي مركزه. ادور العربيه لقيت صوت الموتور عالي مع الدواره!! و بعد كده صوته برضه مسموع. بقولك ايه انا تعبت و مش قادر اكمل. دي العربيه بتاعتهم اللي ب 155 الف جنيه. طبعا ايه رأيك في العربيه اللي منزلينها بنصف الثمن؟

انا مش هعرف اقول حاجة لاني مركبتش الجالينا و لكن انا معايا frv و شايف ان التقفيل و الأدوات المستخدمة معقولة جدااا ان لم تكن ممتازه علي سعرها و بعدين انا مليش دعوة بالجالينا لاني اصلا مش مع حد يدفع في عربية صيني كل ده انا بتكلم عن ال frv و شايف انها مناسبة جداا لسعرها متفتكرش انك ب 80000 الف هتركب عربية متقفلة تقفيل bmw ولا مرسيدس و انا شايف ال frv بسم الله ما شاء الله تستحق اكتر من سعرها كمان و الخامات و التقفيل مناسبة جداااااا علي تمنها
التوكيل حلو ماشي مضبوط دا توكيل بي ام طبعا حلو!!! بس العربيه دي بي ام؟ انت دافع 300 الف واللا 500 الف علشان يبقى عندك استعداد تتعامل معاملة البي ام؟ خدمة فندقه صحيح بس بتدفع كأنك قاعد في جراند حياه !!! انت اشتريت صيني واللا بريليانس علشان عايز عربيه اقتصاديه لأن ميزانيتك متسمحش بمبلغ كبير تيجي تضيع كل اللي حتوفروا في التوكيل و الصيانات؟
و الله حضرتك اتعامل مع التوكيل الأول بعدين قول هيساووا بينك و بين مالك ال bmw لاني شايف كلام حضرتك مش منطقي لانك مدخلتش التوكيل ولا جربت انا اقولك بقي انا مش بقول اني شاري bmw بس الناس هناك في التوكيل قمة في الاحترام و اي حاجة بتقول عليها بتتعمل و ازيد كمان و انا مش عايز غير كده

طب ماتكمل و تجيب فيكترا؟ واللا اقولك توكيل بايخ. هات لانسر. ياباني والله الموديلات اللي مطعمه خشب خشب طبيعي و كل موديلاتها التابلوه و مقبض الفتيس و الطاره جلد طبيعي!!! قطع غيارها ببلاش!!!! ناعمه سريعه و مريحه و موفره للوقود.
دي اسبابي, رأيي الشخصي و رأي خبراء سيارات و عن تجربه لمالكي السياره و تجربه بسيطه لي!
مين مالكي السيارة دول و انا بتكلم عن ال frv و تجربة حضرتك في ايه بالزبط انت جربت frv ولا بتتكلم عن الجالينا ؟؟؟؟؟ مع اني مش شايف حضرتك اتكلمت عن الثبات ولا اي حاجة بس مش دي القضية لاني زي مقولتلك مركبتش الجالينا ولا جربتها قبل كده انا كل كلامي عن frv
سامحني
يا باشا محصلش حاجة احنا اخوات و ادينا بندردش

الرد داخل الكلام بالأزرق

نيو اكسنت يا ريس
في بنات كتير في بورسعيد بيسوقوها

getz auto

gen 2 auto