فعلا يا باشا كلامك صح
بس ده فى القياده الرياضيه
يعنى بالنسبه للناس اللى بتشد ومش مهم تحرق لحد كام
بيبئى اللى عزمه على rpm عالى احسن
لكن بالنسبه للناس الطبييعيه والسواقه فى مصر بيبئا العكس الافضل تجمع على rpm واطى
عشان توفر بنزين وتحافظ على عمر المحرك وتاخد اداء من غير صوت عالى وتحافظ على الفتيس والاسطوانه والديسك
لكن بالنسبه للناس اللى بتشد وتفرق معاهم الثانيه وكده كده بيحرقو ل 6.5 يبئى الاحسن اللى عزمه على العالى
وبالنسبه للمواتير المذكوره للاسف ماجربتش ولا واحد فيهم ونفسى اجرب
انا اقصد ان المقارنه محسومه لصالح البيرسونا
كأمان وكماليات وثبات وعفشه ووسع داخلى وشكل.... وكل حاجه عدا اعادة البيع
وممكن حضرتك تشوف التوبيك اللى فى التوقيع
وشكرا على المشاركات والمتابعه يا باشا
للأسف جربتها مره واحده وكانت متأجره واوتو والفتيس بيهيس لوحده ومتبهدله وماقدرتش احكم عليها فى حاجات كتير
ويا ريت لو حد معاه النترا يسمحلى بتجربتها يبئا تمام
وشكرا يا استاذ اسامه
وخلى بالك تقريرى عن البيرسونا جاى فى الطريق