الموضوع: حكايتي مع النيو اكسنت وغبور-ما حدث وماأتخذته من اجراءآت وما سوف اتخذه

المشاركة الأصلية كتبت بواسطة a7med4u

الأخ ابو مارو كلنا معاك
أنا نفسى أفهم سيارة معيوبة ودية وارد أية المشكلة فى تغيرها يرسلها غبور الى بلدها ولى سؤال للمهندسين في غبور لو واحد منهم أشترى سيارة زيرو معيوبة ولم يكن يعمل فى مجال السيارات ماذا كان سوف يفعل
علي العموم شكرا أنا كنت ناوى أشترى النترا وطبعا بعد عدم أحترام عقلية و ذكاء المشترى غيرت

اشرب يا غبور باشا ماهو العيار اللى مايصيبشى يدوش ولسه كمان يا ما هتشوف وتخسر علشان فلوسنا دى حلال ومن عرقنا
منكم لله يا ظلمة ربنا ينتقم منكم جميعا
........................*
محمود عينو

المشاركة الأصلية كتبت بواسطة eslamrace

اولا انا مقرتش كل الصفحات انما اغلبها ورايي بصراحه ان الاخ صاحب الموضوع والعربيه له كامل الحق فى كل اللى عامله
اولا موضوع كتابته المتقطعه هو حر ومطلبش من حد يستناه يعنى المفروض لو حد مستعجل المنتدى مليان مواضيع
ثانيا المفروض ان اى شخص قبل ميرد عليه انه يحط نفسه مكانه انت بتطلع مبلغ وقدره بتشترى عربيه زيرو علشان حاجه واحده بس انك تريح دماغك ومتقوقفش فى التوكيل او عند الميكانيكى اكثر من نص ساعه وهى انك تغير فلاتر او زيت وغير كده ايه معنى انك تركب عربيه اتفكت قبل كده واتغير فيها دبرياج وانا متاكد ان تقفيل ميكانيكى محترف فى مصر اكيد مش حيكون فى جوده اى عامل بره
ثالثا انا بعد ما قرات رد الاستاذ اللى شغال فى التوكيل اظن انه باسلوبه فقد تعاطف الجميع
توكيل هيونداى انا سمعت منه شكاوى كتير وده يدل على شئ واحد فشل الاداره فى اكتساب رضى العملاء ليس الجدد وانما اصحاب السيارات ومش معنى ان اسعار العربيات الهيونداى فى المتناول انها تكون بالشكل ده
وفى النهايه عايز اقول للاستاذ صاحب الموضوع لو شايف ان ليك حق متسيبهوش وانا مش بسخنك انما انا لو فى مكانك حقول وحعمل اكتر من كده وانت من الناس المحترمين وده باين من اسلوبك وردك على انتقادات الاخرين

تسلم ايدك ويسلم اللى رباك وعلمك الادب والذوق والاحترام
........................*
محمود عينو

الاخ بتاع البلبلة و العقد النفسية و الكلام الفاضي ده ، اسمحلي اقولك ان اللى اختشوا ماتوا فعلا من زمان.

يومكم جاي قريب ان شاء الله ، ماهو كل كبير وله يوم.

المشاركة الأصلية كتبت بواسطة AboMaro

انا عايز اقول حاجه - هما بيقولوا لا بيهمنا منتدى و لا اعلانات
المنتدى هنا بس ليه قوى وصدى واسع جدا جدا - وده بفضل ادارته و عضويتكم

الحمد لله انا دلوقتي معانا 6 افراد حصلها ضرر بانواع مختلفه من توكيل هيونداي
وتاني بأكد كل التوكيلات ممكن عندها مشاكل بس مشكلة عربيات زيرو فيها عيب دي اللي تبقى مختلفة شويه - و كمان تصرف التوكيل مع المشكله هو الاغرب - و عدم تنفيذ القانون هو الاغرب و الاغرب

المهم بالامس انا اتصورت مع العربيه - و صورت العربيه - ده بناء على طلب احد الصحفين و اللي هو اعلامي في نفس الوقت

و انا و باقي السته هنتقابل على يوم التلات او الاربع بعد الاجازات و هنروح سوا - بقول سوا - لكل الناس اللي نعرفهم يعني لو انا اعرف صحفي نروحله سوا - لو واحد فيهم يعرف صحفي نروحله سوا وهكذا كمان لو حد فينا مشكلته خلصت اقسمنا كلنا يكمل مع الباقي برده لحد ما مشاكلنا كلها تخلص - والارزاق على الله - و باب الحجز مفتوح للجميع

وكمان فيه كلام عن جمعيات و كذا حاجه كده - انا بس حبيت اقولكم ان فيه نتيجه و هتجيب ثمارها مع الوقت
اول خطوة اننا اتفقنا - اي خطوة تانيه هتحصل هقولكم - بس بعد ما تحصل عشان منتكلمش و بس

مش عارف ليه مش متفائل بموضوع الصحافة دي ...
اي جريدة هترفض تكتب اي حاجة عن غبور ( علشان اللي بيكسبوه من الاعلانات اللي بيعملها عندهم ) .
علي العموم انا اتمني

أنا بصراحة شايف الموضوع فيه تهويل كبير واخذ اكثر من حقه ، أى توكيل فى مصر مش هيغير عربية عشان عيب قطعة غيار مستهلكة ، والغرض من هذا الموضوع هو البلبلة لا غير

المشاركة الأصلية كتبت بواسطة ahmed2010

أنا بصراحة شايف الموضوع فيه تهويل كبير واخذ اكثر من حقه ، أى توكيل فى مصر مش هيغير عربية عشان عيب قطعة غيار مستهلكة ، والغرض من هذا الموضوع هو البلبلة لا غير

هو الموتور والجيربوكس فى عربية زيرو ما مشيتش 1000 كم على بعض يبقوا عيب قطع غيار مستهلكة ما يستاهلشى ان العربية تتغير وان الموضوع تهويل وبلبلة
طيب حط نفسك مطرح صاحب المشكلة وقولنا هتعمل ايه
ده الرأى المستفز ده
نصيحة اقرأ الموضوع من اوله وبعد كده قول رأيك بأمانة تحاسب عليها يوم الدين
من قال لا اعرف فقد افتى
حسبى الله ونعم الوكيل
....................*
محمود عينو