استفسار خاص بالبنزين

**H_A_T_Em** · 12-03-2010 06:11 AM

يا جماعه دلوقتي انا عربيتي بومه 1600 و انا تانك البنزين فضي مني مرتين تلاته و اللمبه كانت منوره و كنت بضطر امشي بيها شويه و فيه مره فيهم كانت خلاص حسيت ان العربيه لو مشيت بيها 100 متر ممكن توقف و لكن كنت مضطر واحد صاحبي قلي كده غلط قوي انا عارف طبعا انه غلط و لكن ده مش علي طول و بتبقي ظروف عايز اعرف بقي الكلام ده بياثر في ايه عشان لو في حاجه اعملها ان شاء الله

**عصام غنايم** · 12-03-2010 06:37 AM

غير فلتر البنزين بسرعه

**mohamedway** · 12-03-2010 08:20 AM

مفيش مشكلة و متقلقش محصلش حاجة.

**A.Saad** · 12-03-2010 02:28 PM

ممكن تبوظ الرشاشات

**أبو إياد** · 12-03-2010 11:06 PM

المشكله هاتحصل مستقبليا اذا تكرر هذا الموضوع
واول حاجه هاتتاثر هو فلتر البنزين وبعدها الرشاشات

**m_waheed** · 13-03-2010 01:53 PM

المشاركة الأصلية كتبت بواسطة mohamedway

كلاكيت تانى مرة...............

متقلقش و محصلش حاجة و التانك مفيهوش رواسب ولا حاجه و حتى لو فيه رواسب طرمبة البنزين مش هتسحبها و لو سحبتها الفلتر هيحجزها و مش هتبوظ الرشاشات و لو الفلتر حجز الرواسب المفترضة ده يبقه هيتسد و لو إتسد هتحس بمشكلة فوريه فى العربيه مش مستقبليه ولا حاجه و ما دام محصلش مشكله فورية فى العربيه و العربيه كويسه....................... يبقه محصلش حاجه و متفتحش على نفسك فتحه بالأونطة بسبب القلق.

بقدر الإمكان حاول متخليش التانك يفضى على الأخر منك ......... مش عشان الرواسب و لكن لإطالة عمر طرمبة البنزين و لو التانك فضى منك بردو متقلقش لأن الطرمبة مش هتتضر ولا حاجه بس ده نصيحه لإطالة عمرها مش أكتر لأن الطلمبه مغمورة فى التانك وسط البنزين و البنزين يعتبر و سيلة التبريد بالنسبه لها.

111111111111111

**turch** · 13-03-2010 07:05 PM

متقلقش انا اعرف ناس في شمال سينا كلهم معاهم بومه وكلهم بيحطوا بنزين 80 لان المحطات عندهم مفيهاش غير 80 وشغالين زي الفل ومفيش مشاكل تخيل بقى ال80 ووساخته والرواسب اللي فيه.