تمام يا اخ هيما ويا ريت تبقى المناقشة موضوعية وتعالو نشوف مشاكل العربية اية بالظبط علشان نضغط على الوكيل ونلاقى العربية مية مية تتباع باقل القليل من العيوب
عرض للطباعة
تمام يا اخ هيما ويا ريت تبقى المناقشة موضوعية وتعالو نشوف مشاكل العربية اية بالظبط علشان نضغط على الوكيل ونلاقى العربية مية مية تتباع باقل القليل من العيوب
انا ممكن اقولك كماليات 516 و اللي اكتشفت ان بعضها مش موجود في عربيات سعرها فوق 100 الف
--------------
-تكيف اوتوماتيك تاتش يمكنك اختيار درجة حرارة السيارة التي تناسبك و ليس بكرة اربع درجات مثل اللانوس. يمكن اظهار درجة الحرارة خارج السيارة علي شاشة التكيف
-تحكم الكتروني في المرايات الجانبية
-فتح شنطة السيارة بواسطة الريموت كونترول
-اغلاق جميع النوافذ بالريموت كونترول
-امكانية اظهار عداد ديجيتال لقياس معدل استهلاك البنزين ثانية بثانية
-غلق جميع الابواب اوتوماتيكيا عند سرعة 40 كم
-ظبط زاوية الكشافات الامامية لاعلي و اسفل
-مصابيح ضباب
-في حالة وجود احد الابواب مفتوحة تظهر صورة السيارة في التابلوه و يظهر عليها بالتحديد الباب المفتوح
- وجود لمبة صيانة في التابلوه و تبدأ في الاضاءة عند ميعاد الصيانة
-كاسيت و سي دي و ام بي ثري
-مخرج كهرباء للشحن بخلاف الولاعة
-فرامل abs يمكن 3 او 4 مرات اللي قدامي بيقف مرة واحدة و كنت متاكد اني هاخبطه بس مرة واحدة بلاقي دواسة الفرامل بتدبدب بسرعة و العربية بتكلبش في الارض
-غطاء الشنطة مبطن من الداخل و ده مش موجود في الانوس و الفيرنا
-اريال داخلي و ليس اريال خارجي تقليدي
-اضاءة للصالون الخلفي+اضاءة امامية+مصباح قراءة يمين و اخر شمال
ماتخليش حد ينغص عليك ولا حاجة...ولازم تعرف ان اهم واحد يقتنع بالعربية هو انت...يعني لو عاجباك و مش عاجبه غيرك يبقي مش مهم...المهم عاجباك و حاسس انك مستفيد بالفلوس اللي اندفعت فيها...انا شخصيا مبسوط جدا باللي خدته من 516 في 3 سنين و ب 63 الف بس...الحمد لله...و لو كان فيها شوية عيوب..مش ممكن اتفادها الا بشراء سيارة يتعدي سعرها 80 الف او 100 الف و انا ماكنتش اقدر ادفع المبلغ ده من 3 سنين...يبقي اقول ايه؟ اقول الحمد لله !!
و علي فكرة من اكتر الحاجات اللي مش باحبها في 516 شكل الشنطة بتاعتها...و لو m11 كانت موجودة من 3 سنين كنت جبتها حتي لو بكماليات اقل لان انا بيهمني قوي الشكل الخارجي
كلام سليم أنا من أقل من سنتين كانت ال 113 بالنسبة ليا حلم مش عارف أحققة ورحت دفعت مقدم في byd فلاير أم 39 ألف اللي بطلوا ينتجوها بس كنت كل ما اروح مشوار وارجع انزل ابوس فرد الكاوتش ووالله ماشفتش منها حاجة وحشة بدليل اني دلوقتي بفكر اجيب حاجة أحسن شوية وبفكر في الصيني برضو
لا يا اخوانا انتو فهمتوني غلط:) انا مش بتكلم علي نفسي :36_1_1[1]:.... انا بجد مفيش عربية في رينج 100 الف ممكن ابدلها بنقاوتي حبيبتي.... انا مستنيتش حد يجيب و يشكرلي فيها .... انا طالاما توكلت علي الله و استخرته هيكون هوا خير الحافظين و الحمد لله:ask: ...... انا كنت بشرح لايهاب احاسيس الناس المتنوعة :):colsmil:
اخي العزيز heema
في نقطتين حقولهم ودول بأمانة :
1- أنا عندي قاعدة بالتزم بيها في الحياة العادية ... أنا مش بناقش عربية مع صاحبها ... حتى لو كان بني آدم مستفز .... مهما كان ...علشان زي مابتقول إني مضايقش حد دفع دم أهله في عربية ..... بس مهما حاولت القاعدة دي مقدرش التزم بيها في المنتدى .. فـعذرا لكل مالكي العربية ... أنا مش قصدي إني اضايق حد ....أو اكرهوا في عربيته...
2-أنا مش مؤمن بالتقسيط .... ولحد مناقشة قريبة مع والدي أستاذ إدارة الأعمال كنت مقتنع إنها حرام ..... فـأنا زي كل الناس اللي هنا ....فلوسي على قدي ... مع نقطة أسوأ إني مش حشتري تقسيط عمري ... معايا فلوس أشتري ...مش معايا ..مش حشتري ......
.................................................. ...................................
مش عيب إن الواحد يرضى بالقليل ... كل الأديان بتحث على كده , ده عين العقل ...ومستحيل إني اسخر من حد عايز يحفظ أهل بيته وكرامتهم .... ده بالعكس حاجة لازم نحترمها ...
بس في نفس الوقت لما يكون معايا مليون جنيه ويالوكيل يسرقني في 100 ألف أهو سرق 10% من فلوسي وادني عربية كويسة ... أما لما يكون معايا 50 ألف ويسرقني في 12, 15 ألف هو سرقني أكتر من الوكيل الغالي .... و مخدتش أنا حاجة تستاهل ..... دي وجهة نظري ....
وأنا مش بقول لحد زود 10 أو 20 ألف ... أنا بقوله زق نفسك لأقرب حاجة مضمونة ... حتى لو شايف إن إنها اقل في الكماليات من الصيني لإن في الآخر اسمها كماليات ...مش أساسيات ... وده المهم .... وكلنا لما ربنا بيرزقنا وعايز يغير ...بيبقى عامل في حسابه إنه حيبيع بكذا وحيزود اللي ربنا يقدروا عليه ...فـلازم بعد كام سنة ألاقي عربية ابيعها ... وتجيبلي فلوس .....
ابوالفتوح أكبر نقطة بيسوق بيها العربية الكماليات .... ال ABS وال EBD ...والكلام ده ...هو عارف إن ده اللي بيرجح كفته قصاد أي حد تاني لإن العربية لوحدها مش حتكسب حتى لو سعرها رخيص ...
وزي ماقلتلك ..لو معاك 200 ألف وحتشتري بيهم عربية ...ماتدينش هات بيهم ... انزل بالكماليات قصاد الأساسيات .... ده اللي حيبقى في العربية ... أنت فعليا كل اللي محتاجه ....تكيف ... حتى الكاسيت ممكن تجيبه براحتك بعدين ..... متخليش الكماليات وأنا آسف واعذرني المظاهر تخدعك .... ماتخيش الوكيل يقولك الموتور صناعة AVL ولو دخلت على AVL حتلاقيهم شركة قياسات واختبارات .... والموتور الوحيد اللي عملوه كان ل عربية نقل روسي .... هم بيروحوا يعملوا حاجات هبلة في شركات محترمة علشان يحطوا اسمهم معاهم ...يعني كاتبين bosch و اللي جايبينه منهم حاجة , valeo وجايبين منهم دايرة مفتاح ... عارف لما AUDI راحت ل valeo طلبت منها فانوس لل Q7 و المشروع عمره 3 سنين .... 3 سنين في فانوس زنون valeo بتعمله من 15 سنة ..... ده الفرق .... ده طبعا غير mira اللي معملتش حاجة في الشاسيه غير ساعدتهم إنهم يخدوا موافقة اوروبية في حاجة مش عارفها ....وهم مش محددينها وبرده الكلام ده كلام chery مش mira لو دورة في موقع mira مش حتلاقي حاجة .....
وزي ماأنا قلت ودي حقيقة هندسية يعرفها كل مهندس ... إن رغم كل الاختبارات وال quality control في نسبة من 2 ل 5 % من المنتج لازم يبقى فيها اخطاء ...بس ده مش حجة إن كله بيغلط إن احنا نكبر دمغنا ... لإن في اخطاء زي بتاعت ال elantra اللي إنت قلت عليها واتحدى لوحد لقا 100 عربية في الكام ألف من نفس الموديل , فيها نفس الخطأ.....
أما موضوع الاسلوب فـصح ... لو كنت فظا غليظ القلب لانفضوا من حولك ..... بس إنت عارف وكلنا عارفين موضوع الناس بتوع الوكلاء اللي شغلانتهم إنهم يمدحوا في العربية .... زائد إن في ناس شايفة إني ضدهم شخصيا ... ده طبعا غير الناس اللي مش مصدقه إن في ناس ممكن تتهوس بالعربيات ويقعدوا يقروا فيها ويدوروا .. ومعاهم حق كمية الفتي بقت مهولة ...بس في ناس ... هوايتها العربيات ... وبيدوروا على المعلومة ... ومش بيقولوا حاجة علشان الرغي وخلاص...
وربنا يصلح الحال
ويعلم ربنا ...إن أنا عندي إن أنا أطلع حمار مبفهمش حاجة ...عن إن نقطتي تطلع صح وحد يخسر تحويشة عمره .... لأني عارف القرش مش بيجي بالساهل ...
اخونا فى اول النقاش وهوه بيشكر فى التيجو قال واجهتنى مشاكل بسيطه وتم حلها فى التوكيل وهوه مكملش 1000 كيلو انا فى راى الصينى صينى برضه يعنى كماليات ومظاهر بدون الاهتمام بمعايير الجوده والعمر الافتراضى تمام زى الدهب الصينى اليومين دول
انا كان عندى لانسر موديل 99 لم اذهب للميكانيكىلمده 4 سنين متواليه وماتركس منوال سنتين بدون اعطال نهائيا مع العلم انى بعمل 4000 كيلو فى المتوسط شهريا
بص سنة الخدمه للعربيه الصينى ب3 سنين لانواع من عائلات وعلى راى المثل وعلى الاصل دور
مقيش اختلاف ان اى حاجة من صنع الانسان فيها عيوب
بس الفرق الوحيد هو توجة المصنع، و دى حاجة ان بشرحها لان دا صميم شغلى.
لما مرسيدس تقول انا رقم واحد فى التكنولوجيا و بكل ثقة تقول انا سابقة الناس بما لا يقل عن 10 سنوات، غير لما انتج سيارة رخيصه واركز على الكماليات، الفرق كبير، و نفس المثال اللى انا ضربته اكثر من مرة فى الموضوع دا : روح لاي نجار فى الدنيا و اطلب منه يصنعلك باب شقة، حيقولك بكام لانه ممكن يعملك باب ب 100 خسب سوقى ( زى الصينى < الجوهرة>)، وممكن يعملك باب ارو ب 3000 زي المرسيدس.
ومن الظلم اننا نقارن السوقى بالأرو عشان مفيش وجه للمقارنة، اصلها مش عربية والسلام دى فلوس الواحد بيطفح الدم على ميجبها
والسلام ختام