المشاركة الأصلية كتبت بواسطة hemaa_82
يسلم فمك يا استاذ ....نفييييييييييييييييييششش شششششششششششةةةةةةة.....اقتب س من شاهد مشفش حاجة مش تريقة والله
هوه ده عين العقل....
الصينين اللي عملوا العربية طالعين بيها السما ...احنا ما بين مصدق و مكذب ....الحاجة الوحيدة اللي هتفصل بين الجميع هيه الوقت ......
احنا بقالنا حوالي 3 سنين شغالين علي 516 & 113 & 213&620
و اقل من سنة علي m11
نقدر نقول ان 213 دي اساسا اللي اشتراها عينيه بتوجعه و الكل اجمع انها عربية غريبة فسيبك منها ....مشفتش حد بيدافع عنها
113 كل اللي راكبنها قالوا حلوة بالرغم من وجود عيوب بس _حط خط تحت بس دي_ بتتصين كويس و في نفس الوقت الدفعات الجديدة بتتلافي العيوب
516 زي 113 مع وضوح التحسن علي الاداء في الجديد
620 مشفتش منها شكوي غير البيه اللي عاملها موقع .... و اظن ان موضوع ان عربية تحود لوحدها ده قتلناه بحث و قولنا في الاخر اكيد الراجل في حاجة مش شايفها
m11 معايا بقالها 6 شهور و الحمد لله لسه اكيد بخيرها و بسم الله ما شاء الله
فكرة بقي اعادة البيع ....احنا حتي اللي معاه عربيه صيني عاجباه لسه برضه اكيد بيفكر زي الباقي ان طالاما صيني لازم تكون ارخص و طالاما مستخدمة نزلها الارض....
ده فكر بغض النظر عن حاله السيارة .....
مش هايتغير او علي الاقل مش قبل كمان 15 قول 20 سنة حتي لو كانت العربيات بتقول باب و ماما
بس السمة اللي اكيد باينة في الصيني "اللي هوا اسبيرانزا و بريليانس فقط مش كله يهني" ان بجد العربية بالنسبة لفلوسها تعتبر صفقة رابحة لو مش بتفكر في البيع فيما بعد
ده من خلال قرايه الواقع من 3 سنين فاتوا
و بغض النظر عن التحييز ......
انا عن نفسي كنت رافض الصيني تماما , بس و الشهادة للحق الm11 غيرت فكري تماما.... ولما توكلت علي ربنا و جبتها ,جبتها بعد ملاحظة 516 بتاعت والد واحد صحبي و كانت معاه سنتين زي الفل و لازالت كدا تلت سنسن زي الفل
و جبتها و انا متوقع ان اكيد في عيوب في حاجات هبلة...بس مش في اساسيات ... و برضه الحمد لله ملقتش عيوب تذكر يعني
انما صاج و موتور و عفشة و تكييف و فرامل اكيد و الحمد لله 10 علي 10
الكماليات كلها لسه شغالة زي الفل بس انا لسه يا دوب مخلص 6 شهور فلسة قطار العمر يمشي يا ولدي ....
وانا و هيه و الزمن طويل و ربنا ما يكتب علينا ولا عليكم حاجة وحشة ان شاء الله