هو مين اللي قال لحضرتك شوية حاجات :
1- إن الهوندا مفيهاش ABS .....خدعوك فقالوا .
CIVIC Specifications
ادي اللينك اتفضل شوف حتلاقيها ....
2-إن الصين طالما بتعمل الحاجة لألماني مثلا ... يبقى حتعمل زيها للصيني... خدعوك فقالوا
مبدئيًا : الألمان مثلا بيبقوا عاملين الحاجة بالشكل ده وال مقاسات دي والخامة دي لسبب .... وفي اختراع عندهم اسمه quality control وحاجة تانية اسمها quality assurance أنا عارف إن ممكن تكون عارف الاولى بس التانية هي التأكيد إن العملية process بتمشي بنفس الطريقة كل مرة ... وإن الورق بتاع كل مكنة وكل عامل وكل مرحلة مظبوط وإن العامل والمعدة وكل حاجة داخلة ال process محسوبة ومعروفة ... وفي حالة الطوارئ ايه اللي بيحصل ...نظام ... وكل حاجة فيه محسوبة ... و بيتاكدوا إن ده في كل مصنع وكل منشأة تبع النظام .... يا ترى الصين بتعمل ده ... لأ ...أصل ده بيكلف فلوس ... حتقولي أنا مالي ..حقولك ده اللي بيخلي الالماني نمرة واحد والصيني فـآخر القائمة ....
3-ليه بقى اليابانيين مايحطوش كل حاجة في العربية ... فـده ليه سببيين ...أولا علشان هو عايز شريحة السوق اللي مش عايزة تجيب اوروبي ... الشباب ... الفئات دي ... و السبب التاني فـده علشان مصرنا الحبيبة مليانة حرامية ... ووكلاء ربنا حينتقم منهم ....
4- آخر حاجة خدعوك فقالوها: هي لما كل حاجة بتتعمل في الصين ماأشتري الصيني وأهو ارخص....
للاسف حضرتك برده غلطان ... لإن سعر الاوروبي مثلا شامل سعر المصنعية + البحث والتطوير + سعر مكونات الأمان+ سعر خامات أحسن + سعر اختبارات الجودة + سعر اختبارات الامان +سعر النظام اللي بيخلي العربية تتسنع في أي حتة في المعمورة وتطلع بنفس الجودة
أما الصيني ... فـاحسبها إنت ..... وشوف التوفير فين ... مع العلم إن الصيني من نفس المصنع مبتطلعش حاجة زي اللي جنبها وال توكل سرقك في 10 أو 15 ألف جنيه تقريبا ...
وقبل ماتقول رغم كل احتياطات الاوروبيين في اخطاء لاننا بشر ... للأسف حتفضل دي من الثوابت.
ومع اصدق تحياتي