الموضوع: العربيه بتنتش وهى ماشيه

الف شكر ياباشمهندس سمير على المعلومات القيمه دى وان شاء الله اروح غدا اشوف الحكايه دى

بس حاجه غريبه حصلت معايا من شويه اليوم مش عارف هل ليها علاقه بالمشكله دى ولا غيرها

المشكله الاساسيه ان بعد مااسخن العربيه واتحرك بيها بعد شويه بسيطه الاقى العربيه ابتدت تنتش وكان فيه قرصه فرامل مع سماع صوت صرخه بوضوح مع التنتيش والموضوع ده بيحصل وانا لسه على الغيار الاول او الثانى ولكن لو طنشت ودوست بنزين جامد بتقل وتختفى وتظهر تانى اول مااهدى وتقل السرعه

كمان بتحصل بعد المطبات وادوس فرامل ومع بدء التحرك بعد المطب مثلا

الشئ الغريب اللى حصل اليوم ان لاحظت بالتابلوه لمبه البطاريه وفرامل اليد بترعش يعنى كانها شغاله فلو لمست فرامل اليد سنه بسيطه لفوق تولع اللمبه ولو ضغطت عليها تختفى

كمان لاحظت ان النور الواطى بيرعش وبعدين فصل لوحده مش عارف ايه السبب وايه العلاقه بين اللى بيحصل

انا قلت اذكر الملاحظات دى جايز يكون ليها علاقه او توضيح للمشكله

المشاركة الأصلية كتبت بواسطة semsem kane

ثانيا :افتح خزنة الفرامل وشوف فيها زيت باكم ولا لأ لو لقيت فيها يبقى طلع الغطاء بتاعها ونظفة كويس كلة وحتى الجزء اللى بيعرفك اذا كان فية زيت باكم ولا لأ
وبالنسبة للتنتيش وصرخة العجل
انزل وحط ايدك على سرة الجنط وشوف العجلة سخنة ولا لأ
عشان انا شاكك انة ممكن يكون عندك ماستر فرامل بيعلق ومابيرجعش

فيها زيت باكم وفعلا الفرامل كانت بتعلق لكن الميكانيكى نضفها وغير لى احد الخراطيم وبعدين المفروض انها تكون كويسه لكن بعد شويه رجعت المشكله وخصوصا على الاول والثانى وبتقل مع زياده السرعه

المشاركة الأصلية كتبت بواسطة semsem kane

ب
النور الواطى بيرعش وبعد كدة فصل خالص يعنى ,يعنى مافيش نور خالص ,ممكن يبقى من الكتاوت

وفية حاجة بردة اخيرة عايز اعرفها لما النتشة دية بتحصل وتسمع صوت الصرخة هل بدال الفرامل بيعلى او بتلاقية قوى عن الاول ياريت تاخد بالك من الحاجات دية عشان هاتساعدنا كتير

الرعاش شغال والنور الصغير شغال لكن اللى فصل نور الكشافات الكبير اللى بينور الطريق

بخصوص البدال بيعلى ولا لا اعتقد انه مش بيعلى

لكن بلاحظ اول ماتحصل النتشه دى طبعا بتخلى العربيه تنط كده فبطر ادوس دبرياج علشان تقف فهل ده له علاقه

المشاركة الأصلية كتبت بواسطة samirayad

هو فيه ملحوظه حلوه أتقالت من الأخ / سمسم

راجع على دايرة الشحن قبل أى حاجه

بطاريه + دينامو

وأكد على كل الكابلات بتاعتهم

لأن ده ممكن يكون سبب كل المشاكل اللى عندك

سواء نتشه أو ضعف أناره

وشوف وضع سير الدينامو بالمره
يمكن يكون مهوى جامد

ويكون سبب الفيلم ده كله

سير دينامو فقط (عامل قلق )

فى الغالب هو دا سبب المشاكل كلها وقد يكون ربطها بموضوع الفرامل لأن ليه تاريخ معاها لكن دى عطل جديد
واللى والله اعلم سببو زى ما حضرتك والأخ سمسم قلتو مراجعه الدينمو والشحن وكابلات الأرضى
وممكن تكون القواطيش بتاعت البطاريه
أنا بقى بعد أذن صاحب الموضوع عندى حاجه غريبه حبيتين وموجوده عندى من زمان ومع انى غيرت الموتور خالص الا انها بتظهر بردو الا وهى لما أكون ماشى ومشغل التكييف وادوس فرامل العربيه بتبطل وساعات تحس انها هتبطل لكن ما تبطلش هل دا ليه علاقه بالسيرفو
الموتور الحالى 1400 سى سى 16 صباب بولو

موبينه او وساااااخه بنزين شديده جدااااااا