الموضوع: العربيه ماشيه من غير زيت ( Crazy honda :D)

خد بالك ياوائل عشان حصلت معايا قبل كده

والموضوع ده بيآثر على الموتور

ةممكن لا قدر الله الموتور يبدأ يرزع

قيس مستوى الزيت والعربيه بارده

وزود اللى ناقص ومتقرصش عالمكنه عمال على بطال

ايوة الكلام بتاع طارق باشا دة صح الصح واسئل مجرب علشان عندى عمل كدة ومن ضمن التوابع ان عمود الكامة ( تأكل ) من عند الترس وطلمبة الزيت باظت هى الاخرى فلابد وان تتابع مقياس الزيت وبشرط وان تكون السيارة باردة وخد بالك من المكنة بتاعتك يا وائل

واتأكد ان فلتر الزيت متركب كويس ومفيش تسريب من ناحيته..

والله يا رجاله انا مش بقرص على العربيه عمال على بطال ولا حاجه يعنى مش بعلى عن 6 rpm ده فى أسؤ الظروف يعنى

اعتقد المشكله كلها فى ان الزيت بيتاكل انى بمشى على سرعات عاليه لمده طويله :$

بس اللى انا عايز اعرفه مش المفروض ان الزيت لما ينقص لمبه الزيت تنور العربيه تسخن او تدخن او تعمل اى حاجه

طيب هقولكوا حاجه بقى نازل النهارده كنت فى المرور بخلص ورق تكهين السيراتو

اقال ايه العربيه بقيت انعم من الاول هههههههههههه والله العظيم كنت هتجنن وانزل اقيس الزيت مفيش زيت خالص بمعنى الكلمه .... يعنى اشيل المقياس الاقيه متغطى كله زيت .. امسحه واحطه واطلعه النقطه اليتيمه اللى كانت بتظهر دى مبقتش تعلم اصلا :)
هنزل اشترى زيت وامرى لله ... وانا كان نفسى اغيره بالمره بس مفيش حد بيبع فلاتر هنا ومغيرتش فلتر الغيار اللى فات ... والحمد لله فيه موزع معتمد لكاسترول فى الغردقه ... هزود كيلو ولا كيلو ونص واشوف الدنيا ماشيه ازاى :)

مش طبيعى ان الزيت ينقص بالشكل ده طلما الماتور عندك سليم طيب أنت متأكد ان الزيت اللى غيرته أخر مره مش مضروب؟ وياريت ترفع العربية في بنزينه وتنزل تبص تحت لو في تسريب جاى من عند طبه الزيت أو الفلتر

عموماً أكشف على الزيت والعربية باردة شوف لونه اية؟! وحط نقطة على صبعك وشوف اللزوجة بتاعته! وزود الناقص وتابعه كل يومين وقولنا الأخبار وممكن الغيار الجاى تحط زيت شل الأصفر أو الأزرق وشوف هيعمل معك اية

والله يا محمد باشا انا بشترى الزيت من بنزينة طاقه وده تانى غيار لكاسترول واول مره كان زى الفل مع ان سامح كان قالى انه بيتبخر بس كان معايا زى الفل ... بس فعلا تانى مره اشتريته مش عارف ليه احساس جالى كده انه مضروب :)

وعامة انا كنت بفكر فعلا اجرب شل الاصفر بس مش عايز اعقد اجرب زيوت كتيير لانى من ساعات ما اشتريت العربيه كنت بحط فيها فيسكو

ان شاء الله بكره هنزل ارفع العربيه وازود الزيت واشوف الدنيا "

فيسكو برضه محترم جدا ..بس بينقص مع القرص هوه كمان