العربيه ماشيه من غير زيت ( Crazy honda :D)

**wael ahmed** · 29-11-2011 01:29 AM

السلام عليكم
دلوقتى بعيدآ عن ان عربيتى ساعات بتبقى ناشفه وساعات الاقيها حرير بس بقيت متأقلم مع جنونها ده

بس اللى مش طبيعى انى اجى اقيس الزيت ملاقيش المقياس معلم خالص غير حاجه بسيطه اووى بتاع سم !!!!!!!!!!!!

انا مغير زيت كاسترول ماجينتك من شهر تقريبا وماشى عليه لحد دلوقتى 7000 كيلو

لما كملت 5000 الزيت نقص نص كيلو وزودته ... بس سواقتى فى الفتره دى كلها حرق وعلى سرعات عاليه (طرق سريعه وزحمه )

الغريبه بقى انى مفيش اى تغير فى صوت الموتور ولا دخان ولا حراره ولا رشح ولا اى حاجه

حد يقدر يفدنى فى الموضوع ده يا رجاله علشان خلاص قربت اتجنن

**sheko_2000eg** · 29-11-2011 10:29 AM

هههههههههههههههههههههههه
شيء لا يصدقه عقل

**egy_3assy** · 29-11-2011 02:28 PM

انا عربيتي الفورد اسكورت عملت كدة بالظبط .. لغاية ما اكتشفت وجود تسريب في الكرتيرة بس بعد معاناااااه

**wael ahmed** · 29-11-2011 02:35 PM

والله انا هتجنن مش من حاجه هل طبيعى العربيه تمشى كده والزيت ناقص ولمبه الزيت متنورش !!!
ومفيش اى اعراض ان الزيت ناقص ..
امرى لله هنزل اشترى زيت وازوده ولما اشوف اخرتها معاها ايه :))

**Ashraf_Ibrahim** · 29-11-2011 09:01 PM

راجع وشوف هل فيه تسريب واللا لا لأن اكيد هيكون فيه تسريب
انا مجرب كاسترول ايدج وماشي عليه 15000 كم بدون ما ينقص والمؤشر لحظة التغيير كان عند الفول
اعتقد الماجنيتيك زيت كويس فشوف فيه تسريب واللا لا قبل ما تزود زيت !

**zocor742** · 07-12-2011 08:21 AM

حاول تكتشف التسريب منين احتمال اويسيل ومش باين مكان الرشح
يعنى مثلا فى النوبيرا فية 3اويسيلات فى الجنب اتنين منهم فى الوش تقريبا وواحد فى البلوك على ما اتزكر المهم انهم من ناحية سير الكاتينة وطبعا عاليها كفر فيبر فا مش بيبان الترشيح غيرلما تشيل الكفر دة .... ممكن تاخد بالك منة لو بينقط على الارض

حاول تفتش اكتر وخلى الميكانيكى يراجعلك على الاماكن دى وحاول متمشيش بالمكنة كدة كتير عشان لو الزيت قليل اكيد بيحصل احتكاك اكتر بين اجزاء دى