محمد ممدوح إفراااااااااااااااااااااا ااااااج

**الريس** · 06-01-2008 07:19 PM

ايا كان الراي الشرعي يا اخ محمد انصحك تعوض اهل المتوفي بقدر استطاعتك

**segsauer** · 06-01-2008 07:44 PM

المشاركة الأصلية كتبت بواسطة Hossam_Hassan

يا ممدوح الأحسن ترجع لدار الأفتاء لأنها الجهة الشرعية التى عينها ولى الأمر للفتوى .

+10000000000000000

**ibrahimsaad** · 06-01-2008 07:48 PM

بالضبط اخ محمد

ولان يوم القيامه يوم عسير يوم هنبقى فيه محتاجين لكل ذره من خير عملناها فى الدنيا علشان تنقذنا من عذاب جهنم
انت اعمل مايمليه عليك ضميرك حتى لو لم تكن غلطان وحاول تعوض اسره المتوفى باى شئ هو صحيح مش ممكن يعوضهم لكن للاسف هذا مانملكه نحن كبشر والله يتغمد الجميع برحمته

وياريت حمله التبرعات اللى الاخوه اقترحوها تتم وتكون شئ بسيط لاهل المتوفى ايضا لمساعدتهم فى الايام القادمه اللى هتكون اكيد عليهم صعبه جدا

**Jato.33** · 06-01-2008 08:28 PM

لا حول ولا قوة إلا بالله
دلوقتي يا محمد إلى حصل حصل خلاص مفيش حاجة هترجع بيك لورا عشان تعرف إن في واحد هيقابلك فتخبطه
نصيحة إهدى وصلي على النبي عليه الصلاه والسلام
متقرأش حاجة خالص
الموضوع ده مش بتاعك أصلاً
أنا أفضل إنك تقفل الموضوع ده شوية يعني أسبوع أو إتنين لحد ما دماغك تفوق
واضح إنك متأثر جداً بالحادث حقك ربنا يكون في عونك
بالنسبة لواجبك شرعاً فيكفيك سؤال عالم ثقة تستطيع أن تجعله حجه بينك وبين ربنا يوم القيامة
تقدر تقول أنا سألت فلان وقالي كذا
تشرحله الموضوع بالتفصيل وإلي يقولك عليه أعمله من غير تفكير ومتسمعش حاجة تاني
بالنسبة للمتوفي رحمه الله وغفر له وأسكنه فسيح جناته ده عمره مش مكتوبله أكتر من كده
بالنسبة لأهله شوف إلي يرضي ضميرك إيه وخلاص وبرضه بقولك ضميرك مش كلام حد
وعلى فكرة هترتاح إن شاء الله

الظروف الصعبة إلي زي دية مش عايزة كلام كتير أنصحك أقفل على نفسك شوية هتلاقي الدنيا نورت إن شاء الله

والله بنحبك في الله إنتا راجل محترم نحسبك كذلك ولا نزكي على الله أحداً

**MMamdouh** · 06-01-2008 10:47 PM

اكيد يا جماعة انا مش حسيب اهل المتوفى بس فيه فرق بين الواجب اللى ملزم بيه و المساعدة و انا عايز اعرف ايه اللى ملزم بيه و مسئول عنه يوم القيامة عشان ملاقيش نفسى داخل النار وانا فاهم انى عملت اللى عليا... طبعا دة ملوش دعوة بالترضية اللى ان شاء الله حديها لاهل المتوفى

لما سالت واحد معرفة كان فى السعودية مدة طويلة (هناك بيبطبقوا الدية بالقانون) قاللى ان الديه مبلغ محدد فعلا بس القاتل بيتحمل نسبة حسب خطائة مش المبلغ كله واللا اللى سايق سكران و طلع فوق الرصيف و موت واحد يبقى زى اللى خبط واحد رما نفسه فى وسط الطريق اما الكفارة فهى واجبة على كل من ازهق روح بالخطاء لانها بين العبد و الرب و ليس لاهل المتوفى فيها من شىء

و دة اوضح كتير من الاجابة اللى خدتها من المشيخة لان الرد كان "فى حالة القتل الخطاء فيه كفارة صيام شهرين و فيه دية تقدر ب 35700 جرام فضة اللا اذا اهل المتوفى تراضوا مع القاتل" و الراجل موضحش مين فيهم( الدية و الكفارة) واجب امتى و اذا كان فيه ارتباط بين مين اللى اخطاء و استحقاق الدية من عدمة و كمان مجاوبنيش عن الحكم فى حالة عدم القدرة على دفع مبلغ الدية (احنا بنتكلم فى 445000 جنية يعنى اقل من نص مليون جنية)

عموما الرسول صلى الله عليه و سلم قال "استفتى قلبك" و لقيت ان واجب عليا فعلا اراضى الناس دى لانهم فعلا محتاجين حتى بدون موت الفقيد اصلا و دى حاجة بديهية.. كدة عرفنا ان الترضية واجبة بحكم الضمير

و ربنا سبحانة و تعالى فرض الحج على الناس لكن قال "لمن استطاع اليه سبيلا" يعنى ربنا مبيحملش حد فوق طاقتة حتى فى الفروض يبقى صعب احمل واحد ملوش ذنب 445 الف جنية اما لو شارك بالخطاء يبقى يتحمل نسبة خطائة يعنى لو هو اخطاء بنسبة 50% و الميت اخطاء بنسبة 50% يبقى القاتل يتحمل 50% من الدية و اعتقد دة ابسط مبادىء العدل و دة اللى متطبق فعلا فى السعودية اللى بتطبق شريعة ربنا صح او على الاقل اكتر مننا بكتير

اما لو له ذنب و كان مستهتر او مهمل فا دا قضاء ربنا وواجب النفاذ و عقوبة الاهمال اللى ادى الى ازهاق نفس بدون تعمد الا اذا تراضى مع اهل الميت فا هنا بيسقط حق اهل الميت فى الدية... بنا عدل و مينفعش اساوى السكير بالملتزم... و ان كان ليا تعليق و هو ان دية الفرد فى السعودية 100 الف ريال فقط مش 445 الف جنية

اما عن الكفارة فهى صيام و زى ما احنا عارفين ان الصيام عبادة بين العبد و ربه و ليس لاحد فيها من شىء و بالتالى دى تكفر عن ذنب بين العبد و ربه و فى كل الحالات بيبقى القاتل خطاء ازهق روح فعلا بغض النظر هو كان غلطان ولا لا و بالتالى اعتقد الكفارة واجبة فى كل الاحوال

انا عارف ممكن حد يقول انى بفتى بس انا فعلا دماغى لفت و مبقتش عارف حاجة فى اى حاجة و اعصابى بدات تتعب تانى و حالتى بتسوء مش بتتحسن

**Abo_Lina** · 06-01-2008 11:03 PM

رحمة الله على المتوفي وربنا يصبر اهله..ا/ممدوح اقولك شد حيلك ..شدة وتعدي انشاء الله

اللي فهمته منك ان المرحوم مكانش شايفك و هو بيعدي الشارع يعني تقريبا مكانش باصص وده اهمال منه ومش شايف سبب يخليك تتحمل مسؤلية اهماله .

عموما انت صاحب القرار ولو قررت انك تدي اهله قرشين يعينوهم ف الظروف دي يبقى سعيكم مشكور و ذوق عالي منك,مش اكتر

**Jato.33** · 06-01-2008 11:32 PM

المشاركة الأصلية كتبت بواسطة MMamdouh

انا عارف ممكن حد يقول انى بفتى بس انا فعلا دماغى لفت و مبقتش عارف حاجة فى اى حاجة و اعصابى بدات تتعب تانى و حالتى بتسوء مش بتتحسن

يا أخي لا بتفتي ولا حاجة
بس أسمع أفصل دلوقتي لحد ما ترتاح
هي الدنيا هتطير لما تصبر شوية
أحنا خبطنا بعربية الشغل واحدة قبل كده موتناها برضه السواق راح للناس بعد شهر
إنتا متصربع على إيه
متصبر لحد ما نسألك على الدية والموضوع ده

مبدئيا إنتا متلخبط في حاجة واضحة جداً
الكفارة سهلة وعرفناها
شهرين متتابعين ودول صومهم في أي وقت بس إعمل حساب طول الفترة عشان ميقطعهمش أيام لازم تفطر فيها أو هيكون من الصعب عليك الصيام زي شهور الصيف مثلاً لو بتفكر تأخرهم أوي

بالنسبة للدية فواضحة برضه
الدية الشرعية (بالنصاب المذكور 35700 جرام فضة) ملزمة في حالة الإستطاعة فقط
في دينك في حاجة إسمها الإستطاعة كما قال الرسول صلى الله عليه وسلم
ما أمرتكم به فأتوا من ما إستطعتم وما نهيتكم عنه فاجتنبوه
فالعجز يسُقط كل واجب
والعجز لا يعني القدرة على الفعل بصعوبة
يعني ميكونش واحد عاجز وأقوله لازم تصلي في المسجد
لكن طبعاً الأمر يختلف لو كان بس مريض وحتى الحالة ديه فيها تفصيل يعني لو مريض والصيام يضره وأصر يصوم في رمضان يأثم تخيل يبقى صيام معصية لقول الله عز وجل "ولا تلقوا بأيديكم إلى التهلكة " المهم
يعني لو قادر على سداد الدية المحدد قدرها شرعاً يبقى لازم تدفعها حتى لو كان الأمر صعب شوية وبقول شوية يعني مش تبيع إلي وراك وإلي قدامك وتقعد على الحديدة
أو
يتبقى لك الأختيار الثاني والواضح برضه في الفتوى وهو
(اللا اذا اهل المتوفى تراضوا مع القاتل)
يعني تبعت حد من طرفك ميكونش المحامي بس عشان ما يفاصلش يعني ممكن والدك عمك أخوك الكبير واحد عارف الإمكانيات ويروح المحامي برضه معاه
يتفقوا ويحاولوا يراضوهم مش مهم بأه كام وصل للنصاب الشرعي المحدد للدية ولا لأ
المهم يكونوا راضيين بس

بس كده أنا وضحت بس وأنصحك برضه تبطل تفكير شوية وتفصل عشان متتجننش وربنا يحفظك ويسترها معاك ومعانا

نسيت أقولك موضوع مين إلى مسئول ده متفكرش فيه كتير
أنا لو مكان هاخد بالأحوط إلي هو إن أنا المسئول بالكامل خد بالك كمان إنك لما هتروح تراضي الناس مش هتقول الكلام بتاع مين مسئول وانا النص وعليكوا النص والكلام ده

وبعدين يا سيدي إبأه إعرف مكانهم بس ومتنساهمش وربنا يديك طولة العمر

**kimoboy** · 07-01-2008 02:01 AM

Best thing MM is to take things in a time, as there is no rush, also try to relax and don't think about it too much, and ISA everyting will be fine

**د.أحمد سمير** · 07-01-2008 06:43 AM

يا إخواني هناك أمور ينبغي توضيحها فيما يخص الدية ووجوبها : وهي
1. متى تجب الدية
2. علام تجب عند الإعسار .

أولاً : الدية تجب عند العمد والخطأ ، ولا تجب عند خطأ الغير إذا كان معتدياً بخطأه .
يعني لو قتلت شخصاً متعمداً وعفا أهل القتيل عنك وجبت الدية عليك (وهذا حكم غير موجود الآن لأنه يصير حقاً للمجتمع ) لكن لو قتلت شخصاً بالخطأ يجب عليك دية القتيل أو أن يعفوا عنك فلا تدفع الدية .. ومدار الخطأ أن تكون معتدياً بشكل لا يؤدي غالباً إلى القتل ، وفي هذه الحالة مدار اعتداء محمد يتمثل في احتمالات هي : السرعة فوق حد الطريق المسموح ، عدم صيانة السيارة بما يمكنها من التوقف السليم ، عدم اتخاذ مسافة بينه وبين من حوله ، الغفلة أو السرحان المؤقت ... فإذا انتفت كل هذه الحالات فلا خطأ عليه ولا دية .. والذي يحدد مقدار الخطأ هو أنت وحدك يا محمد فأنت الذي عاصرت المسألة وعايشتها كان الله في عونك .

فإذا استقرت نفسك أن لا خطأ من جانبك فلا تقسو على نفسك ، وليكن ما ستدفعه لأهل القتيل من قبيل الإحسان لا التعويض ، ولا تجب عليك في هذه الحالة كفارة أيضاً .

أما لو وجدت نفسك مساهماً في خطأ ما لو كنت قد احترزت منه لما حدثت هذه الفاجعة فتجب عليك الكفارة والدية وجوباً شرعياً .
أما الكفارة فواضحة ، وأما الدية ففيها مسائل :
أولها : أن تكون الدولة قد استقرت على دية لضحايا حوادث الطرق فيما يعرف بالتأمين الإجباري ، وهنا ستقوم شركة التأمين بسداد التعويض ، وقد رأى القرضاوي أن المبالغ المرصودة في هذا المجال ضعيفة ولا تقارب الدية الشرعية ، وهو ما يستوجب بذل الجهد لتعويض أهل القتيل . على حين أكد بعض الفقهاء أن الدية المقررة من قبل الدولة هي الدية الشرعية مهما كانت ( مع العلم أنها في الكويت 20 ألف دينار )

ثانيها : أن يستقر في وجدانك وجوب دفع الدية دون اعتبار جانب الدولة وشركات التأمين ( وهو الأحوط ) ، وهنا نكون أمام مسألتين هما :
الإيسار : حيث الدية المقررة في القتل الخطأ على لسان دار الإفتاء المصرية تقدر بحوالي 480 ألف جنيه مصري ، فإن استطعت سدادها فبها ونعمت .

الإعسار : حيث لا تستطيع سداد الدية وهنا تجب على العائلة من العصبات أي أقارب الوالد دون الأم ، فإن أعسروا تجب على بيت المال ، ورأى بعض الفقهاء المحدثين أنه يجوز تلقي زكاة المال في دية القتل الخطأ للمعسر حيث يصير من الغارمين .

ثالثها : أن تطلب من أهل المقتول العفو عن الدية ، ولا تدخل المساومات في هذا الأمر فإن عفوا عنك فادفع لهم ما تيسر لك ، وإن لم يعفوا فاسعى إلى سداد الدية بطريق من الطرق سالفة الذكر ..

الخلاصة :
انت غير مخطئ أمام نفسك وأمام الله تعالى وبحكم المحكمة .. فلا شيء عليك ، وما ستدفعه محض فضل منك .

انت مخطئ بأي شكل من الأشكال : عليك الكفارة وينبغي الدفع ، سواء كان منك أو عاونك أهلك من العصبات أو تلقيت أموال الزكاة .
أو تطلب العفو منهم فإن عفوا عنك فلا شيء عليك وما تجود به يصير محض فضل لا حق .

تقبل خالص مودتي .. وأنا تحت أمرك في أي استفسار أو سؤال

الموضوع: محمد ممدوح إفراااااااااااااااااااااا ااااااج

LinkBack

أدوات الموضوع

عرض

-

-

-

-

-

-

-

المواضيع المتشابهه

الي م / محمد ممدوح

يا محمد بيه ممدوح

لسة جى من عند محمد عبده وشكر خالص لـ أ / محمد ممدوح

تجربتي مع محمد عبدة وفضل محمد ممدوح عليا

شكر للاستاذ محمد ممدوح على نصيحته للميكانيكى محمد عبده

الكلمات الدلالية لهذا الموضوع

المفضلات

المفضلات

ضوابط المشاركة