الموضوع: محمد ممدوح إفراااااااااااااااااااااا ااااااج

قدر الله و ما شاء فعل

الحمد لله على كل شىء

اولا احب اشكر كل الناس اللى جت معايا القسم و كانت متابعة الموضوع و كل الناس اللى كلمتنى فى التليفون و سالت عليا و كل الناس اللى كانت بتدعيلى... بجد يا جماعة انا حسيت انى وسط اخواتى و اهلى... بجد انا مش عارف اشكركم ازاى

انا الحمد لله بخير و روحت بيتى و استلمت عربيتى لكن حالتى النفسية رايحة فى داهية... اكيد دة طبيعى بعد الاحداث اللى حصلت بس الحمد لله على كل شىء

القصة دلوقتى فى اتجاة القضاء و ان شاء الله انا و المحامى حنبداء نشوف اهل المتوفى عشان نراضيهم بس المحامى نصح باننا نصبر كام يوم على ما الموضوع يهدى و اهل المتوفى تكون حالتهم النفسية احسن و يبقى عندهم تقبل للموضوع و ان شاء الله خير

فيه ناس كتير كلمتنى و انا مكنتش معايا نمرهم فا معلش اعذرونى لو مكنتش عارف مين اللى بيكلمنى... انا دماغى مكانتش فيا اصلا و حالتى تصعب على الكافر و انا شاكر لكل الناس اللى سالت عليا

معلش مش حعرف اكتب تفاصيل الحادث على الاقل دلوقتى لان نفسيتى مش متقبلة الموضوع خالص فى الوقت الحالى و مش حبقى موجود على المنتدى الا لاوقات قليلة... انا اخدت السبوع اجازة لحد ما نفسيتى تتصلح و اقدر انزل الشغل و ححاول فى لاجازة انجز على قد ما اقدر فى القضية و ترضية اهل المتوفى و اصلاح العربية

مرة تانية احب اشكر كل الناس اللى وقفت جنبى و ربنا يكفيكوا شر الطريق

MMamdouh

بلامناسبة ايه هى الدية الشرعية للقتل الخطاْ لان سمعت كلام كتير من ناس كتير و مش عارف الصح فين؟

MMamdouh