الموضوع: أيهما تفضل و لماذا؟؟؟ Seat Leon DSG vs Renault Megan iii HB

المشاركة الأصلية كتبت بواسطة Ahmed A.Maksoud

الباور فى الميجان 2 كان لا يقارن بأى عربية تانية جربتها.....خفيف بدرجة ممتازة و أنت واقف و ممتاز و أنت سايق.

أنا مجربتش الميجان بس لو حضرتك جربت الIbiza الجديدة أنا متأكد إنك هتغير رأيك. بجد حاجة ابداع. واعتقد الليون هتكون كده برده.

المشاركة الأصلية كتبت بواسطة Gabrial

تمام كلام حضرتك مظبوط بالنسبة للضمان فعلاً 100 ألف كيلومتر و الموتور 110 حصان بس مش دة ذي موتور الفلونس أصل الفلونس المنوال 110 حصان و الاوتوماتيك 105 حصان ،أنا عارف إن مفش منوال في الميجان عشان كدة قلت 105 .
أنا شفت الميجان يا باشا الخامات ممتازة ذي الفلونس تماماً ،أنا حاجز فلونس و عارفهم ،بس حسيت إن اليون أفضل من وجهة نظري،تقبل تحياتي يا باشا .

يا ريت حضرتك تقولنا انطباعك على العربية بالنسبة للثبات و الوسع الداخلي .

لا عادى ولا يهم حضرتك ..بالنسبه للوسع الميجان مريحه جدا حتى بالنسبه لهاتش باك يعنى اوسع من الاسترا مثلا يمكن فعلا الحاجه اللى مفتقدها الفيتس بس لما اتعودت عليها الفرق مش واضح بالعكس الفتيس 4 سرعات بس تحس انهم واحد و ده حتى انطباع الناس اللى عندها فلوانس طبعا هتحس ان الميجان اسرع من الفلوانس و الموتور ده غريب شويه يعنى انا جبت 175 على الدائرى و مكنتش حاسس العربيه بتجمع لحد 150 ما شاء الله مش هتلاحظ كده و صوت الموتور جميل اصحاب العربيه بره بيقول انه revy اما انه ليه 110 حصان علشان من 0-100 فى 11 ثانيه لو 105 كان جمع فى 13.5 تانى حاجه الموتور ده الوحيد اللى بيوصل للريد زون عادى يعنى على 155 كان بينزل للتالت بالنسبه للثبات العربيه دى اعرض من الليون تقريبا و هى اصلا معموله للملفات شوف الريفيو فى autocar uk الtorsion beam مش بيحدف ولا حاجه يعنى فى الاسترا كنت بحس الحدفه دى على الفواصل حتى دخ من عيوب الاسترا المعروفه انما الميجان محستش الحكايه دى نهائى

المشاركة الأصلية كتبت بواسطة john_samy_1

أنا مجربتش الميجان بس لو حضرتك جربت الibiza الجديدة أنا متأكد إنك هتغير رأيك. بجد حاجة ابداع. واعتقد الليون هتكون كده برده.

لو ليون زى الجولف و اوكتافيا يبقى فعلا حضرتك لازم تجرب باور الميجان ..اكيد كل واحد بيقول ان عربيته بتفهمه بس فعلا الموضوع ده بجد فى الميجان فى حاجه كمان هو ان الميجان لسه التصميم جديد و الليون 2011 شكل تانى غير الموجود دلوقتى ..فى ناس بتفرق معاها الحكايه دى

العفو ..كلنا بنتعلم من بعض هنا

المشاركة الأصلية كتبت بواسطة ghazy12

(مع اني لسه مش مقتنع قوي بيها من جوه و بشكل التابلوه)....

وهو بالفعل أحد الأسباب التي تجعلني مترددا، التابلوه مش قادر أبلعه وللأسف دي حاجه مهمة يعني هي اللي هاتبقى في وشك كل ما تركبها لو مش قابله هاتبقى مشكلة، يعني تابلوه الميجان ii كان زي الفل، وطبعا موضوع الكار كيت اللي موجود في الليون بيديها أفضلية في رفاهية السائق، لكن الميجان فيها الباركينج سينسورز ودي مش موجوده في الليون على حسب ما فرأت، شنطة الميجان أكبر بحوالي 30 لتر يعني مقام شنطة صغيرة، مش عارف هو طبعا عمر الواحد ما يلاقي كل حاجه حلوة في عربية واحدة، بس أعتقد توكيل وصيانة الميجان ترجحها شويتين، بالإضافة لشيء خاص بي وهي أني ساكن في العبور فهيكون توكيل الميجان أقربلي، إلا إذا كانوا فتحوا توكيل للسيات قريب من نفس المنطقة نفكر ثاني!!!

معلش سؤال كمان افتكرته، هل الميجان اللي بتنزل مصر مزودة بنظام ملاحي gps ولا لسه الموضوع ده بعيد علينا، ونفس السؤال يالنسبة لليون، لأن من ضمن أزرار الوحدة التي في تابلوه الليون nav وده المفروض يشغل نظام الملاحة، فهل من معلومات عن هذا الموضوع.

المشاركة الأصلية كتبت بواسطة h_shendy

وهو بالفعل أحد الأسباب التي تجعلني مترددا، التابلوه مش قادر أبلعه وللأسف دي حاجه مهمة يعني هي اللي هاتبقى في وشك كل ما تركبها لو مش قابله هاتبقى مشكلة، يعني تابلوه الميجان ii كان زي الفل، وطبعا موضوع الكار كيت اللي موجود في الليون بيديها أفضلية في رفاهية السائق، لكن الميجان فيها الباركينج سينسورز ودي مش موجوده في الليون على حسب ما فرأت، شنطة الميجان أكبر بحوالي 30 لتر يعني مقام شنطة صغيرة، مش عارف هو طبعا عمر الواحد ما يلاقي كل حاجه حلوة في عربية واحدة، بس أعتقد توكيل وصيانة الميجان ترجحها شويتين، بالإضافة لشيء خاص بي وهي أني ساكن في العبور فهيكون توكيل الميجان أقربلي، إلا إذا كانوا فتحوا توكيل للسيات قريب من نفس المنطقة نفكر ثاني!!!

معلش سؤال كمان افتكرته، هل الميجان اللي بتنزل مصر مزودة بنظام ملاحي gps ولا لسه الموضوع ده بعيد علينا، ونفس السؤال يالنسبة لليون، لأن من ضمن أزرار الوحدة التي في تابلوه الليون nav وده المفروض يشغل نظام الملاحة، فهل من معلومات عن هذا الموضوع.

بالنسبه للتابلوه انا كنت بقول انه فاضى برضه بس هو فعلا مفيش حاجه زياده تتحط و مين قال لحضرتك انه مفهاش كار كيت؟ الميجان فيها كار كيت و voice tags وvehicle phonebook و وصلات rca لل ipod بالنسبه للgps فى معلومه انه هينزل التوكيل قريب..لو فى اسئله تانى اتفضل