أيهما تفضل و لماذا؟؟؟ Seat Leon DSG vs Renault Megan iii HB

**esslynx** · 09-08-2010 06:03 PM

المشاركة الأصلية كتبت بواسطة mustafa_farouk

السلام عليكم،

طب يا جامعة مش شايفين إن فتيس الليون 7 نقلات والميجان 4 بس، مش الليون حتكون موفرة أكتر في البنزين ودي تعتبر ميزة في الليون حتى لو الشكل الجديد قرب ينزل، ولا إيه رايكو ؟؟. يعني دي علي سرعة 100 rpm حيكون على كام ودي حيكون على كام.

100 على 2700 تقريبا معرفش ايه الوضع بالنسبه لليون

**limo_2010** · 19-08-2010 02:23 PM

المشاركة الأصلية كتبت بواسطة ehab_mansour

انا شخصيا أختار الليون لأنها
أولا النسخة الأخت للرائعه جولف فأنا ليه أشتري الجولف وانا هلاقي كل اللي فيها في الليون فيما عدا بعض التجهيزات الخاصة التي تنفرد بها جولف
ثانيا سيارة رائعه بكل ما تحتويه الكلمه من الشكل والتصميم والكماليات والرفاهية في فئتها
ثالثا تنتمي لعائلة فولكس فاجن العالمية والتي أحترمها بشدة ولو احتقرها بعض الأشخاص نظرا لعدم تمكنهم من ركوب احد سيارات عائلتها والتي لو اقتناها لغير من فكره
رابعا توكيل سيات محترم جدا في التعامل والصيانة وده نقلا عن كل الأعضاء اللي تعاملو معاهم

بس انا مش فاهم ليه ناس كتير متعقده من سيات هو عشان دائما معقداهم ومتفوقه علي ماركات هم يقتنونها ؟؟
علي فكرة انا لا اقصد احد بعينه ولكن أوقات بيواجهني قليل من الناس متعقدين من سيات مفكرينها لسه سيات 133 لم تتغير

على فكرة الراجل عندة حق
وبعدين توكيل سيات اية اللى محترم !!! انا لما بقول لحد سيات يقولى سيات مين وعشان افكرة بالماركة اقولة سيات ابيزا هههههه
معقولة ياجماعة سيات مش معروفة غير بنوع واحد (الابيزا) ازاى كدة تبقى توكيل محترم
غير كدة انا بقالى اسبوع بحاول اعرف معلومات عن سيات توليدو مش عارف الاقيها
حتى لما بعمل بحث فى جووجل مش بلاقى اى حاجة عن التوكيل او الصيانة او قطع الغيار واخرى خالص الاقى موضوعات عن السيات ابيزا ودة دليل على ان باقى العربيات مش بتتباع اصلا ولو جبتها هتلاقى نفسك فى ورطة ومش عارف تتطلع منها

**John_Samy_1** · 19-08-2010 03:12 PM

المشاركة الأصلية كتبت بواسطة limo_2010

وبعدين توكيل سيات اية اللى محترم !!! انا لما بقول لحد سيات يقولى سيات مين وعشان افكرة بالماركة اقولة سيات ابيزا هههههه
معقولة ياجماعة سيات مش معروفة غير بنوع واحد (الابيزا) ازاى كدة تبقى توكيل محترم
غير كدة انا بقالى اسبوع بحاول اعرف معلومات عن سيات توليدو مش عارف الاقيها
حتى لما بعمل بحث فى جووجل مش بلاقى اى حاجة عن التوكيل او الصيانة او قطع الغيار واخرى خالص الاقى موضوعات عن السيات ابيزا ودة دليل على ان باقى العربيات مش بتتباع اصلا ولو جبتها هتلاقى نفسك فى ورطة ومش عارف تتطلع منها

ماهو يا فندم seat بتبيع في مصر 3 عربيات دلوقتي, فيه اتنين بس كانوا زياده عليهم ومش موجودين في seat العالمية دلوقتي.
الAltea والناس بتروح تجيب الكارنز مكانها عشان ارخص ( زي سكودا رومستر والماتريكس كده)
الLeon واللي معاه 155 ألف يقولك طب ادفع ليه في عربية من غير شنطة كل ده ( سوق الهاتش باك نايم في مصر عامة, الليون عربية مشهورة جدا جدا بره ويمكن من أكتر الهاتش باك العائلي المحبوبة عشان رياضية بعد الجولف طبعا )
الIbiza وديه تقريبا اشهر سوبر ميني بعد الكوبر.
مفيش حاليا توليدو ولا كوردبه.
وعشان حضرتك متزعلش
SMG - Vehicles - Cars - Seat S.A
SEAT.com -> H O M E
SEAT - Wikipedia, the free encyclopedia
SEAT Leأ³n - Wikipedia, the free encyclopedia
صيانة وقطع غيار جوه مصر
http://www.nilemotors.net/Nile/172654-99.html
http://www.nilemotors.net/Nile/143163-smg.html
http://www.nilemotors.net/Nile/170673-smg-10-000-a.html

ولو عند حضرتك أي استفسار ممكن تلف عندنا لفة في منتدي seat أو تعدي على مركز العرض اللي في جامعة الدول جنب التابعي.

**amrseba** · 19-08-2010 04:03 PM

عن نفسى افضل الميجان وانا من النوع الى ميهمنيش اوى التوكيل و الحاجات ديه ياعنى مشتريش عربيه على حساب عربيه احسن منها عشان التوكيل و رخص قطع الغيار لو انا قادر عليها بس و الميجان روعه بجد بس عارف لو دخلت الفيات برافو هتبقى هيا الى تتفوق وفعلا الحكايه مش حكايه توكيل و اوروبى و بتاع الحكايه ان العربيات الهاتش باك سوقها فى الضياع فى مصر و طبعا اى واحد بيشترى يشوف مثلا السيات ليون او الفيات برافو او الميجان تلاقى كل ايه يابنى هتجيب عربيه من غير شنطه و بتاع هو كل حاجه هاتش باك مش ناجحه زى الفيرنا و الجيتز العربيتين واحد نفس الفتيس و الماتور و كل حاجه و اثبت منها و مش منتشره انتشار الفيرنا من الاخر كلها ثقافه الهاتش باك لو بقى قطع غيار رخيصه سواء يابانى او كورى او اوروبى برده مش هيتقارن بمبيعات السيدان

**Mzeid** · 20-08-2010 06:25 AM

أنا أفضل الليون
مستريحلها عن العربيات التانية

المشاركة الأصلية كتبت بواسطة m.osman

انا اختار الميجان ...
كفاية بس تسمع اسم العربية دي من jeremy clarkson

:d

لأ بجد ...
الليون اكيد تحفة برضه .. لكن الميجان انيقة في نظري بطريقة غريبة و الموديل الأقدم برضه الهاتشباك فيه كان تصميمه روعة بجد + التوكيل الأفضل... هو مين اصلاً وكيل سيات في مصر... انا مسمعتش عنه !! (توكيل ضعيف)

معلش وجهة نظري أنك مادام مش بتسمع عنه يبقى التوكيل كويس علشان مفيهوش مشاكل

و لو سمعت عن التوكيل يبقى نظرا لكثرة القيل و القال عنه

و بالنسبة للتوكيل هو smg المملوك لعائلء غطاس
و هو نفس توكيل سانج يونج و هارلي ديفيدسون و بورشة

**Mzeid** · 20-08-2010 06:32 AM

بالنسبة لسبب تفضيلي لليون

الجولف أفضل سيارة هاتشباك و معظمنا بيحبها
هي هي نفسها الليون
يبقى لما أشتري الجولف بسعر أرخص و كماليات اعلى
و كمان دي فولكس فاجن
و بعدين السيات ليه خايفين منها كدة
التوكيل مش عايز يعمل عنها إعلانات علشان يحافظ على تفردها و تميزها زي ما الكوبر سعرها أعلى من المستحق
لما أركب عربية مفيش منها في طنطا إلا حوالي 5 تقريبا و لا أركب عربية منتشرة و مش معنى كدة أنها وحشة لا

**عبد الرحمن اسامه** · 18-09-2010 04:03 AM

انا معرفش كتير عن الميجان بصراحة بس انا من ملاك الليون، و العربية دي تحفة فعلا، و حضرتك لو عندك اي سؤال فيها ممكن تسألني.
علي العموم انا بحترم سيات اكتر من رينو، عشان سيات تبع فولكس فاجن، بالذات الرينو المش فرنساوي.