محتاج مساعدة اللى عارفين بس

**ahmedtelecom** · 06-01-2008 10:38 AM

عايز اجيب نيو اكسنت اوتوماتيك وخايف لتكون مشاكلها كتير لانها كورى..... ياترى رايكم ايه؟

**liquidator** · 06-01-2008 12:13 PM

أخي الكريم توكل علي الله و ان شاء الله مفيش مشاكل لكن لي وجهة نظر ... اذا نويت انك تجيب أوتوماتيك فالياباني أحسن من الكوري ... ده اذا انت ناوي تحملها جامد و تطلع بيها جبل مثلا في الحاله دي هاتظهر عيوبه عشان الجماعه الكوريين لسه مش زي اليابانيين أوي في موضوع الأوتوماتيك ده ... بخلاف ده لو استخدامك عادي يبقي توكل علي الله و علي العموم العربيه تكنولوجيتها عاليه أوي و خدمة ما بعد البيع كويسه ...

**ahmedtelecom** · 06-01-2008 01:48 PM

متشكر ليك اخى العزيز على ردك القيم...بس اليابانى اوتوماتيك بيبداء من 90.000وانت طالع....اعتقد انه اقربهم للنيو اكسنت الصنى عاملة92.000 لانها1600سى سى بس مش فول اوبشنز

**liquidator** · 06-01-2008 01:56 PM

أنا وضحتلك الفرق بينهم .. فيما عدا ذلك النيو أكسنت عربيه أكثر من رائعه و الفينيش بتاعها هايل و يمكن أحسن من فينيش الصني .. موتورها رائع و ذو تكنولوجيا عاليه (CVVT ) اختصار ل ( Continous Variable Valve Timing ) و ده يساعد علي السحب في حالات مقاومة الهواء في طرق السفر بشكل ملحوظ و يحافظ علي استهلاك الوقود , الباور ستيرينج كهرباء مش هايدروليك ... و أنا لو مكانك هاشتريها و أنا مغمض لأني مش ناوي أحملها و أطلع جبل !!! و كلها كام سنه و تلاقي هيونداي عدت اليابانيين كمان في موضوع الأوتوماتيك ده .... توكل علي الله و ربنا يكرمك ان شاء الله و خلينا نتقابل بقي في الصيانه عند غبور !!