ما مدى ثبات الكورولا.....إحكي تجربتك

**ahmedsadek82** · 08-06-2010 03:57 PM

المشاركة الأصلية كتبت بواسطة ahmed_h_g

أنا جربت ياريس2006 وكورولا 2008 خليجى
بصراحه الياريس ممتازه فى الطوالى لكن فى الملفات على سرعات سيئه
بالنسبه للكورولا الجديده عالسرعات ممتازه عالطريق المستوى فقط
فى الملفات جيده لكن فى الملفات الشديده مثل ملفات السخنه والملف اللى فى مطلع كوبرى أكتوبر من مدينة نصر والملف الأول داخل نفق الأزهر من ناحية صلاح سالم سيئه جدا" جدا"
وده بسبب ليونة العفشه زياده عن اللزوم وخفة باور الدريكسيون
لكن كتسارع وفخامه ممتاذه .

المشكلة انها في المناورة وحشة جدا (قاتلة للاسف) مش موضوع طوالي ولا ملفات معمول حسابها ...انت لو بتجري و لقدر الله لقيت حاجة عايز تفاديها بسرعة ...للاسف وحشة جدا في في المناورات ..لكن في الاوضاع الطبيعية معقولة

**Doush_csf** · 08-06-2010 06:18 PM

المشاركة الأصلية كتبت بواسطة محمد محمد

فعلا موضوع الأوبشن ده كان عامل حاسم في قرار الشراء....اللى كان عاجبنا في السيفيك ان الصالون بتاعها واسع والثبات افضل شوية .

كلام حضرتك سليم يا أستاذ محمد , أنا بس مش متفق قوي مع حضرتك بـخصوص الصالون, أنا شخصيا مش حاسس بـفرق بينهم بس في نقطة : تابلوه السيفيك أكبر (والعدادات تحفة بصراحة ) فـده بيدي إحساس بـمساحة مهولة (أنا صعقت لما ركبتها أول مرة, الواحد يحس الإزاز على بعد كيلو ) بس في مساحة الجلوس محستش بـفرق الصراحة.
أما بالنسبة للثبات فـأنا متفق مع حضرتك , بس هل فرق الثبات يستاهل يخلي حضرتك تحك في كل مطب من مطبات المحروسة ؟ في واحد من أعَز اصحابي وصل لمرحلة إنه أكتر من 3 و هو من ضمنهم (4 لو رفيعين) في العربية ممنوع ... وواحد تاني بقى ينزلنا في المطبات و بصراحة أنا مش بالومهم عشان إحساس التجريحة من تحت بيوجع القلب لما الواحد يكون دافع 150 ألف في العربية.

بالنسبة للاوبشن فـدي قلة أدب في رأيي, موضوع 2 سماعة ده اعتقد إنها بتتفك من التوكيل (معتقدش إن شركة هوندا المحترمة والمعروفة عالميا ممكن تطلع عربية فاضية بالمنظر ده ). وال اوكر سوداء (في لانسر 1300 ممكن ابلعها إنما في عربية بالسعر ده لأ )

المشاركة الأصلية كتبت بواسطة ahmedsadek82

المشكلة انها في المناورة وحشة جدا (قاتلة للاسف) مش موضوع طوالي ولا ملفات معمول حسابها ...انت لو بتجري و لقدر الله لقيت حاجة عايز تفاديها بسرعة ...للاسف وحشة جدا في في المناورات ..لكن في الاوضاع الطبيعية معقولة

أنا أول مرة أسمع الكلام ده عن العربية دي. أنا أعرف عاهات سايقينها (هم صحابي وحبايبي آه بس متهورين ) وكله بيشكر في الثبات (الكلام عن الجنوب افريقي ) ومعرفش بصراحة إيه نظام الخليجي عشان كل اللي جابوها سألوني قولتلهم يالجنوب افريقي ياإما مالناش كلام تاني مع بعض

**ahmedsadek82** · 08-06-2010 07:05 PM

المشاركة الأصلية كتبت بواسطة Doush_csf

كلام حضرتك سليم يا أستاذ محمد , أنا بس مش متفق قوي مع حضرتك بـخصوص الصالون, أنا شخصيا مش حاسس بـفرق بينهم بس في نقطة : تابلوه السيفيك أكبر (والعدادات تحفة بصراحة ) فـده بيدي إحساس بـمساحة مهولة (أنا صعقت لما ركبتها أول مرة, الواحد يحس الإزاز على بعد كيلو ) بس في مساحة الجلوس محستش بـفرق الصراحة.
أما بالنسبة للثبات فـأنا متفق مع حضرتك , بس هل فرق الثبات يستاهل يخلي حضرتك تحك في كل مطب من مطبات المحروسة ؟ في واحد من أعَز اصحابي وصل لمرحلة إنه أكتر من 3 و هو من ضمنهم (4 لو رفيعين) في العربية ممنوع ... وواحد تاني بقى ينزلنا في المطبات و بصراحة أنا مش بالومهم عشان إحساس التجريحة من تحت بيوجع القلب لما الواحد يكون دافع 150 ألف في العربية.

بالنسبة للاوبشن فـدي قلة أدب في رأيي, موضوع 2 سماعة ده اعتقد إنها بتتفك من التوكيل (معتقدش إن شركة هوندا المحترمة والمعروفة عالميا ممكن تطلع عربية فاضية بالمنظر ده ). وال اوكر سوداء (في لانسر 1300 ممكن ابلعها إنما في عربية بالسعر ده لأ )

أنا أول مرة أسمع الكلام ده عن العربية دي. أنا أعرف عاهات سايقينها (هم صحابي وحبايبي آه بس متهورين ) وكله بيشكر في الثبات (الكلام عن الجنوب افريقي ) ومعرفش بصراحة إيه نظام الخليجي عشان كل اللي جابوها سألوني قولتلهم يالجنوب افريقي ياإما مالناش كلام تاني مع بعض

اللي سقتها في السعودية الخليجي ....مش قادر اوصفلك قد ايه ضايعة ...بس على فكرة هي والجنوب افريقي نفس العربية تقريبا الفرق من جوة في التابلوه بس ...بصراحة ربنا سترها معايا لأني كنت حروح بسببها.

**محمد محمد** · 08-06-2010 07:19 PM

المشاركة الأصلية كتبت بواسطة ahmedsadek82

اللي سقتها في السعودية الخليجي ....مش قادر اوصفلك قد ايه ضايعة ...بس على فكرة هي والجنوب افريقي نفس العربية تقريبا الفرق من جوة في التابلوه بس ...بصراحة ربنا سترها معايا لأني كنت حروح بسببها.:o_stupid[1]:

التابلوه بس..... مش ممكن يا راجل اسأل اي حد في مصر هيقولك دي عربية ودي عربية تانية خاااااااالص.

**wwaeel** · 19-06-2010 04:01 PM

الجنوب افريقي عفشهتها شبه رياضيه يعني ناشفه شويه وده بيديها ثبات اكتر من الخليجي والعفشه مختلفه عن الخليكي في شكلها وقطع غيرها الجوب افريقي ثابتها ممتاز لحد سرعه 180 وفي المنورات ممتازه جدا والدركسيون البور بتاع بيتقل كل ما تزيد سرعه العربيه

**sgra6** · 19-06-2010 08:12 PM

ايه ياشباب ثبات ايه بس
ان كانت الكامري مفيهاش ثبات تجي تقولي كورولا ولا على سرعات 200 و 180 ^_^ خخخخخخخ اما 220 لاتعليق
وحد يدلني على طريق مفهوش مطبات ولا حفريات عشان اجرب الثباااااات هع ..

**Doush_csf** · 20-06-2010 12:38 AM

المشاركة الأصلية كتبت بواسطة sgra6

ايه ياشباب ثبات ايه بس
ان كانت الكامري مفيهاش ثبات تجي تقولي كورولا ولا على سرعات 200 و 180 ^_^ خخخخخخخ اما 220 لاتعليق
وحد يدلني على طريق مفهوش مطبات ولا حفريات عشان اجرب الثباااااات هع ..

مفيش غير اللي إنت حاططها في التوقيع عندك هي اللي ثابتة

**sgra6** · 20-06-2010 05:13 PM

المشاركة الأصلية كتبت بواسطة Doush_csf

مفيش غير اللي إنت حاططها في التوقيع عندك هي اللي ثابتة

وانا مقولتش ثابته ^_^ !!!!!!!!!
والي بالتوقيع مش بتعتي بس متسقط لها ماتور sir يعني لما تشوفه ماتحاولش حتى
وخاصتا بالبيجوو خخخخخخخخخخخخخخخخـ...

الفكره كولها ان العربيات الصغيره بشكل عام مفيهاش ثبات هي اصلا وزنها خفيف
وعلى سرعة 200 بتعتقد وزنها يوصل كام ؟؟
يعني لو تعرف العربيه الجي ام سي لما توصل عند 170 (( حد الفصله )) بتحس انك لسى ماشي 100 او اقل كمان ده انا الي بسميه ثبات .. كل العربيات بتجري بس بعضهم على سرعة 180 بتحس انك بسرعة الصوت !!!

ومكونتش اقصد حاجه بجد بس محدش يتهور ويجيب سرعه عاليه زي 180 او 200 لأن العربيات الصغيره
خفيفه اوي وعلى سرعات عليه لو حصل حاقه مش هتعرف تمسكها خالص هتبقى كأنك عايز تمسك الميه

**azakareya** · 23-06-2010 09:28 AM

أنا معايا كورولا ٢٠٠٥ 1300cc مانيوال .. العربية دي أنسب عربية لشوارعنا، بس مش بتاعت جري خالص .. عالية عن الأرض و عفشتها ناعمة قوي .. أكتر من 140 على طريق طوالي بأكون قلقان، فطبعاً مش بأخد بيها ملفات على سرعات عالية .. الجنط بتاعها 14 و الكاوتش مش عريض، يمكن لو ركبت جنط 16 و عرضت الكاوتش الثبات يتحسن.