الموضوع: بيجو 405

عربية محترمة جدا جدا
وأحسن حاجة فيها القوة والعزم والثبات دى بتعمل عزم 171 نيوتن عند 2.5 اربي ام حاجة جبارة طبعا وثبات عالى جدا على السرعات العالية يعنى ببقى ماشي 200 كم ومحدش من اللى راكب معايا حاسس بالسرعة
بالنسبة لطلبك بخصوص 1800 او 2000 سي سي هتبقي عربية جبارة ووحش واداء قوى

هى تعتبر عربية كاملة من وجهة نظرى لعدة اسباب
1. صاج قوى ومدعمة الابواب والسقف ومصفحة تحت الماتور واكصدامات قوية
2. من الداخل تقفيل قوى ومواد عالية تتحمل
3.صالون واسع وشنطة كبيرة
4. ثبات عالى فى السرعات
5. عالية عن الارض
6. عافشة قوية جدا تتحمل حفر ومطبات مصر
7.قطع غيار متوفرة جديدة واستيراد تعتبر ببلاش دنا وانا طالب كنت بعملها صيانة من مصروفى
الأوابشن فيها اظن معروف فى كل الموديلات
باور. سنتر .تكييف .جنوط. زجاج كهربا .مرايات كهربا .فوجات .اربي ام .وعداد ضغط زيت. ساعة ديجتال. في منها فيه مثبت سرعة .وكيك داون .تعديل الدركسيون لأعلى واسفل وكذالك كرسي السائق .فرش جلد .4 مساند للرأس مسند وسط للكنبة الخلفية
الفتيس فية 1.2.3 نقلات بخلاف الاوتو
فول انجكشن 2000 سي سي 123 حصان كامة واحدة
عزم قوى جدا جدا 176 نيوتن عند 2.5 أربي ام
ميكانيكا نظامها سهل جدا ومش معقد
نظام التبريد فيها هايل وبسيط وادائه عالى
نظام الدنجل وعمود عزم خلفى بتبقي ناعمة جدا فى المطبات ومريحة اوى خصوصا اللى قاحد ورا
فرامل سكاكين امامية وخلفية
بجد عربية عملية جدا ولها سمعة كبيرة فى مصر وبجد مش هتندم فى يوم انك جبتها
بس العربية ديه مش بتاعت عك لآزم تكون بحالتها ومحدش لعب فيها
واهم حاجه الاساسات حوض وشنطة وشاسية من تحت
بتعمل لو نضيفة اوى اوى مو من 98 ال2000 رينج 45 ال 50 الف
لو الماتور جيد جدا بتقفل العداد واقل حاجة تجيب 180
وربنا يوفقك