المشاركة الأصلية كتبت بواسطة miss_pharma
يا جماعة انا بس عايزة اقول حاجة باختصار عن موضوع الماديات ده ..
انا اكتر واحدة في الدنيا قلت انا عايزة وعايزة وعايزة ومش اقل من كذا ولازم يكون فيه شقة تمليك وتتفرش من الابره للصاروخ وووووووو وكلام جامد جدا ..
انما والله اللي بيحصل ان ساعة القدر بيعمى البصر .. يعني اللي حصل دلوقتي اني بدور على قاعة احجز فيها عشان ان شاء الله الفرح في العيد ..
الشقة موجودة بس والله مشفتهاش لحد النهاردة ..
ومش هفرشها
احنا الاتنين مغتربين وهنتجوز ونعيش برا لحد لما ربنا يفرجها ونرجع ونفرش على مهلنا
ولا اعرف هيجيب شبكة بكام ولا سألت ولا هو سأل
ولا اعرف هيكتب مؤخر كام
انا نفسي مستغربة نفسي جداااااااا
بس كل اللي اعرفه دلوقتي اني عايزاه وهو عايزني وبنعمل اللي نقدر عليه عشان نكون سوا
واي حاجة تانية مش مهم
مين دي اللي بتقول الكلام ده !!
انا فعلا والله اخر واحدة كان ممكن تفكر كده
سبحان الله !!!!