مشوار سفر فى اول 1000 كيلو

**alaa82mohamad** · 18-03-2010 09:42 AM

اجاباتى تحت يا masterzmind

المشاركة الأصلية كتبت بواسطة masterzmind

طيب يا باشا انا عاوز اعرف منك معلومات على العربية ممكن
1-الكنبة الخلفية واسعة زى السيراتو العدية ولة ضيقة شوية
معقولة قوى على كلام اللى جربوا من اهلى :) الدخول و الخروج هو اللى متعب شوية

2-العربية واطية يعنى لو ركبت 3 او4 تحك ولة لا
اكتر عدد جربته 3 و كان عادى مافيش اى مشاكل

3-الثبات عامل اة معاك
كويس جدا

4- اهم حاجة بقى العفشة ناشفة وى العدية ولة اللكوبية التصميم بيفرق
نفس اسلوب السيراتو العادية

5- جبتها خليجى ولة توكيل وبكاام
توكيل 136 الف

معلش انا عارف انى تعبتك معايا اصل العربية دى دخلة دماغى وانشاء الله يا رب اجيبها وشكراااا

العربية ظريفة قوى و حتعجبك ان شاء الله

**alaa82mohamad** · 18-03-2010 09:43 AM

المشاركة الأصلية كتبت بواسطة chicobon

تروح و ترجع بي السلامة انشاء الله ربنا يحفظك من شر الطريق

الله يباركلك

**alaa82mohamad** · 18-03-2010 09:46 AM

المشاركة الأصلية كتبت بواسطة arafahafez

سافر على بركة اللة ومتخافش انت معاك وحش تحت رجليك ... بس محتاج ترويض ( تليين ) وفرصة انك تكمل التليين مادمت لم تتعدى ال 1000 كيلو ..واليك الطريقة المثلى لذلك ... المسافة من اول الطريق الى البوابة الاولى حوالى 11 كيلو ابدأ بالسير بسرعة متزايدة حتى تصل لسرعة 100كيلو \ساعة ثم ارفع قدمك عن البنزين واترك السيارة تسير تحت تأثير وزنها مع عدم فك الغيار وهو فى حالتك ( D ) حتى سرعة 40 كيلو \ساعة ... ثم ابدأ بزيادة السرعة مرة اخرى الى 100 كيلو ثم اتركها حتى 40 كيلو ... وهكذا كرر العملية السابقة عدد ( من 10 الى 15 ) مرة ... طبعا المسافة الى البوابة الاولى تسمح لك بذلك حوالى 5 مرات فقط ويتم استكمال العدد بعد البوابة ... هكذا ينتهى التليين ... ولكنى افضل الا تتعدى السرعة 100 كيلو \ساعة خلال 1500كيلو الاولى ...وال 120كيلو \ساعة خلال ال3000 كيلو وبعدها تكون قد قمت بتليين الموتور بالطريقة الصحيحة والتى معها يتحمل اى ضغوط واحمال مفاجئة مثل الغرز والطلعات العنيفة ... واللة من وراء القصد والسبيل ... والسلام عليكم ورحمة اللة وبركاتة .

شكرا اخى الفاصل

**alaa82mohamad** · 18-03-2010 09:55 AM

المشاركة الأصلية كتبت بواسطة dr_smart

انا رأيي بلاش تسافر بيها دلوقتي لسبب ... الطريق مغري اوي واكيد مش هتمسك نفسك وهتجري واحتمال يطلع في دماغك انك تشوف اخرها كام !!

لو متأكد انك هتعمل كونترول وماحدش هيسخنك يبقى توكل على الله وماتعديش 120 و ماتثبتش على سرعه واحده زي مالاخوه الافاضل قالو بالظبط و اكيد السفر افضل في التليين 100 مره من المشي في الزحمه المقرفه بتاعت القاهره اللي بتخنق الموتور والفتيس واكيد فيها كيك داون كتير

وربنا يباركلك فيها وتروح وترجع بالسلامه

يا احمد دا العربية اتخبطت و انا ماشى على 0.5 كم\ساعة فى مصطفى النحاس . انا بخاف ازود عن 80 كم
ربنا يستر و يكفينا شر الناس اياها اللى فى الطريق

**medo_sirion** · 18-03-2010 11:33 AM

المشاركة الأصلية كتبت بواسطة alaa82mohamad

اجاباتى تحت يا masterzmind

معلش هنتعب حضرتك كمان
هوة حضرتك جبتها من الوكيل بالحجز
والحجز بيعد قد اية

**medo_sirion** · 18-03-2010 01:10 PM

طب ازاى وكيل 136
امال التوكيل بيبعها بكام الكاملة
معلش اصل نويت خلاص وهتعب حضرتك معايا

**ahraah** · 18-03-2010 06:51 PM

المشاركة الأصلية كتبت بواسطة morasystem

متخليش ال أر بى إم ينزل عن ال 2 و ميعلاش عن 4 زى ما هو مكتوب فى الكتالوج ... و حاول طول ما انتى ماشى جوة البلد تغير كذا سرعة مرة التانى مرة التالت و مرة الرابع ... و يحبذ بلاش الستبترونيك دلوقتى ... و حكاية التكييف دى ملهاش أساس من الصحة ... الكلام ده لو انت عامل عمرة للموتور و هتلينه من أول و جديد إنما المفروض إن الموتور متلين جاهز بس انت بتكمل التليين ... انت بس خلى التكييف على واحد و هى هتبقى تلاجة بإذن الله

و بلاش تقرص على الفرامل .... و بلاش جرى يعنى 100 110 حلو و الأر بى إم مش هيعدى ال 4 بإذن الله .... و ربنا يكفيك شر الطريق

هو التكيف بيفرق على واحد او 2؟ الفهمة انو التكيف اول ميشتغل بيحمل الكمبريسور دة غير انو ديجيتال معتقدش فى تحكم فى الكمبريسور

لصاحب الموضوع متعديش rpm 3 او 3000 لفة و متشيدش و انت بعد ال 3000 كم حتحس انها بداءت تكون بتستجيب بسرعة عن الأول