الموضوع: مفتاح الميجان (الكارت)

المشاركة الأصلية كتبت بواسطة Megane

شكرا يا معتز على حبك للميجان و فعلا كلامك صح أنا لما كنت ناوى أشترى كان أمامى ثلاث سيارات
1) الميجان 2008 جميع الكمليات - - - - -> و سعرها 136000
2) 2008 C4 جميع الكمليات - - - - - - > و سعرها 140000
3) الأسترا 2008 جميع الكمليات - - - - - > و سعرها 160000
فإختارت الميجان بسبب السعر و أنها سيدان.
و بالنسبة للكارت أنا لم أسمع أبدا أن بة مشاكل و السيارة أيضا معدة لكى تفتح و تدور بدون الكارت و هذا الأبشن لن أستطيع ذكر كيفية عملة لانة سر لا يعرفة غير مالكى ميجان.
و أن شاء اللة سوف نبارك لك قريبا على إمتلاكها.

momken a3raf ezai adwar el3arabia men 3`eer el kart??!
we hal fe esloobafta7 beeh el ezaz el kart??!

المشاركة الأصلية كتبت بواسطة Ahmed A.Maksoud

الأستاذ حاتم

أحب أقول لحضرتك أنى زى شاركى تمام العربية معايا من سنتين و نص والحمدلله مافيهاش مشاكل ولا كارت ولا فتيس.
وبعدين لو سنتين ونص مش كفاية علشان تحكم على عربية هيبقى أد أيه كفاية؟

أحنا اللى فى مصر طريقتنا فى الحكم على العربيات فى رأيى الشخصى غلط.....ليه؟

لأن فى أوروبا والدول المتقدمة بيجيبوا العربيات بعمر أفتراضى معين ( 7 سنيين ) و بعد كده عادة بيبيعوا العربية خردة الا لو كانت العربية فلة ( ربنا يسهل لتحار الأستيراد ) أما هنا الواحد بيجيب عربية عاوزها تعيش 30 او 40 سنة و كمان يا ريت مايصرفش عليها حاجة :-)

وللعلم بس أنا ليا أخ عايش بره مصر معاه مرسيدس C180 بقالها 3 سنيين معاه وكان عنده مشاكل فيها فى الأير باجز بعد أقل من سنة ودلوقتى فى مشاكل فيها فى التكييف.

وجهة نظري المتواضعة ان مش معنى ان فى عدد من مالكى اى حاجة عندهم مشاكل فى الحاجة دى يبقى الحاجة دى وحشة....لازم نعرف نسبة الناس دى كام عشان نعرف نحدد وأنا عن نفسى معرفش حد معاه ميحان فيها مشكلة الكارت دى .

يا أستاذ أحمد المقصود إن الحسبة مش بس وقت ، يعني سنتين و نص على كم ألف كيلو ، لأن ممكن السنتين دول تعمل فيهم ١٠ الآف كم يبئة لسة العربية زيرو ، في اوربا الناس ممكن تمشي 50 إلى ١٠٠ كم يوميا لحد الشغل دا غير السفر في ال-week-ends يعني العربية تعمل كل سنة حوالي 20 - 25 ألف كم يبئة في سبع سنين يدوب ١٥٠ ألف أو أكتر و هو قد يدوب تبقى العربية عملت إلي عليها و زيادة .

أما موضوع Renault أو Mercedes أو أي ماركة القصة فيها مسألة إستخدام مش كل حاجة عيب في التصميم أو الإنتاج ، يعني ممكن الإستخدام يخلي عربية صيني تعيش ١٥ سنة و هي زيرو و ممكن يبهدل ألماني في سنة واحدة ، مش كدة ولا إيه؟

حتى موضوع الكارت دة موضوع إستخدام و دة إلي أنا بقوله ، أنا كان سؤالي مش عشان أقول العربية حلوة ولا وحشة ولا القصة دي (لأنها كدة كدة معايا واللي كان كان :) ) ، أنا بسأل عشان أشوف حل للمشكلة

المشاركة الأصلية كتبت بواسطة Hesham A.Megid

انا عايز اعرف هو ايه الجديد في كارت ده؟ مش هو مجرد ريموت عادي للسنترال لوك و فيه الشريحه بتاعة ال immobilizer صح؟ يعني مفهوش اي حاجه غريبه عن باقي ال keyless entry systems صح ولا انا فاهم غلط؟

لا يا فندم كلام سيادتك سليم ١٠٠٪ ، الكارت دة عبارة عن جزئين جزء للريموت و دة إلي بيفتح و يقفل العربية (و دة إلي بيشتغل بالبطارية )
و جزء تاني عبارة عن immobilizer code chip و دي إلي بيشيك عليها السيستم عشان يدور العربية (السيستم بيدور على الحتة دي في مكانها قبل ما يدور لو مش موجودة أو تالفة مش هيفتح ال-immobilizer و بالتالي العربية مش هتدور خالص ) و الكلام دة بيحصل بس لم تدوس زرار Start/Stop .

المشاركة الأصلية كتبت بواسطة sharky

أنا فهمت من حضرتك إن كده المشكلة فى الكارت الأساسى لكن الإحتياطى سليم
طب هو ظهر لحضرتك أى حاجة فى شاشة الكمبيوتر لما جيت تشغل الكارت الأساسى ؟


الكرتين بيبقو زي بعض تمام مفيش فرق ما بينهم ، إلي حصل إن واحد فيهم بيفتح عادي و تيجي تدور بيه يقولك "CARD NOT DETECTED" حتى و هو محطوط في المكان بتاعه .

هو انا معلوماتى قليلة فى موضع كمبيوترات السيارات فممكن حضرتك تشرحلى ليه حضرتك محتاج واحد غير الكارت بتاعه علشان تعرف تفاصيل النظام كله و ليه حضرتك ما حولتش تعرف عن طريق الكارت الإحتياطى اللى معاك ؟

زي ما قلت لحضرتك يا أستاذ Sharky أنا كنت عايز أفتح الكارت ده و أشوف إيه نظامه و إمكانية إصلاحه عشان كدة كنت عايز أجرب في كارت مفيش منه أمل خالص (دا إذا كان موجود عن حد أصلا حاجة كده ).


أخيرا أتمنى أعرف حضرتك شغال فين

متقلقش أنا مش شغال في توكيل منافس :) :) :)

و إنك توصل لمعرفة كيفية حصول هذا العطل و كيفية تفاديه و تنشرها فى المنتدى علشان الأعضاء يستفيدوا

أنا فعلا زي ما قلتلك ناوي إن شاء الله أعمل موضوع مفصل عن الكارت و- السيستم كله بس أول ما أكمل المعلومات كلها بإذن الله عشان الكل يستفيد (و كمان عشان الناس تبطل تفتي في الموضوع ده :) )