الموضوع: حد جرب الالتراسيل ؟؟؟

انا لما روحت الشركة لاقتها مكتب استيراد و قال ان الورقه مزورة لانهم مش وكيل
وكان فى ناس كتير واقفين حصل معاهم نفس الحكايه
المهم ربنا يسترها مع الجميع

ولله الحمد النهاردة 12/4/2010 يعنى عدى على التجربة حوالى 3 اسابيع والامور مستقرة والعجل حالتة كويسة ولم احتاج انى اروح ازود العجل من ساعتها .. ودى حاجة ماحصلتش من يوم ماجبت العربة انى مازودش العجل لمدة 3 اسابيع ...
المهم امبارح قولت اعمل واجب نيتروجين مع الكاوتشات بعد واجب الالتراسيل .. وفعلا روحت لمحطة بنزين فى الجيزة عندها نيتروجين .. الراجل قالى لازم اسحب الهوا الموجود جوا العجل الاول

الكلام دة كان فى حوالى الساعة خمسة ونص والجو زحمة واشارات وكنت ماشى مشوار طويل بالعربية الغريب بقى ان الهوا اللى خارج من الكاوتش كان متلج بشكل غريب ولا ابالغ لو قولت انه ابرد من هوا التكييف .. استنتجت ان الالتراسيل بيبرد الكاوتش كمان من جوا ..

بس بعد ما زودت نيتروجين جالى احساس انى ماشى على حرير ومش حاسس بالمطبات .. مش عارف بقى دا وهم ولا حقيقة .. ولا انا اللى حسست نفسى بكدة

انا قولت ابلغكم باخر التطورات

سافرت الاسكندرية الخميس اللى فات 3-6-2010 واثناء السفر على الطريق الصحراوى انفجر الاطار الخلفى شمال ومعرفتش انه انفجر الا بعد شويه اللى حصل بالضبط :
وانا ماشى كانت الساعة تقريبا 7 المغرب والجو حار والسرعة حوالى 100 -110 . سمعت صوت فرقعة بس مش عالى عامل زى ماتدوس على كيس شيبسى .. بصراحة ماركزتش وتوقعت انى دوست على حاجة ... وفى خلال دقيقة بدات اسمع صوت مثل ما يكون حاجة لزقت فى الكاوتش وبتلف معاه والصوت بدا يلعى يلعى يعلى وبعدين سكت مرة واحدة وبعدها سمعت صوت دبدبة فى العجلة ... المهم ركنت على جنب وغيرت العجلة ولما ببص عليها نظرة مبدأية لاحظت وكان فيها شق بالطول والالترا سيل ربنا يكرمة قافلة .. بس هو حيلاحق على ايه ولا ايه
الحمد لله ربنا ستر
انا فسرت الصوت اللى بيعلى انه خروج الالترا سيل من داخل العجلة للخارج علشان يسد الشق ولما جاب اخرة الصوت سكت وبدات المشى على الجنط علشان كدة عمل دبدبة

هذا وللعلم

لا الفردة كومهو وحالتها كويسة - ماشية حوالى 25000 ك - وشكلها كويس