سؤال مش سهل ومش صعب ؟؟؟

**MAROUF_NEEMA** · 22-03-2010 12:12 PM

بس ممكن سؤال أبحث عن جواب صادق له ( عن تجربة )لو سمحتوا ؟؟
كم هو مصروف ال BYD F3 AUTOMATIC
داخل المدينة .. و .. خارج المدينة
بالضبط التقريبي الصحيح ( أريد أرقاما" لو سمحتم )
ولكم مني ألف شكر ...

**MAROUF_NEEMA** · 22-03-2010 09:21 PM

ما في حد بيرد علينا ليه ؟؟؟؟
السؤال كتير صعب الإجابة عليه ولا إيه ....

**sv065** · 24-03-2010 04:34 PM

المشاركة الأصلية كتبت بواسطة marouf_neema

بس ممكن سؤال أبحث عن جواب صادق له ( عن تجربة )لو سمحتوا ؟؟
كم هو مصروف ال byd f3 automatic
داخل المدينة .. و .. خارج المدينة
بالضبط التقريبي الصحيح ( أريد أرقاما" لو سمحتم )
ولكم مني ألف شكر ...

السلام عليكم

بخصوص المصروف معلش الكلمة مش واضحة هل القصد منها إستهلاك البنزين ولا الصيانة الدورية بما فيها غيار الزيت والفلاتر ...إلخ

وإن كنت أعتقد أن المقصود معدل إستهلاك البنزين لأن حضرتك ذكرت خارج وداخل المدينة

فإذا كان ذلك فهي تستهلك داخل المدينة لكل 100 كم حوالي 10 إلي 11 لتر تقريبا
وخارج المدينة من 8 إلي 9 لتر تقريبا

**sv065** · 24-03-2010 04:36 PM

المشاركة الأصلية كتبت بواسطة marouf_neema

ما في حد بيرد علينا ليه ؟؟؟؟
السؤال كتير صعب الإجابة عليه ولا إيه ....

معلش هو السؤال مش صعب ولا حاجة بس ممكن نقول إن غالبية الأعضاء في المنتدي من مالكي موديل العادة وليس موديل الأوتوماتيك

**mimo4019** · 24-03-2010 08:00 PM

المشاركة الأصلية كتبت بواسطة sv065

السلام عليكم

بخصوص المصروف معلش الكلمة مش واضحة هل القصد منها إستهلاك البنزين ولا الصيانة الدورية بما فيها غيار الزيت والفلاتر ...إلخ

وإن كنت أعتقد أن المقصود معدل إستهلاك البنزين لأن حضرتك ذكرت خارج وداخل المدينة

فإذا كان ذلك فهي تستهلك داخل المدينة لكل 100 كم حوالي 10 إلي 11 لتر تقريبا
وخارج المدينة من 8 إلي 9 لتر تقريبا

معلش عندي سؤال هو حضرتك كنت قلت في موضوع قبل كده انها بتستهلك اقل من اللانسر 1300 مانيوال اللي كانت مع حضرتك
السؤال بقا هي اللانسر كانت بتستهلك قد ايه؟؟؟؟؟؟؟؟؟؟؟؟

**sv065** · 24-03-2010 09:46 PM

المشاركة الأصلية كتبت بواسطة mimo4019

معلش عندي سؤال هو حضرتك كنت قلت في موضوع قبل كده انها بتستهلك اقل من اللانسر 1300 مانيوال اللي كانت مع حضرتك
السؤال بقا هي اللانسر كانت بتستهلك قد ايه؟؟؟؟؟؟؟؟؟؟؟؟

سؤال وجيه جدا كنت منتظره من زمان

اللانسر 1300 كانت داخل المدينة من 12 إلي 13 لتر لكل 100 كم تقريبا
وبتزيد كمية الإستهلاك في حالة تشغيل التكييف في اللانسر بنسبة أكتر من الـ byd لما باشغل التكييف برضه فيها والمهم إن التكييف في اللانسر كان ضعيييييف جدا وكنت بافطس فالحر عالبال مالجو يطري شوية صغيرة عكس الـ byd في سرعة التبريد ...وتبريد بمعني تبريد

وإستهلاك اللانسر كان أقل حاجة بسيطة جدا علي الطريق السريع- خارج المدينة عنه داخلها وقد لا يتلاحظ أصلا وجود إختلاف عن داخل المدينة - حيث أني كنت عالطريق السريع بامشي بيها علي 140 معظم الطريق بس مع الـ byd بامشي علي 160 كمان وإن كان مش طول الطريق ولكن بنسبة كبيرة منه والفرق ملحوظ في الإستهلاك!!!

وده كان من الأسباب الرئيسية اللي بعت اللانسر علشانها بصرف النظر عن حأشتري إيه مكانها ... كنت ناوي الصراحة أجيب إسبرانزا 516 ...لأني كنت حاسس إني راكب عربية1600 أو 2000 سي سي في الإستهلاك والإسم 1300 عالفاضي وعزم ضعيف

في النهاية أحب أضيف حاجة بسيطة سواء في اللانسر أو الـ byd أو أي عربية ركبتها أنا في سواقتي باكون محمل دايما عالموتور وشادد باستمرار عالطريق لظرف إني مستعجل دائما ومتأخر دائما عن كل مواعيدي فمعدل إستهلاكي بيكون أعلي شوية عن اللي سواقته هادية

وإدعو لي ....أنا نفسي أمشي هادي علي طول لأن السرعة وحشة جدا

شكرا

**ozama22** · 24-03-2010 10:35 PM

الاخ sv065
شكرا جزيلا على معلوماتك القيمة وعلى فكرة انت بتعمل دعاية للعربية اكثر من التوكيل

**MAROUF_NEEMA** · 27-03-2010 12:52 PM

السي دsv065 والسادة المشاركين في هذا الموضوع :
بشكركم جدا على المعلومات الجميلة مع إني كنت متوقع تعمل بال 20ليتر 220 كم ...
على كل حال أنا إشتريت العربية مبارح (باركولي فيها وإدعولي بالتوفيق علشان هي أول عربية أسجلها بإسمي )
ولكم مني كل الشكر ....