رأى الاعضاء فى الماتريكس

**osamaelbaz** · 11-01-2008 12:00 AM

شكرا يا باشا على الردود الجامدة دى وانا انشاء الله هعمل زى منتا قولتلى وهعملها صيانة دايما فى التوكيل بس هى بتحتاج تربيط عفشة كل قد اية؟

**liquidator** · 11-01-2008 12:10 AM

كل 5000 كيلو يعني كل ما هاتروح الصيانه و هاتحتاج ضبط زوايا كل 10000 كيلو و لو انت بتمشي في طرق مش كويسه يبقي برده كل 5000 كيلو ....
ربنا يوفقك ان شاء الله

**Hesham A.Megid** · 11-01-2008 12:14 AM

المشاركة الأصلية كتبت بواسطة liquidator

يؤسفني يا أخي اني أقول لك ان الماتريكس فيها عيبين اكتشفتهم بعد عشره 3 سنين و 70000 كيلو ... العيب الأول ان عفشة العربيه دي بتحتاج طربيت من الوقت للتاني و ده لأن وزن العربيه الكبير ده و ارتفعها بيعمل عزم كبير جدا علي العفشه و انت بتحود يمين و شمال .. ماتقلقش دي كلها تربيطات هايعملوها لوحدهم في الصيانه من غير ماتقولهم ....
العيب التاني ان الماتريكس مش بتحتفظ بزواياها لفتره طويله و بتحتاج لضبط زوايا من وقت للتاني و ده لنفس الأسباب برده ...
و لازم تتعايش مع العيوب دي و تحب عربيتك زي ما أنا بعشقها و اللا تبيعها بقي و خلاص

طيب و موضوع صوت العفشه؟

**liquidator** · 11-01-2008 12:19 AM

العفشه فيها صوت لأنها محتاجه تربيط و ده امر طبيعي ...بس ممكن يكون اللي انت سامعه صوت الكاوتش مش أكتر و ماتنساش ان الكاوتشات الورانيه تقريبا معاك في العربيه و صوت دوشتها بيبقي ملحوظ بشكل كبير ... و مع الوقت هاتقدر تميز اذا كان صوت الكاوتشات العادي و للا صوت تخبيط عفشه

**Hesham A.Megid** · 11-01-2008 12:23 AM

المشاركة الأصلية كتبت بواسطة liquidator

العفشه فيها صوت لأنها محتاجه تربيط و ده امر طبيعي ..

معتقدش ان العفشه محتاجه تربيط لأن العربيه عامله 700 كيلو! و الصوت ده موجود من ساعت ما استلمت العربيه....

انا كده ابتديت اقلق :(

**liquidator** · 11-01-2008 12:32 AM

ليه تقلق ... ان شاء الله مفيش حاجه ... ممكن يكون صوت الكاوتش و طبعا هاتتعود عليه مع الوقت لأني كنت مستغربه برده أول ما جبت العربيه دي بس بعد كده اتعودت عليه