الموضوع: دليل; تجنب بعض الحوادث.

طبعا موضوع مفيد جدا وفعلا الحذر لا يمنع القدر بس الواحد بيعمل الي عليه وبيسيب الباقي على الله , موقف حصلي وده بسبب عدم تركيزي في الطريق الي قدامي كنت مره ماشي في شارع عادي وكانت سرعتي متوسطه يعني 60 كلم/ساعه وفجاه لاقيت الناحيه التانيه واحد راكب موتوسيكل (Race ) وبياخد غرزه وهب قام وقع ومتزحلق والكلام ده وسط العربيات والاتوبيسات وفضل يتزحلق يجي 8 متر وانا كل ده مركز معاه وخايف ان يجي حد بسرعه ويدهسه المهم بعد ما الفيلم ده خلص ببص قدامي لاقيت نفسي راشق في واحد قدامي وعربيه قديمه كمان الحمد لله انها جت سليمه مفش حد اتصاب ولاقيت عندي الكبوت محتاج سمكره بسيطه وخلص وهو طبعا اكصدامه حديد ,,, نصيحه مني لو لاقيتوا فيفي عبده بترقص في الشارع ركزوا في الطريق وما ليكوا دعوه ,, وحاولوا والله بدون مبالغه طول ما انتوا ماشيين اضربوا كلاكس علشان الي بيحدق والي بيرمي وخصوصا الاتوبيسات والميكروباصات

-و كمان حاجة مهمة تبص وراك اكتر ما تبص قدامك يعنى عود نفسك كل كاام ثانية تاخد لقطة من مراية الصالون للوضع اللى وراك هاتقدر تلحق نفسك كتير قوى انا بالقط المجانين من على بعد

-لو ركنت صف تانى عشان حد معاك يجيب حاجة تقف جمب عربيتك مش تقعد فيها ليه بقا لانك لو سبتها و اديت انتظار و لو حتى قاعد جواها هاترجع تلاقيها متجرحة من واحد بعجلة و شايل حاجات بارزة او من شاب دليفرى او من ميكروباص الترامكو و ساعات لو سعيد الحظ اتوبيس هيئة و بوكس شرطة و كل ده حصل قدامى

المشاركة الأصلية كتبت بواسطة kemoelord

طبعا موضوع مفيد جدا وفعلا الحذر لا يمنع القدر بس الواحد بيعمل الي عليه وبيسيب الباقي على الله , موقف حصلي وده بسبب عدم تركيزي في الطريق الي قدامي كنت مره ماشي في شارع عادي وكانت سرعتي متوسطه يعني 60 كلم/ساعه وفجاه لاقيت الناحيه التانيه واحد راكب موتوسيكل (race ) وبياخد غرزه وهب قام وقع ومتزحلق والكلام ده وسط العربيات والاتوبيسات وفضل يتزحلق يجي 8 متر وانا كل ده مركز معاه وخايف ان يجي حد بسرعه ويدهسه المهم بعد ما الفيلم ده خلص ببص قدامي لاقيت نفسي راشق في واحد قدامي وعربيه قديمه كمان الحمد لله انها جت سليمه مفش حد اتصاب ولاقيت عندي الكبوت محتاج سمكره بسيطه وخلص وهو طبعا اكصدامه حديد ,,, نصيحه مني لو لاقيتوا فيفي عبده بترقص في الشارع ركزوا في الطريق وما ليكوا دعوه ,, وحاولوا والله بدون مبالغه طول ما انتوا ماشيين اضربوا كلاكس علشان الي بيحدق والي بيرمي وخصوصا الاتوبيسات والميكروباصات

ديه ممتازة فعلا لان فيه فى مصر هواية الفرجة ديه عند ناس كتير

المشاركة الأصلية كتبت بواسطة dodger111

لما الاقى حد لازق عربيتة ورايا فى طريق زحمة وعاوزو يسيب مسافة بدل لما اقف يخبطنى اعمل اية؟

طيب هنفترض إنه بيلزق فيك علشان هو مستعجل , حاول لما الشارع يمشي تتحرك ببطء, بمعنى تاني تزهقه من المشي البطيء, غالبا هيفضل يكالكس شوية وبعد كده هياخد حارة تانية.

لو افترضنا إن هو ده اسلوب سواقته (يعني بيحب يلزق في العربية اللي قدامه) ساعتها حاول إنت تاخد حارة تانية.

المشاركة الأصلية كتبت بواسطة د.محمود صلاح

توقع خطا الغير

هي السواقة كلها اساسها مبني على التوقع , توقع خطأ الغير - توقع للطريق - توقع لرد فعل العربية.


*طبعا ل كل قاعدة شواذ , والستات عارفين هما بيسوقوا إزاي..