جراند فيتارا ولا دايهاتسو تريوس

**حماده عزو** · 12-01-2008 04:12 PM

أنتا المفروض تحدد أحتياجات فى العربيه أذا كنت محتاج حاجه suv وأيه الأمكانيات الى أنتا محتاجه بالظبط
عموما انا بحب الفيتارا لكن الموضوع فيه
أسعار صيانه و أستهلاك بنزين
وسعر أعاده البيع
يبقا التريوس

**loai-omar** · 15-01-2008 12:16 AM

جراند فيتارا

**MoToRiZeR** · 15-01-2008 05:47 PM

المشاركة الأصلية كتبت بواسطة SEATLOVER

تريوس 4x4 طول الوقت
جراند فيتارا 4x4 و 4x2 اختيارى

تصحيح بسيط .. التريوس مع احد اصدقائي و هي مش 4 باي 4 علي طول .. هي 2 باي 4 و فيه زرار تقدر تشغل بيه الدفع الرباعي

**MoToRiZeR** · 15-01-2008 05:59 PM

انا معرفش حاجة عن الفيتارا بس التربيوس عربية ممتازة .. ممتازة بمعني الكلمة فعلا

كبيرة وواسعة و في نفس الوقت اقتصادية مقارنة بمثيلاتها
اما تشغل التكييف متسمعش صوته .. كل حاجة في العربية نضيفة من أول حتي السماعات اللي مش هتحتاج تغيرها او تركب غيرها لأنها ممتازة .. لغاية التوكيل اللي هتحس الجودة في خدمته من اول التعاقد .. ناس محترمة جدا جدااا جدااا .. و الموظف اللي هيمسكلك الورق هتتفاجئ من اهتمامه بيك و كل شوية يكلمك و يعرض عليك خدمات لدرجة انك هتشك انه بيعمل كدة عشان عايز فلوس .. انا كنت فاكر كدة و اما جيت اديله حاجة كدة بعد ما استلمت السيريون بتاعتي قعدت اتحايل عليه و كنت خلاص هبوس ايده هههههه و هو مصمم مياخدش حاجة و قاللي يا باشا ده شغلي .. و كمان بعد كدة كلمني سألني العربية عاملة ايه معاك

و اما كنت بشوف صيانة التيريوس مع صاحبي .. مركز الخدمة نضيف جدا و مش بيطلسأوا الشغل زي بعض التوكيلات

فا بإختصار التيريوس عربية ممتازة و دايهاتسو مصر وكيل فوق الممتاز و ناس محترمة جدا
و موضوع الوكيل ده بالذات مهم جدا ..

و رأيي لو هتجيبها هات الموديل اللي ب 137 اللي هو فيه ايرباج و فرامل ايه بي اس

**ehab08** · 17-01-2008 04:06 AM

الأستاذ dehumanizer
شكرا على الأفاضه الجميله
ممكن من فضلك عنوان توكيل تريوس
أنا سمعت أن لهم مكتب فى مصر الجديده
ياريت لو تليفونهم
جزاكم الله كل خير

**MoToRiZeR** · 17-01-2008 09:44 AM

العفو علي ايه

هو انا اعرف مكان معرضين لشركة دايهاتسو .. واحد في اول احمد عرابي بعد توكيل تويوتا

و التاني في مدينة نصر في شارع النزهة .. اللي هو في اوله ميدان الساعة بين اول عباس العقاد و اول مكرم عبيد .. هتلاقي توكيل بيجو علي الشمال و بعده دايهاتسو علي طول .. و الادارة بتاعة دايهاتسو نفسها جنب المعرض ده علي طول

التليفون :24151600