محدش قال كده خالص بس الشائع و شائع جدا كمان ان معظم الستات (و خصوصا سائقات ال28 و ال27 و السيات!!!!!ياربي) بيكونوا سبب في معظم مشاكل و خبطات خلق الله...معرفش بيتلخموا و بيتصرفوا تصرفات غريبة مع انهم عاملين نفسهم حريصين جدا و لابسين الجوانتي و ماسكين الدركسيون بأيديهم الاتنين و مقدمين الكرسي لقدام و عاملين ضهر الكرسي رأسي تماما و تيجي تتفرج أحلى يمين في شمال في حدف مش مشكلة ده غير طبعا الامبالاة لو وقفت شارع كامل علشان خايفة تعدي ولا مش عايزة اللي جاي قدامها يرجعلها و مصرة ما تعديش علشان مش مقتنعة ان الطريق يكفي تلات عربيات جنب بعض مش اتين و طبعا لما تطلع ايدها من الشباك علشان تلف ولا تيجي شمال مثلا خلاص سيف على رقبتك و مهما كانت الظروف أو سرعتك مادام شفت ايدين لابسه غوايش طلعت من الشباك لازم تتصرف مش مسؤولة عن اللي هيجرالك......
ده غير طبعا الركن اللي معروف انه أصعب شيء و اغلس شيء على قلب معظم الستات ... السنسور عندهم انها تريح عاللي وراها و ترجع كمان شويتين لعل و عسى يكون منزل فرامل ولا حاجة و لا تكسرله كلبسات الأكصدام و لو ده اخرها خلاص تبدأ تكسر العجل (وطبعا مش عالأخر علشان ما تطلعش بسهولة وعلشان ما تبوظش العفشة و تتعب عضلاتها) و تطلع لحد برضه ما تحاول تزق العربية اللي قدامها و هكذا بعد تلاتين نقلة فجأة تلاقيها طلعت بوز العربية في تهديد واضح وصريح لي بني ادم جاي في الشارع لا بيه ولا عليه فجأة يلاقي وش عربية طلعله بالعرض و طبعا بالهداوة خالص و لازم العربية تتعدل في هدوء تام علشان ترجع تمشي على استقامة الطريق....ولا عزاء للشارع و اللي هيحصل فيه..........طبعا النظر للامام فقط و ما تنتظرش انها ممكن تشوف اللي على يمينها أو شمالها نهائي الرقبة متثبته على قدام و غير قابلة للدوران الا في ضيق الحدود........
على فكرة انا لما بأقول معظم الستات قصدي نسبة تزيد عن حوالي 70 %...........
مع احترامي الشديد طبعا لهن......فهم امهاتنا و أخواتنا و زوجاتنا و بناتنا و الموضوع للنقاش وليس للتجريح أو الخطأ نهائيا.........
كلنا بشر فينا الكويس و الوحش.........و ياما رجالة سايقة يتفاتلها بلاد.......و ربنا يستر طريقنا و طريقكم.........
المفضلات