الموضوع: رابطة مالكى الويرا (2) فيد وأستفيد .

طبعا فى البدايه بحب اهنئ صاحب الفكرة لانها فكرة ممتازة وارجو منه الاستمرار
اما بخصوص مشكلتى فانا معايا بروتون ويرا 99 1300 سىسى
العربيه كان تمام وظهرت المشاكل ديه
لقيت العربيه اولا :مرة واحدة العفشه غرقانه زيت رحت كشفت قلولى علبه الدريكسيون
مش لقيها ومش عارف اجبها منين واعمل حسابى على تكلفه اد ايه
ثانيا : الجدلد بتاع الطارة لقيت بدا يتقطع ومش عارف اغير الطارة ولا الاقيها فين ولا ثمنها كام
ثالثا : رحت غيرت سير الكتينه والبوجيهات وسيور الدينامو والتكيف وبعد كدة لاقيت العربيه بتكركر ومش عارف دة سببه ايه
رابعا : العربيه وهى واقفه بحس انها وخدة سنه بنزين وبتعلى وبتوطى من غير معمل حاجه ومش عارف ايه السبب
خامسا : لما بشغل التكييف العربيه بتقعد ترعش واول اما بزود بنزين بتروح الرعشه
انا عارف انى طولت لاكن الخدمه الى ممكن تعملوهالى لو حد عندة او قابلته نفس المشاكل يقول عمل ايه
والخدمه الى بجد انا عايز ميكانيكى بيفهم فى البروتون ويكون عندة كشف الاعطال بالكومبيوتر
و يرجعلى العربيه زى الاول
اعتذر لاستخدامة بعض المصطلحات العاميه فى التعبير
والسلام عليكم ورحمه الله وبركاته

انهردة انا هاقولكم حصل معايا اية ؟
انا من ساعة ما عملت طقم الشمبر وبعد ما ضبط تاكيهات بعد الف كيلومتر مروحة العربية شغاله علي طول بعد ما اسخن العربية صباحا الاقي المروحة تشتغل دون توقف ومؤشر عداد الحرارة لايمكن يوصل للنصف اللي هو تسعين - علي طول المؤشر تحت التسعين بشرطه ماعلينا روحت للمكانيكي قالي اغسيل الريداتير
اشتريت ميه خضراء ب 30جم من بنزين شل نوعها ايطالي
وروحت لوحد بتاع ريداتيرات علشان انظفه واسلكه وبعد ساعة اخد 40 جم وحطيت الميه الخضراء وبعدين لسه المروحة شغاله فصلت فيشة المروحة علشان اتاكد من امبير الحرارة شغال وان حساس الميه شغال استنيت حوالي 7 دقائق لقيت المؤشر اخيرا طلع وعدي التسعين علي طول شغلنا المروحة وكده طبعا اتاكدنا ان المؤشر شغال ونسيت اقول لكم انا حطيت العربية علي الجهاز وكان كل حاجة تمام ماعدا ان العربية درجة الحارة معدية 102 ومؤشر الحرارة مش بيتحرك عن مكانه .
وبعدين طلب الميكانيكي بخلغ حساس كوعة الميه وبالفعل فكينا كوعة الميه واخرجنا حاجة شكلها غريب فيها سوسته وبكاوتشه جواها وبعد كده افلنا الكوعه من غيرها وبعدين طلعت اجرب العربية ماشية كويس وسحبها كويس والمروحة تشتغل لمدة 30 ثانية وتفصل لمدة 30 ثانية وبعد كده قالي الميكانيكي خدها ودورعليها وممكن تمشي بالعربية من غيرها لحد ما تلاقيها وطول اليوم وانا بدور عليها عند بتوع قطع الغيار الكوري والياباني ومش لقيها .

والمشكله التانية ومعلش انا تعبتكم استحملوني :
انا من ساعة ما جبت العربية وكان فيها مشاكل كتير وباختصار ان البوجيهات وللمرة الرابعة وفي اقل من 10.000 كم اغيرها علشان البوجيهه نصفه محروق كويس والنصف الاخر من البوجيهه ابيض زي الفل كل البوجيهات سواء كان في التوكلي او بره التوكيل كلهم بنفس العيب
ما عينا قالولي انظف رشاشات نظفتهم مرتين وغيرت حساس الشكمان وعلبة شكمان وفي الاخر انهردة الميكانيكي قالي غير الرشاشات وهاتهم اكسنت 1500سي سي
ايه رائيكم لاني مخنوق من العربية ومن العيشه وعاوز اعرف ردكم واجيب من البوجيهات وممكن ينفع اغيرهم بماركة رشاشات بي ام دبليو 40m
ورشاشات الاكسنت بكام دلوقتي واحسن مكان اجيبهم منين ولا انا مش فاهم ومش عارف اعمل اية خلاص انا مش مركز
اسف علي الاطاله واعتذر عن اسلوبي في الكتابة
وشكرا
.