استاذ احمد اولا انا شاكر ليك جدا حسن اهتمامك وردك السريع ودى مش حاجه جديدة عليك وربنا يباركلك
قيت العربيه اولا :مرة واحدة العفشه غرقانه زيت رحت كشفت قلولى علبه الدريكسيون
مش لقيها ومش عارف اجبها منين واعمل حسابى على تكلفه اد ايه
حاولت تصلح القديمه ولا أدورك على الأستعمال منها ؟؟
ناس كتير قلولى هتضرب تانى ومش هتصلح احسنلك هات وحدة استيراد وعرف الن طقم الاولسيهات بتاعها بحوالى 300 جنيه غير المصنعيه
ثانيا : الجدلد بتاع الطارة لقيت بدا يتقطع ومش عارف اغير الطارة ولا الاقيها فين ولا ثمنها كام
مش عارف بتتباع فين ... هسألك .
ركب عليها التاره الجلد اللى بتتباع عند بتوع الأكسسوار حاليا"
ثالثا : رحت غيرت سير الكتينه والبوجيهات وسيور الدينامو والتكيف وبعد كدة لاقيت العربيه بتكركر ومش عارف دة سببه ايه
ممكن اللى ركبلك سير الكاتينه مش صنايعى ركبه مأخر فبيخلى السحب مش مظبوط
حضرتك بتمون بنزين كام ؟؟؟
92 بس
رابعا : العربيه وهى واقفه بحس انها وخدة سنه بنزين وبتعلى وبتوطى من غير معمل حاجه ومش عارف ايه السبب
حساس الtps والأيدل عايزين ينضفوا من الأتربه اللى دخلت من فلتر الهواء
وبما أن الحساس اللى راكب عندك مدمج فى البوابه يبقى تنضف البوابه فقط بسبراى خاص بيتباع فى شارع دمشق ب35 جنيه وكله هيبقى تمام
لمبة الأعطال بتنور عندك ؟؟؟
لا مبتنورش خالص الا اول اما اشغل كونتكت فى بدايه التشغيل وال ما ادور بتطفى
خامسا : لما بشغل التكييف العربيه بتقعد ترعش واول اما بزود بنزين بتروح الرعشه
حساس الtps برضه عايز ينضف فقط .
انا عارف انى طولت لاكن الخدمه الى ممكن تعملوهالى لو حد عندة او قابلته نفس المشاكل يقول عمل ايه
يا هندسه حضرتك تأمر وأبقى تابعنا أول بأول بمشاركاتك .
الامر لله وربنا يكرمك
والخدمه الى بجد انا عايز ميكانيكى بيفهم فى البروتون ويكون عندة كشف الاعطال بالكومبيوتر
و يرجعلى العربيه زى الاول
أى ميكانيكى شاطر يقدر يشتغل فيها
المهم الاقى ميكانيكى شاطر ويكون قريب مثلا فى عين شمس العباسيه مصر الجديدة ولو حد كويس وبعيد ممكن اروح له
ولو عايز نتابع الصيانه أول بأول كلنا معاك ان شاء الله .
ربنا دايما يديم المحبه والمعروف
والسلام عليكم ورحمه الله وبركات
المفضلات