الموضوع: تفويله بنزين 80 لسوبارو امبريزا 2007

المشاركة الأصلية كتبت بواسطة blazer

السلام عليكم ورحمه الله وبركاته
عاوز احكلمكم على موضوع حصل معايا
كنا مسافرين من مياط للمنصوره بعربيه صاحبى-امبريزا اوتو 2007-
ودخلنا نحط بنزين من محطه موبيل لاننا لاقينا ان كل البنزينات اللى على الطريق شكلها مقرف جدا ودى انضف واحده
دخلنا قلنا ليه حط 20 لتر بنزين 92
بعد اما خلص لاقينا العربيه متفوله وهى مكانش فيها غير مثلا 6 لتر و قربت تنور لمبه البنزين
فبصيت لاقيت العامل المتخلف مفول العربيه بنزين 80 !!
مش عاوز اطول عليكم واحكيلكم تفاصيل بس الخلاصه و اللى متوقعه ان العامل كان حرامى بس غبى وانه كان عاوز يسرق
المهم العربيه طبعا مفيهاش طبه فى تانك البنزين عشان نفضى البنزين اللى موجود وفيه مصفى على التانك فمش هينفع نسحب البنزين
فمشينا بلعربيه كدا ومكناش بنعدى 3000rbm ولما وصلنا ل نص التانك فولنا العربيه 92
فهل ممكن تكون حصلت اضرار ؟
ارجو الافاده

في الحاله زي دي لازم تمشي على اقل من مهلك لان فعلا فرق الوكتان كبير و كدا فيه اهتزازات غير عاديه بتتعرض ليها اجزاء الموتور و الاهتزازات دي تأثيرها تراكمي.

لازم تغير البوجيهات لانها خلاص كل سنه و انت طيب و حط بنزين 95 من مكان كويس

المشاركة الأصلية كتبت بواسطة ahmed1981

طالما مقرصتش خير إن شاء الله
حاول تكمل التانك بنزين 92
وكله تمام ومش محتاج حاجة تاني

فعلا عملنا كدا واتحسن الاداء بشكل كبير

المشاركة الأصلية كتبت بواسطة ahmed hassan

في الحاله زي دي لازم تمشي على اقل من مهلك لان فعلا فرق الوكتان كبير و كدا فيه اهتزازات غير عاديه بتتعرض ليها اجزاء الموتور و الاهتزازات دي تأثيرها تراكمي.

لازم تغير البوجيهات لانها خلاص كل سنه و انت طيب و حط بنزين 95 من مكان كويس

ليه تغيير البوجيهات ؟؟

المشاركة الأصلية كتبت بواسطة blazer

فعلا عملنا كدا واتحسن الاداء بشكل كبير



ليه تغيير البوجيهات ؟؟

علشان هتلاقي البوجيهات حمرا بسبب الحريق الجاف (اكسجين اكتر من الوقود).

المشاركة الأصلية كتبت بواسطة ahmed hassan

علشان هتلاقي البوجيهات حمرا بسبب الحريق الجاف (اكسجين اكتر من الوقود).

ممكن توضيح لهذه النقطة ما المقصو بها

المشاركة الأصلية كتبت بواسطة ahmed1981

ممكن توضيح لهذه النقطة ما المقصو بها

العربيه ال compression ratio بتاعها تقريبا 1:10.5يعني بنزين 95
طبعا لما يتحط في الموتور دا بنزين 80 بيحصلوا detonation بسبب الانضغاط العالي عليه و ده بيحصل قبل ما البوجيه يطلع شراره اصلا .
بعدها على طول البوجيه بيشتعل يحرق شوية البنزين اللي لسه عايشي و معاهم هوا كتييييير كان في الاساس داخل علشان يحرق البنزين (اللي اتحرق من غير بوجيه) و في الحاله دي الخليط بيكون فقير بالوقود (lean) و في الوضع ده غرفة الاحتراق بتكون سخنه جدا و عامله زي الجمره و ده اللي بيخاي البوجيه يحمر.

يا ريت اكون قدرت اشرح قصدي

معلش انا لما قلت حريق جاف كان قصدي (فقير) للوقود

المشاركة الأصلية كتبت بواسطة mohamed gamal

بس هو مش البنزين اللي اتحرق من غير بوجيه ده أخد الهواء اللازم علشان يحرقه ولا ايه اللي حصلو بالضبط.
(الوقود الفقير حرارته أقل من rich أو stoichiometric )

البنزين اللي اتحرق اتحرق و هوه بينضغط... يعني الهواء مكنش لسه دخل اصلا

المشاركة الأصلية كتبت بواسطة ahmed hassan

العربيه ال compression ratio بتاعها تقريبا 1:10.5يعني بنزين 95
طبعا لما يتحط في الموتور دا بنزين 80 بيحصلوا detonation بسبب الانضغاط العالي عليه و ده بيحصل قبل ما البوجيه يطلع شراره اصلا .
بعدها على طول البوجيه بيشتعل يحرق شوية البنزين اللي لسه عايشي و معاهم هوا كتييييير كان في الاساس داخل علشان يحرق البنزين (اللي اتحرق من غير بوجيه) و في الحاله دي الخليط بيكون فقير بالوقود (lean) و في الوضع ده غرفة الاحتراق بتكون سخنه جدا و عامله زي الجمره و ده اللي بيخاي البوجيه يحمر.

يا ريت اكون قدرت اشرح قصدي

معلش انا لما قلت حريق جاف كان قصدي (فقير) للوقود

أنا مختلف تماماً مع حضرتك
الخليط الفقير أقل حرارة
والصفع هو حدوث موجتي إحتراق في وقت واحد تقريباً أو متقارب جداً

والبوجيه سليم 100% بإن الله

المشاركة الأصلية كتبت بواسطة ahmed1981

أنا مختلف تماماً مع حضرتك
الخليط الفقير أقل حرارة
والصفع هو حدوث موجتي إحتراق في وقت واحد تقريباً أو متقارب جداً

والبوجيه سليم 100% بإن الله

انا قريت قبل كده ان الخليط الفقير اعلى حراره بسبب زياده كمية الاكسوجين عن الوقود. و المفارقه بقى ان الاحتراق الغني بالوقود درجة حرارته اقل لان الوقود مبيتحرقش كله و بيبرد درجة الحراره داخل السلندر.
البوجيه انا بقول مش سليم لاني مجرب موقف مشابه (بس مش بنزين ٨٠ لكن بنزين ٩٢ وحش) و ده اللي حصل معايا. عموما لو البوجيهات سليمه يبقى الحمد لله.... بس يكشف عليها و يشوف.

المشاركة الأصلية كتبت بواسطة ahmed1981

أنا مختلف تماماً مع حضرتك
الخليط الفقير أقل حرارة
والصفع هو حدوث موجتي إحتراق في وقت واحد تقريباً أو متقارب جداً

والبوجيه سليم 100% بإن الله

شوف دي يا ابو حميد

Lean mixtures produce hotter combustion gases than does a stoichiometric mixture, so much so that pistons can melt as a result. Rich mixtures produces cooler combustion gases than does a stoichiometric mixture, primarily due to the excessive amount of carbon which oxidises to form carbon monoxide, rather than carbon dioxide. The chemical reaction oxidizing carbon to form carbon monoxide releases significantly less heat than the similar reaction to form carbon dioxide. (Carbon monoxide retains significant potential chemical energy. It is itself a fuel whereas carbon dioxide is not.) Lean mixtures, when consumed in an internal combustion engine, produce less power than does the stoichiometric mixture. Similarly, rich mixtures return poorer fuel efficiency than the stoichiometric mixture. (The mixture for the best fuel efficiency is slightly different from the stoichiometric mixture.)

و آدي اللينك
Air-fuel ratio - Wikipedia, the free encyclopedia