الموضوع: أتحاد محبى الشارك(كفاية على البومة الشارك مظلومة)

المشاركة الأصلية كتبت بواسطة dr.amr

بص والله ماتحيز خالص

انا ركبت ال cvt وكرهت العربيه بسببه

صوته عالي جدا

مش بيعلي ويوطي ولكن تحط رجلك تلاقيه شغال علطول

وبالنسبه لاستهلاك البنزين ده

زميلي معاه cvt 2009 بيعمل في التانك 350 كيلو انا بوصل 400

والسحب كويس جدا علي فكره خصوصا في الاول لكن بعد كده ال cvt هيكون اسرع علشان

فرق النقلات

انا عايز اعرف من ملاك العربيه ايه فرق ال cvt يعني ايه ميزته اللي خليتهم يحطوه في العربيه ؟؟
هل له ديناميكيه معينه ولا ايه ؟؟
بصراحه مش فاهم طريقة عمله واعتقد ان المتسوبيشي هي الوحيده اللي حطيته في العربيه

فعلا يا مان الصوت عالي ده عيب بس بيتلافا مقابل باقي الميزات و السبب لان زي ما قلنا مفيش نقلات فبيبدء من 1000rbm لغايت 7000rbm مش بينزل يعني الصوت في العالي و مش بيريح في نقله عشان يهدي
عن استهلاك الوقود دا ولله ما كلامي دا كلام المواقع العالميه و اكتب في جوجل cvt و شوف التقارير الي مكتوبه عنه و هتلاقي انه موفر للوقود و بيستغل قوه المحرك لاقصي درجه يعني مفيش هدر للقوي خالس
و كمان يا مان مش فرق النقلات بس لا يعني لو الموتور بيطلع 105 حصان العادي هيستغل 90% منه لا الcvtبيستغل كل قوه الموتور الي هي 100%
علي فكره يا مان في كتير اوي معاهم فتيس cvtولا يعرفو عنه حاجه ولا يعرفو انه مفهوش نقلات اصلا
و غريبه جدا موضوع ان حضرتك مسمعتش عنه الا في متسوبيشي الان هوندا سفك الجديده cvt و في عربيات كتيره اوي موجوده فيها الفتيس ده و حتي الشارك ال2000 و ال2400cvt يعني هو مش تكنولوجا قاصره علي متسوبيشي ولا حاجه دي تكنولوجا موجوده في عربيت كتير و هي فعلا تكنولوجا ممتازه و موضوع الصوت ده بتحس بيه في لانسر لان العزل مش رائع لكن في السفك مثلا مش بتحس بيه لان العربيه عزلها ممتاز

المشاركة الأصلية كتبت بواسطة medoakef

لاسباب كتير
اولا استهلاك البنزين اقل طبعا و استخراج كل القوه من الموتور يعني استغلال المثل ليه
ثانيا سحب افضل و اقوي طبعا لانك مفيش عندك نقلات شغلك كله علي سير حديد و ده بيوفر الوقت بين النفلات يعني كل نقله الفتيس العادي انت هتطلع عنه سنه فهمني يا مان؟
و كمان في رايي ان فتيس الاستيب ترونك مش كتير بيعرف يستخدمه الاستخدام الامثل و النقل من الاوتو للمنيول فيه و انت بتجري بيدمر الفتيس و كمان ده من شركه متسوبيشي مش فولكس يعني مش هتحس بقيمه الفتيس ده الا في المركات الكبيره و اهو انت شفت لما نزل في الكورولا طلع فيه عيوب اد ايه!!!
يعني لو انت مش بتجري هو بيوفر بنزين اكتر و بيزود عمر الموتور الافتراضي
لو بتجري هو بيجري احسن من الفتيس العادي و اسهل يعني انت لو ملكشي في السواقه مجرد ترمي الds العربيه هطير مش هنقل استيب ترونك و تسقط نقلات ولا وجع دماغ

يا باشا ال cvt موت وخراب ديار في البنزين وبيجيب اجل المكنة بدري بدري لانه مديها اعلى ار بي ام طول الوقت وكمان عمره قصير ومينفعش يتصلح ولو حصلو حاجة ارميه وبعدين البومة في احسن حالاتها مبتحكش مع الشارك في الجري وانا اقسم بالله ان انا منتف واحد معاه بومة سوبر اكشن والله العظيم بقيت اشفره واستناه لغاية لما وقفني في الطريق وقاللي العربية دي مكنتها كام سي سي وكانت اياميها عربيتي مكملتش 5000 كيلو وانت تقوللي البومة اقوي ازاي؟ في فرق 4 حصان بين الاتنين وهيكل الشارك مقاومته للهوا اقل بمراحل والايروديناميك بتاعها احسن مليون مرة غير انها مش تقيلة زي ما الناس بتقول وموتورها عزمه وتسارعه رهيب وكفاية انه تكنولوجي احدث من البومة ب 6 سنين ومش هقول الا انه موتور مايفيك اللي ميتسوبيشي بيفتخروا بيه وده احدث تكنولوجي عملوه لغاية دلوقتي فياريت ياباشا يكون كلامك على الشارك لما تكون مجربها وتقبل فائق احترامي

المشاركة الأصلية كتبت بواسطة ahmed0nouh

فرق الاداء لصالح البومه مش علشان البومه احسن او اقوى ولا دى حاجه تقلل من قدرات الشارك

بس الشارك اتقل من البومه واقعيا بحوالى 200 كيلو ويمكن اكتر و ده ميعوضهوش ابدا ال 5 حصان فرق بين الاتنين , هى دى الفكره ان البومه فى التسارع احسن من الشارك

يا باشا انا بتكلم نم غير تحيز بس والله ان الشارك تسارعها اعلى من البومة وعن كذا تجربة مع كذا بومة وكل التجارب لصالح الشارك

المشاركة الأصلية كتبت بواسطة kholio

يا باشا ال cvt موت وخراب ديار في البنزين وبيجيب اجل المكنة بدري بدري لانه مديها اعلى ار بي ام طول الوقت وكمان عمره قصير ومينفعش يتصلح ولو حصلو حاجة ارميه وبعدين البومة في احسن حالاتها مبتحكش مع الشارك في الجري وانا اقسم بالله ان انا منتف واحد معاه بومة سوبر اكشن والله العظيم بقيت اشفره واستناه لغاية لما وقفني في الطريق وقاللي العربية دي مكنتها كام سي سي وكانت اياميها عربيتي مكملتش 5000 كيلو وانت تقوللي البومة اقوي ازاي؟ في فرق 4 حصان بين الاتنين وهيكل الشارك مقاومته للهوا اقل بمراحل والايروديناميك بتاعها احسن مليون مرة غير انها مش تقيلة زي ما الناس بتقول وموتورها عزمه وتسارعه رهيب وكفاية انه تكنولوجي احدث من البومة ب 6 سنين ومش هقول الا انه موتور مايفيك اللي ميتسوبيشي بيفتخروا بيه وده احدث تكنولوجي عملوه لغاية دلوقتي فياريت ياباشا يكون كلامك على الشارك لما تكون مجربها وتقبل فائق احترامي

حضرتك خد كلامي و عكسته كله و رديت بيه!!!!!!!!!
ولله انا مش هعد اتكلم تاني يا مان خش جوجل و اكتب cvt و اقرء التقارير الي هتظهر و ريح دماغك و اظن اننا مش هنفهم اكثر من الناس الي بتحط التقارير العالميه!!!!!!!
و عن الشارك و البومه انا سايب الموضوع لاحمد باشا نوح حو الي يرد منورنا ولله يا باشا

المشاركة الأصلية كتبت بواسطة Ahmed0Nouh

فرق الاداء لصالح البومه مش علشان البومه احسن او اقوى ولا دى حاجه تقلل من قدرات الشارك

بس الشارك اتقل من البومه واقعيا بحوالى 200 كيلو ويمكن اكتر و ده ميعوضهوش ابدا ال 5 حصان فرق بين الاتنين , هى دى الفكره ان البومه فى التسارع احسن من الشارك

تماموز يا مان

المشاركة الأصلية كتبت بواسطة kholio

يا باشا انا بتكلم نم غير تحيز بس والله ان الشارك تسارعها اعلى من البومة وعن كذا تجربة مع كذا بومة وكل التجارب لصالح الشارك

يا مان لو انت من المنصوره انا تحت امرك و الطريق هو الحكم

المشاركة الأصلية كتبت بواسطة Ahmed0Nouh

يا باشا صادق ومش محتاجه تحلف , انا شخصيا مشوفتش بومه وشارك بيشدو مع بعض بس دايما كل الناس بتقول ان البومه اسرع

ودى حاجه عاديه جدا لو فعلا صحيحه لأن الشارك اتقل من البومه , ده مش عيب فيها لا بالعكس هى اتقل علشان مستوى الامان فيها اعلى من البومه دى بتحصل فى اى جيل جديد من اى عربيه طبيعى تكون اتقل من اللى قبلها وطبعا علشان فرق القوى قليل فالتسارع نتيجته بتكون متقاربه كدا

انا شخصيا شايف الشارك لا تقارن مع البومه الا من باب نقول الشركه حسنت ايه ونسيت ايه وايه كان فى البومه احلى

قد تكون البومه اسرع لكن تقنيه وراحه وامان وشكل الشارك تكسب ولولا سياسه الوكيل والاسعار الفلكيه اللى الشارك بتتباع بيها هى والبومه كانت الشارك انتشرت وسحبت البساط من بدرى فى السوق من تحت السيراتو وحققت مبيعات خرافيه

اللى خلانا دلوقتى نعمل راس البومه بالشارك بس سعرها , لكن فعليا هى لا ترتقى للمنافسه معاها , فى ناس ممكن تفتكرنى متحامل على البومه

بس انا فعلا بتغاظ جدا من عربيه موديل 2003 ولحد النهارده بتتباع اغلى من عربيه تانيه ( السيراتو والفلوانس مثلا ) البومه جنبها فى تقييم حيادى متسواش بصله

يا مان و انت مدايق ليه بس ما انت معاك بومه عبال ما تبقا ب200 الف و نبيع بتعنا ب150

معلهش أنا حبيت بس أرد رد صغير بالنسبة للفتيس ال cvt هو ليه ميتسوبيشى نزلت الفتيس التيبترونيك فى البومة 2010 لو ال cvt مافيهوش عيوب
الحاجة التانية اللى حبيت أوضحها إن ميتسوبيشى مالهاش توكيل فى مصر و إنما ليها موزعين فقط و هم:
- مصرية لسيارات الركاب الصالون زى اللانسر و الباجيرو
- جاك لسيارات البيك أب
- غبور للأوتوبيسات
و اللى مش مصدق يدخل على الموقع بتاع ميتسوبيشى

المشاركة الأصلية كتبت بواسطة walidhassan

معلهش أنا حبيت بس أرد رد صغير بالنسبة للفتيس ال cvt هو ليه ميتسوبيشى نزلت الفتيس التيبترونيك فى البومة 2010 لو ال cvt مافيهوش عيوب

عادي يا مان ممكن تقول تغيير عشان رفع الاسعار زي الجنط و عشان يجارو كل العربيات الي في نفس الفئه ما عاد هي يعني القرنه هتنزل cvt بردو!!!!!!!
و في ناس مش فهمه الcvtو بيعتبروه عيب عشان الصوت