حاجه حتجننك ومش ليها تفسير ادخل وشوف

**mazgangy** · 12-01-2008 12:37 AM

العربيه الكليو وانا بعملها صيانه شامله فى التوكيل فك العفشه وكل اللى عايز يتغير فيها غيروا وللعلم اتكلفت 1350 جنيه مع انى والله كنت ماشى بالعربيه والمطبات كانت زى الفل احسن من الانوس زيرو استغربت طبعا من الحاجات اللى طالعهالى دى كلها وانا مش كنت حاسس باى حاجه كنت حاسس تمام ومريحه جدا
المهم عمل الحاجات دى واحساس بقى انى دفعت 1350 والعربيه زى الفل علشان اخلى العربيه زى الزفت العربيه بقيت صوت دبدبه كتير فى المطبات واحس باقل حاجه داخل العربيه ناس قالت اظبط الضغط بتاع الكوتش برضوا مفيش فايده يعنى هما خدوا منى فلوس علشان العربيه تبقى زفت كده والاول قبل ما اروح وادفع كانت زى الفل والله تمام التمام ايه بقى تفسيركوا فى ده

**zeyad1810** · 12-01-2008 04:43 PM

اللة يكون فى عونك انا طول عمرى بحس ان التوكيلات حرامية

**MMamdouh** · 13-01-2008 04:53 PM

Dealership = stealership

MMamdouh

**limo** · 15-01-2008 03:19 PM

على فكره الميكانييون العرب بقوا زى الزف فى الصيانه
كمان بيمشوا على جدول صيانه مختلف عن الى فى التوكيل -
انا رأى انك لو فى حاجه فى العربيه تروح التوكيل الرئيسى فى المقطم او العبور
وكده كده نفس الفلوس هتدفع
انا حصلى موقف فى الميكانبون العرب عرفت من ساعتها انهم حراميه وعايزين يغيروا اى حاجه وخلاص
كمان مش لازم كل الى بقولك عليه تغيره -اعرف ايه وروح للميكانيى بتاعك وخذ رايه برضو قبل ما تعمل اى حاجه

**SAMER_ENGINES** · 06-12-2008 09:22 PM

الله يعوض عليك و كلنا بنتقرص قرصات من النوع ده قرصة كبيرة بقي او صغيرة علي حسب عندك انا رحت غيرت مياه الرادياتير و بعيد عنك الموتور اتقلب حاله يقطع و يبطل و يتهبب و فين لما اتظبط و اللي يغيظك انك رايح تصون يعني تعمل حاجة ممكن تكون مش مهمة اوي او مش مضايقاك بس عشان تحافظ علي العربية و تبص تلاقي العربية اتبهدلت و انت صرفت فلوس و الاول كانت احسن معلش يا صاحبي كلنا في الهوا سوا مش بيفكركم الموضوع ده بالأبجريد في الكمبيوتر ساعات ندور علي برنامج معين او ابديت و بعد ما نلاقيه بصعوبة يقلب كيان الجهاز و نتمني نرجع الجهاز للحالة الاولانية.
يلا معلش كلنا في الهوا سوا زي ما قلت لك