دا الشلل الرعاش شوية لما الواحد يعرف حاجة زى دى .. مصيبة .. و الله بجد انا باتغاظ لما الاقى حد دافع مبلغ كبير فى عربية ما تستاهلش و لما تسأله هى انت مش شايفها غالية او مثلا كان ممكن تجيب كذا بالمبلغ ده تلاقىه بيقولك على مواصفات او حاجات شكلية عجبته فيها مالهاش دعوة باختيار سيارة .. تحس انه بيتكلم على بدلة مثلا او تى شيرت .. و ده لان معظمنا بياخد بكلام البياعين اللى فى الصالات .. اللى معظمهم لو اتكلمت معاه تلاقيهم حافظين كلمتين بيبيعوا بيهم ,, ولو اتناقشت معاهم يبدأوا يتهربوا و يكدبوا يعنى مثلا كنت مع ابن خالى بيتفرج على عربيه كورى من اللى حصل حواليها جدال كبير ,, و اللى فى الصالة اخر مازهق من الجدال كان بيحاول يقنعنا ان الناس اللى بتشوفها بتعجب بيها اكتر من الجيتا اللى موجودة برضه فى المعرض .. و انها نازل منها 14 كاتيجورى .. و لما زنقته ابتدا شغل محلات الموبيليا .. ( ممكن تقعد جواها .. شايف الكرسى قعدته مريحة ازاى .. دا كذا حركة ..) و كلام فارغ كتير .. و دا اعتبره غباء من البياع لانه كان ممكن يقنعنا بحاجة تانية من اللى موجودين عنده بدل شغل الارجوزات و الباعة المتجوليين اللى هو عامله ..
المفضلات