مؤامره على السيارات اليابانيه

**mohameduoser** · 10-05-2010 02:20 PM

توييوتا اعترفت بالعيوب مش موامرة ولا حاجة هما السلامة عندهم مهمة اوى فى امريكا و المشاكل فعلا موجودة

**Ralliart** · 11-05-2010 02:56 AM

العيوب كانت معروفه وكانو ساكتين عنها طالما gm شغاله وبتبيع ،لكن لما وقعت حاولو يقللو المنافسه شوية بس بدون تلفيق لانها عيوب حقيقيه فعلاً ولو كانو بيلفقو كانو لفقو تهم للكوري اللي غرق امريكا لكن ملقوش غير حاجات عبيطه زي قفل الباب بيعلق وكده
هي الصدمه كانت من تويوتا لان محدش كان متوقع كده والحكومه الامريكيه لما صدقت
بس بعيد عن كل ده انا عاجبني جداً تصرف تويوتا مع الازمه ومحملوش حد مسؤوليه واتحملو المسؤوليه كاملة ومقالوش مؤامره ولا مش مؤامره زي ما احنا العرب بنعمل دايماً وندور على شماعه نعلق عليها الاخطاء
وتعاملو مع المشكله بحرفيه شديده وتعهدو بإعادة الثقه واظن انهم هيرجعو تاني وهيعدو من الازمه بسلام بسبب تصرفهم الرائع

**Ahmed Galal** · 11-05-2010 07:32 PM

هوا الموضوع اللى حصل ده اكدلى حاجة ان كل شركات السيارات عمالة تشف و تنقل من بعض بدليل هوجة الاعطال اللى طلعت مرة واحدة عند الكل اما نظرية المؤامرة ديه واسعة شوية و ربنا يرحم الصحافة المصرية من الصحفى المشلول (حامد حماصة)

**hero_hamada** · 12-05-2010 12:31 PM

يا جماعة فعلا الشركة اعترفت بأخطائها
مش موضوع مؤامرة ولا حاجة

**sha2e** · 14-05-2010 09:23 PM

المشاركة الأصلية كتبت بواسطة ralliart

العيوب كانت معروفه وكانو ساكتين عنها طالما gm شغاله وبتبيع ،لكن لما وقعت حاولو يقللو المنافسه شوية بس بدون تلفيق لانها عيوب حقيقيه فعلاً ولو كانو بيلفقو كانو لفقو تهم للكوري اللي غرق امريكا لكن ملقوش غير حاجات عبيطه زي قفل الباب بيعلق وكده
هي الصدمه كانت من تويوتا لان محدش كان متوقع كده والحكومه الامريكيه لما صدقت
بس بعيد عن كل ده انا عاجبني جداً تصرف تويوتا مع الازمه ومحملوش حد مسؤوليه واتحملو المسؤوليه كاملة ومقالوش مؤامره ولا مش مؤامره زي ما احنا العرب بنعمل دايماً وندور على شماعه نعلق عليها الاخطاء
وتعاملو مع المشكله بحرفيه شديده وتعهدو بإعادة الثقه واظن انهم هيرجعو تاني وهيعدو من الازمه بسلام بسبب تصرفهم الرائع

انا متفق مع الرأي ده
اعتقد ان الكوري أجلوه للمره الجايا اولا لانه مفهوش تكنولوجيا معقده زي اليابانى وثانيا علشان ميبقاش الموضوع باين اوي
انا شايف ان كان فيه تقصير فعلا من شركة تويوتا لكن مكنش يستاهل كل اللى حصل ده
الل عاجبني اكتر فى تويوتا انها عدلت فى سياستها التسويقيه وقللت هامش الربح وبالتالى زادت المبيعات بتاعتها فى عز الازمه
وده اللى خلاها تطلع من الازمه بهامش ربح مش بخساره زي ما العالم كله كان متصور
فى رأي قمة الذكاء انك تحول الموقف من خسارة مؤكده الى مكسب
وده الل عملته تويوتا

**Ramy.Gamal** · 16-05-2010 01:32 AM

طيب يا جماعه اشمعنى العيوب ده ظهرت فى امريكا و اوروبا ولم تظهر فى الشرق الاوسط و امريكا الجنوبيه ولا علشان الشرق الاوسط و امريكا الجنوبيه مش بيصنعوا عربيات منافسه للسيارات اليابانى و بعدين العيوب اللى ظهرت ده كانت فى مصانع تويوتا فى امريكا و كندا مش مصانع اليابان و استراليا و جنوب افريقيا و هل نظم مراقبه الجوده مختلفه بين المصانع ولا الموضوع متعلق بالازمه العالميه

**kholio** · 18-07-2010 05:22 PM

المشاركة الأصلية كتبت بواسطة ramylancer

طيب يا جماعه اشمعنى العيوب ده ظهرت فى امريكا و اوروبا ولم تظهر فى الشرق الاوسط و امريكا الجنوبيه ولا علشان الشرق الاوسط و امريكا الجنوبيه مش بيصنعوا عربيات منافسه للسيارات اليابانى و بعدين العيوب اللى ظهرت ده كانت فى مصانع تويوتا فى امريكا و كندا مش مصانع اليابان و استراليا و جنوب افريقيا و هل نظم مراقبه الجوده مختلفه بين المصانع ولا الموضوع متعلق بالازمه العالميه

للاسف الكورولا فيها عيوب واكبر دليل تويوتا الجنوب افريقي وعيوب الفتيس والطنابير هي صحيح مش عيوب قاتلة لاكن هي في النهاية عيوب موجودة

**ahmedbibo** · 27-07-2010 12:42 AM

المشاركة الأصلية كتبت بواسطة kholio

للاسف الكورولا فيها عيوب واكبر دليل تويوتا الجنوب افريقي وعيوب الفتيس والطنابير هي صحيح مش عيوب قاتلة لاكن هي في النهاية عيوب موجودة

يا باشا فتيس ايه المصريين هما الى مش عارفين اى حاجه فى التكنولوجيا ومش عارفين يتعاملوا معاه
جرب حضرتك بعربيتك شد مع كورولا mmt شوف هتعمل ايه
الى بيستعمله صح بيبقه شغال معاه صح
بس المصريين مينفعش معاهم التكنولوجيا ابدا

**walyas1** · 27-07-2010 05:10 PM

تويوتا تفوقت فى الانتاج على جى ام لاو مرة شركة خارج الولايات المتحدة تصبح اكبر منتج للسيارات فى العالم فكان لابد من وقف الزحف نفس اللعبة تمت مع اير باص الاوروبية كانت فى طريقها لتخطى بوينج فجاءت عقوبات منظمة التجارة على ايرباص بحجة تلقيها دعم مادى من دول الاتحاد الاوروبى دة لعبة امريكية مع اى منافس قوى

**pharonicking** · 27-07-2010 06:10 PM

انا مش مع نظرية المؤامرة نقدر نسميها استغلال للظروف من جانب امريكا
ومع موقف شركة تويوتا الاعتراف بالحق فضيلة ودة موقف الشركات المحترمة العملاقة اللى بتحترم العالم
وحتفضل شركة تويوتا الاولى فى العالم عشان المصداقية بتاعتهم "