انا قصدى تسرع بعد الفترة دة بمعنى اى حاجة بقى لاقيتها حتى لو نص نص تقوم شاريها ومدام انت شوفت واستريحت للموضوع توكل على الله ودى معلومات يارب تفيدك
بالنسبة للعملية القانونية للبيع و الشراء
1- تاخد منة رخصة السيارة تاريخها سارى -غير منتهية
2- شهادة مخالفات حديثة لم يمر عليها اكثر من اسبوع او اثنين لانها من محافظة لاخرى
3-التاكد من ان صاحب الرخصة هو نفسة المالك او معة عقد بيع او معة توكيل مكتوب فية له الحق فى توكيل او البيع للغير .
4- يعملك توكيل او عقد بيع للسيارة و عقد البيع افضل و هكلف تقريبا 620 جنيه و عقد البيع يديك كل الصلاحيات . اما التوكيل يكلف 25 جنيه. انت و امكانياتك و يكتب فى التوكيل انك ليك حق البيع لنفسة او للغير و توكيل الغير و التعامل مع المرور علشان تعرف تطلع شهادة مخالفات تانية لو اللى معاك انتهت.
5-بالنسبة للنظام المالى بينكم و بين بعض ف دة بالاتفاق تكتب شيك على نفسك او ايصال امانة انت و ظروفك و اتفاقك معاة انما ماتدفعش كل الفلوس دى بدون توكيل او عقد بيع مفيش حد ضامن حد الايام دى بلاش كدة الناس كلها كويسين ز محدش ضامن الحياة من الموت و ربنا يديلة و يديك طولة العمر. بس الاحتياط واجب
.................................................. ......
للكشف على الابيزا :
ممكن تروح لمحمد سمير يكشفلك عليها و هو امين جدا و هيطلعلك Report كامل بكل حاجة فيها.
أخر النزهة الجديدة فى جسر السويس ورا حديقة بدر.
تليفون: 0122354589
المفضلات