معروض عليا ابيزا 94

**dragon_devil** · 31-03-2010 03:09 PM

المشاركة الأصلية كتبت بواسطة disload

بسم الله الرحمن الرحيم
في عربية انا شفتها النهاردة في كونتاكت ...
تكيف باور سنتر لوك انذار بريموت 4 زجاج كهرباء صالون فابريكة كاست سي دي +جي ام جنوط سبور

مطلوب فيها 32 الف ... يا ترى ايه رأيكم

ماهوة الكلام مفيش اسهل منة ياحبى اتصل بصاحبها وحدد معاد وشف الحاجة على الطبية زى ما انا حعمل شوف العربية فبريكة برة وجوة ولا لاء فى بارومة ماشية فيها وشوف حتكشف على العربية فين عشان تبقى جاهز لكل حاجة وربنا يكرمك ان شاء الله وبالنسبة للسعر على حسب الحالة بس ممكن تخلص معاة على 30 حلو علية لائنة طالب 32 ومفيش حد بيبع بالسعر الى مكتوب دة كان فى واحدة عندها عربية كانت طالبة 32 وصلت معاها لحد 28 والعربية كانت عاوز شوية شغل فى العفشة ب 2000 جنية بكتيروا بس انا مستريحتش للموضوع وصرفت نظر عنها

**dragon_devil** · 31-03-2010 03:27 PM

المشاركة الأصلية كتبت بواسطة ehab_mansour

1- بعد الكشف والاتفاق وكله تمام واقتنعت بالعربية تاخد صاحبها معاك وتروح تنقل ملكية في الشهر العقاري وهو معاك عشان يمضي كبائع
2- تاخده وتروح تطلع شهادة براءة ذمة مالية من المرور التابعه له العربية ( عشان تكون مخالفاتها = صفر )
3- بعد كده تاخد العربية والورق كله القديم والجديد وتروح انت علي المرور اللي انت تابع له وتقلهم عايز افحص وارخص هناك هيقولوك منين تجيب الورق داخل المرور وتفحص أولا وبعد كده ترخص وكل اللي هيحصل في المرور هناك هيقولوك عليه فين وتيجبه منين .

ده لو الرخصة ساريه ولو مش ساريه صاحبها القديم قبل البيع هيطلع شهادتين بيانات عشان واحدة هياخدها الشهر العقاري عشان تسجل وتنقل ملكية والتانية هتاخدها وتروح تفحص وترخص بيها
وبالتوفيق

الف شكر لحضرتك جدا جدا على التوضيح المفيد جدا والقيم جدا وجعلة الله فى ميزان حسناتك وان شاء الله لما اروح اتفرج على العربية والاقى كلة تمام قولك انا عملت اية ان شاء الله وجزاك الله كل خير

**alpatshinoo** · 19-06-2010 05:14 AM

عندي بس سؤال ...ازاي نقل الملكية بيتكلف 510 جنية ؟انا كان معايا الاول عربية 28 لما نقلت الملكية دفعت 60جنية مع العلم انها كانت موديل 89 يعني ال 510 بيدفعو في الشهر العقاري ولا فين ؟ولية الرقم كبير كدة؟

**ehab_mansour** · 19-06-2010 11:19 AM

المشاركة الأصلية كتبت بواسطة alpatshinoo

عندي بس سؤال ...ازاي نقل الملكية بيتكلف 510 جنية ؟انا كان معايا الاول عربية 28 لما نقلت الملكية دفعت 60جنية مع العلم انها كانت موديل 89 يعني ال 510 بيدفعو في الشهر العقاري ولا فين ؟ولية الرقم كبير كدة؟

مصاريف نقل المكلية دي بتحدد علي حسب نوع العربية وموديلها و استيراد ولا تجميع محلي ودايما الاستيراد بتكون اعلي والرقم ده اللي بيحدده من خلال دفاتر موجودة في الشهر العقاري وكل ما بيعدي سنة علي الموديل بيقل قيمته
بمعني انا عربيتي سجلتها مرة في شهر 8 سنة 2008 ووقتها دفعت 608 جنيها نقل ملكية في الشهر العقاري وسجلتها مرة اخري في فبراير 2010 ودفعت 510 جنيها
وعربيتي ابيزا موديل 1998