الموضوع: شوفتوا جولة وزير التعليم امبارح ..... لوووووووووووووز

المشاركة الأصلية كتبت بواسطة josephedward

لأ لأ لأ لأ..... مش في السويس..... في سيناء ....
كله الا السويس

يا عزيزي كلنا في الهم شرق
وحياتك عندي لو لفيت شوية هتلاقي اسوا من كدة كمان

المشاركة الأصلية كتبت بواسطة جمال

انتى بتقولى فيها
ممكن جدا يعملها المرة الجاية

والله ممكن
الواحد يقوم يقص ضوافره دلوقت يمكن وزير التعليم العالي يتعدي من وزير التعليم الواطي ما هم الاتنين ............ ولا بلاش علشان الايقاف

المشاركة الأصلية كتبت بواسطة w-m-a

هذا الشبل من ذلك ال...........

من ذلك ال........... ايه
حدد تقصد من مين بالظبط ؟؟؟؟؟؟؟

المشاركة الأصلية كتبت بواسطة khaled_al_nowaihy

يا جماعة حرام يبقى الراجل عارف ان الميزانية المخصصة للمدرسة تقريباً شبه معدومة وييجى يقول دى زبالة مش مدرسة
والله حرام ...

يا باشا هو استعراض وخلاص
كان يقدر يعمل الحركة دي مع اعي مدرسة من المدارس اياها بتاعة ولاد الناس الكبار ؟
اذا كانت الجامعات مفيهاش ميزانيات وحمامات الطلبة في الجامعات يمكن اسوا من الحمامات اللى جابوها في الزيارة

المشاركة الأصلية كتبت بواسطة human12

هو عارف ان الموضوع ده فى كل حته و عارف انه كله غير ملتزم بس لازم يكون فيه حد ياخد الضربه الاولى (مش الجويه)

لحقت نفسك بالتوضيح اللى عملته بين قوسين


و على فكره هوه قال للصحفيين الصبح ييجوا هو قال انهم بلغوهم يحضروا و بيقول ان حتى السواق ماكانش عارف هيروح فين و المقصود كان الصحفيين يشوفوا الحاله دلوقتى عشان بعد كده يجيبهم يوريهم التطور هيحصل ازاى
طبعا اسلوب اطفالى شويه بس ادينا بنتفرج

تفتكر فتش على الصحفيين قبل ما يركبوا ولا سابهم من غير تفتيش ؟

المشاركة الأصلية كتبت بواسطة ba7ary

وحاجة واقفة في زوري
وهي بتاعة إعراب (جاء الوزير اليوم إلى المدرسة)
مش عاوز أحلف إن هو نفسه ميعرفش إعرابها إيه وإن لو كان أي عيل قام قاله (جاء: فعل مضارع محذوف مبني على حذف حرف العلة وتقديره أتى)
كانت الحياة حتبقى جميلة وكان الواد ده ممكن يضموه للحزب الوطني أساسا

مع احترامي لسيادتك اعرابك غلط والاعراب الصحيح هو:
جاء فعل ماضي مجرور بالكسرة غير الظزاهرة لانها اتكسفت من الوزير
الوزير فاعل سوء بكل العاملين بالتربية والتعليم و ده لا يمكن يبقي مكسور ولا منصوب ولا مرفوع علشان كدة معفي من العلامات
اليوم الخميس
الي حرف جر
المدرسة مفعول به هي واللى فيها من الوزير

المشاركة الأصلية كتبت بواسطة nabaster

نصيحه اخويه

بطل تتذاكي وشيل اللينك الي بتحطه في كل مشاركاتك احسن ما تتحذف عضويتك بالكامل

ومظنش انك مش واخد بالك لان كده مشاركاتك الي فيها اللينك ده عدت الـ 50 مشاركه

وحاولت اكلمك بيني وبينك بس يظهر منفعش

a.yakout

يا صاحي انت يا ياقوت يا حامي حمي المنتدي
اعمله فيها وزير تعليم وانقله للمنتدي التانى