الموضوع: مشكلة وش السلندر .. وشغل التوكيلات ..

ده انا بقيت خبير في وش السلندر لعربيتي وعربيت ولادي ..يا اخوان لازم متابعة عداد الحراره لان لو فيوز المروحه ضرب وانت ملاحظتش يبقي هتجيب وش سلندر ولو غطي القربه بايظ برضه هتجيب وش سلندرولازم تعرفوا ان لو نظام المياه دائره مغلقه والمياه نقصت يبقي لا يكفي تكمل ميه لان النظام اخذ هوا ولازم تطلع الهوا اثناء الملو .

المشاركة الأصلية كتبت بواسطة alsindrella

انا مره العربيه و انا سيقاها و الكبوت مقفول و عادى
لقيت دخان فظيع طالع من جناب الكبوت
زى متكون العربيه بتولع و الناس اتلمت ووووووووو
انا طبعا مكنتش ببص على الحراره خالص و اللى مطمنى انى بستخدم المايه الخضرا و دى مش بتنقص الا بعد فتره
و رغم كده مجبتش وش سلندر
و اتكرر ان الحراره تعلى لكن كنت اتعلمت و اول ما الاقى المؤشر عالى كنت ألحقها الاقى المروحه معلقه و لا معرفش ايه

ههههههههه .. انا حصل معايا الحوار ده ... بس العربيه كانت نيفا و كنت ماشي علي الخامس و فاتح في الجري (كنت باشد ساعتها مع اوتوبيس سياحي :D ) .. و بعد ما لاقيت صواريخ بخاريه طالعه من تحت الكبوت .. استنيت 10 دقايق وزودت مياه و مشيت عادي ,, و اهه ماشيه لحد النهارده ...
بص يا سيدي .. عامه .. وش السلندر بي"قفع" او "يتشرخ" نتيجه انك تمشي بالعربيه كتير و هيا مولعه .. لو حظك كويس هاتضرب جوان الاول .. لو حظك ما اسعفكش يبقي وش السلندر باي باي .. و لو البلوك الومونيوم و كشيت كتير عليه .. (ساعتها اقولك غير مكنه علي طول ...)