اي حد عندة استفسار في ستروين انا في الخدمة

**nadeem2009** · 14-05-2010 09:21 PM

بعد إذنك يا رامي باشا ...عندي إستفسار ... أنا معايا عربية سي 4 موديل 2005 وقبل ما أشتريها عملتلها تقرير حالة عند عز العرب الصحراوي ولما إتطمنت على حالتها إشتريتها .. وواحدة واحدة صلحت الأعطال إللي كانت ظاهرة في التقرير .. بس باقي عطلين مش فاهمهم وهو مكتوب كده بالظبط :
1- T / fast speed cooling four control
2- T / misfire on undetermined cylender
T / misfire on cylender no 1 , no 2 , no 4
T / throttle position
وعلى فكرة العربية حالياً مش بتديني أي أعطال و حالتها ممتازة جداً .. وكمان أنا من شهرين تقريباً غيرت علبة الفيوزات الخارجية عندكم في أمير و جوزيف .. ومعنديش أي شكوي من العربية .. بس أنا عاوز أطمئن علي الأعطال دي .. بعد إذنك يا باش مهمندس أنا عاوز أفهم يعني إيه الأعطال دي ... وهل هي راحت كده لما غيرت علبة الفيوزات واللا لو إتحطت على الجهاز هاتظهر تاني .. وإزاي أصلحها .. أنا آسف يا رامي بيك أنا وجعت دماغك بس أرجوك طمني ... وشكراً

**Romeo26222** · 15-05-2010 08:33 AM

1- fast cooling fan speed دة اسمة خطأ وهمي يعني بيكون موجود في كل عربيات 2005 و 2006 لكنة غير موجود فعليا في العربية فما تقلقش
باقي الاخطاء كلها تسجيل missfire بسبب رداءة البنزين وبرضة دا شيء طبيعي خصوصا لو كنت يتستخدم بنزين 92

**Romeo26222** · 15-05-2010 08:35 AM

المشاركة الأصلية كتبت بواسطة kokolata

وعندى مشكلتين تانين
اول مشكله ان عداد السرعة ساعات بيعلق يعنى مرة واحدة وانا ماشى بلاقى المؤشر نزل للصفر.
ثانى مشكله التكييف ساعات وهوا شغال بلاقيه فصل والهواء اللى طالع بقى سخن وفى ريحة زى كمكمه وساعات لما بزود بنزين بحس بهواء ساقع ولو جربت اثناء حدوث المشكله اركن وابطل العربيه من غير مافصل التكييف بسمع صوت زى تزييق ماكنه من ناحية الموتور.

موضوع مؤشر السرعة هتكون مشكلة سنسور السرعة او العداد ومش هاقدر اعرف غير لما نجرب العربية وتتحط علي الجهاز..
موضوع التكييف لازم يتكشف علي شحنة الفريون وقلتر التكييف وسماع صوت التزييق علشان نقدر نحكم عليه..

**kokolata** · 15-05-2010 10:31 AM

جزاك الله خيرا يابشمهندس

**nadeem2009** · 15-05-2010 12:24 PM

المشاركة الأصلية كتبت بواسطة Romeo26222

1- fast cooling fan speed دة اسمة خطأ وهمي يعني بيكون موجود في كل عربيات 2005 و 2006 لكنة غير موجود فعليا في العربية فما تقلقش
باقي الاخطاء كلها تسجيل missfire بسبب رداءة البنزين وبرضة دا شيء طبيعي خصوصا لو كنت يتستخدم بنزين 92

متشكرين يا رامي باشا عال رد السريع .. وعلى فكرة أنا يسعدني جداً إني أقابلك لما آجي عندكم في أمير وجوزيف قريب علشان أعمل software update للعربية .. وميرسي جداً يا باشا ..

**baz1** · 18-05-2010 03:01 AM

انا عندي مشكلة في ال c4 manual العربية بتقطع غيرت كل حاجة الفيوزات والكمبيوتر والبدال و فاري غلط في البدال بمعني اني جبت كام واحد ونفس المشكلة برضو انا محتاج المساعدة ضروري جدا

**mr_sameh** · 18-05-2010 08:06 PM

مجهود مشكور جدا مهندس رامي

**elghrory** · 19-05-2010 01:48 PM

فيه واحد صحبى معاه إكسارا 1 راح توكيل عز العرب أبلغوة صيانة 60000 بـ 2700 جنية
وإن عند قاعدة المحرك السفلية محتاجة تتغير بـ 400 مع إننا سألنا على القاعدة برة التوكيل وجدناها بـ 40 جنية
هل الأسعار مش مبالغ فيها فى التوكيل؟؟؟

**mazenbom** · 21-05-2010 11:13 AM

باشمهدس رامي ... انا بشتري c4 2006 و حضرتك قولتلي لازم اكشف عليها ... انا عايز حضرتك اللي تساعدني في الموضوع دا .... عايز اجي لحضرتك يوم السبت ... ممكن بس حضرتك تقوللي اجي لحضرتك فين ؟؟؟ و يا ريت العنوان لاني مش من القاهرة ... معلش هتعب حضرتك معايا

هيا ماشية 69000 كم بس حالتها ممتازة بس انا لاحظت فيها حاجة غريبة شوية .... لقيت تيل الفرامل بيصفر مع ان كل صيانتها بالتوكيل

جزاكم الله خيرا علي مجهودك الرائع