mezomh2006
تم الرد عليك علي الخاص
عرض للطباعة
mezomh2006
تم الرد عليك علي الخاص
مساء الخير يا م/رامى ...كنت عاوز أسأل لما يكون التكيف ضعيف فى العربية Citroen C4 بيكون السبب من أية ؟؟؟
مساء الخير
لو سمحت أنا إن شاء الله هشترى سيارة c4 2005 من أحد الأعضاء الأفاضل
وكنت أود أن أعرف سعر الكشف على السيارة فى التوكيل وفى أمير وجوزيف
وإن تم اختيار الكشف فى أمير وجوزيف هل يمكنني الحضور يوم الجمعة؟
بالنسبة للسيارة
المشاكل التي لاحظتها وأود الاستفسار عنها هي:
1- عند تدوير السيارة (بعد الركنة لفترة) وعند الضغط على دواسة البنزين يصدر صوت شبه التقطيعة البسيطة الناتجة عن عيب في البوجيهات رغم أن صاحب السيارة قد قام بتغيير البوجيهات منذ فترة قريبة.
2- عند ضغط دواسة البنزين ورفع قدمك من عليها تحدث رجة فى الموتور ويقول صاحب السيارة أنها بسبب قاعدة الموتور وأنه قام بتغييرها ولكن المشكلة لم تحل.
3- الريموت الخاص بمفتاح السيارة بجميع إمكانياته لا يعمل.
السيارة موديل 2005 أوتوماتيك قطعت 80 ألف كيلومتر
السلام عليكم ورحمة اللة وبركاته
معايا سيتروين ax 1400 موديل 1994 عندى صوت فى العفشة وكنت عاوز اعرف حد كويس يشتغل فيها
بشوف ان قطع الغيار بالنسبة 1400 قليلة فى الأستيراد 1100 متوفرة وكتيرة هل 1400 شغل مصرى فقط
مساء الخير يا شباب
انا زميلكم فى المنتدى و عندى عربية اوبل بس النهاردة مشاركتى عندكم فى قسم ستروين لأنى نويت ابيع عربيتى الاوبل و ان شاء الله ناوى اشترى اكسارا 2 موديل 2004 اوتوماتيك
انا طبعا عاوز اعرف كل حاجة عن اكسارا 2 موديل 2004 اوتوماتيك
ياريت الاخوة الافاضل مالكى اكسارا 2 اوتوماتيك 2004 او من يعرف عنها اى معلومات عنها يتفضل بالاشارة اليها
فى بعض الاسئلة بخصوص
- العربية بتظل ثابتة حتى سرعة كام تقريبا ؟
- تكييف العربية لو مظبوط حالته ايه و بيأثر على عزم الموتور بنسبة اد ايه تقريبا ؟
- معدل استهلاك البنزين داخل المدينة و على الطرق السريعة
- هل الاكسارا 2 موديل 2004 فيها فتحة سقف ولا لأ ؟؟
- الاربعة زجاج كهرباء ولا الاتنين اللى قدام بس ؟؟
- الدركسيون مالتى فنكشن للكاسيت بس ولا بيتحكم فى حاجة تانى غير الكاسيت و هل لو غيرنا الكاسيت بيتلغى المالتى فنكشن ولا لأ ؟؟؟؟
- سمعت ان كرسى السائق كهرباء هل المعلومة دى صحيحة ولا لأ ؟؟
- ايه اغلى حاجة فى صيانة العربية الحساسات ام العفشة ام الميكانيكا ....
انا مهتم جدا بهذا الموديل و دى الاسئلة اللى فى بالى حاليا. استاذن حضراتكم ياريت لو فى اى تفاصيل تانية عن العربية ياريت يتم ذكرها جزاكم الله خيرا
اخيرا يسعدنى جدا الانضمام لقسم ستروين و فى انتظار ردودكم و شكرا جزيلا
- العربية بتظل ثابتة حتى سرعة كام تقريبا ؟ 160
- تكييف العربية لو مظبوط حالته ايه و بيأثر على عزم الموتور بنسبة اد ايه تقريبا ؟ التكييف جيد وتأثيرة غير ملحوظ علي اداء المحرك
- معدل استهلاك البنزين داخل المدينة و على الطرق السريعة؟ من 200 الي 240 كيلو في العشرين لتر
- هل الاكسارا 2 موديل 2004 فيها فتحة سقف ولا لأ ؟؟ لا
- الاربعة زجاج كهرباء ولا الاتنين اللى قدام بس ؟؟ الاربعة
- الدركسيون مالتى فنكشن للكاسيت بس ولا بيتحكم فى حاجة تانى غير الكاسيت و هل لو غيرنا الكاسيت بيتلغى المالتى فنكشن ولا لأ ؟؟؟؟ للكاسيت فقط ولو غيرت الكاسيت لن تعمل هذة الازرار
- سمعت ان كرسى السائق كهرباء هل المعلومة دى صحيحة ولا لأ ؟؟ غير صحيحة
- ايه اغلى حاجة فى صيانة العربية الحساسات ام العفشة ام الميكانيكا؟؟ الحساسات معمرة ومش بتبوظ لو الصيانات في مواعيدها والعفشة كذلك والصيانات الدورية اغلي من العربيات الكوري والياباني طبعا لكن في نطاق معقول خصوصا وان الزيت والفلتر بتاعها بيتغير كل 15000 كم يعني بتوفر اكتر من العربيات التانية