كله بيسأل عن إستهلاك البنزين وأنا( كنت) معاهم

**karimmelegy** · 03-04-2010 11:37 AM

أغلب الناس فى المنتدى بتدور على إستهلاك البنزين وإزاى تقلل الإستهلاك وبصراحة أنا واحد من الناس دى وكل ماألاقى موضوع بيتكلم عن الإستهلاك أدخل علية وأدور عن السبب وطيران أروح أنفذ على العربية ....

بس من يوميين وصلت لحاجة كانت تايهه عنى ... وبفضل المهندس / محمد ممدوح وصلت بل تيقنت بأن العربية إستهلاكها صح

أنا معايا دايو نوبيرا 2 كورى وأنتوا عارفين إن فيه بعض الإختلافات بين المصرى والكورى
كانت السيارة بتعمل معايا على الفل تانك 240 ( وهنا المشكلة 240 إيه .....!! ) يعنى المفروض إن الواحد لازم يكون عارف إن الرقم اللى على العدادات ده بالإيه ... !!( كيلو متر ولا حاجة تانية )

ودى المشكلة اللى أنا كنت واقع فيها إن العدادات عندى مش بالكيلو متر .. أنا عندى العدادات بالميل

المشكلة أنى كنت بغير الزيت على أساس كيلو متر ( يعنى تقريباً كنت بغير الزيت بعد ماأكون مشيت بيه حوالى 8046 كيلو متر )................ والله حرام

المهم أنا لما شكيت فى الموضوع ده رحت مشوار مع واحد صاحبى وصفرنا العدادات مع بعض عملت أنا 7.500 ميل وهو عمل12.200 كيلو متر ومن هنا إتأكدنا إن الموضوع مش إستهلاك بنزين عالى ...

طلعت الحسبة غلط

ودى قصتى مع البنزين ...

**dr.hany** · 03-04-2010 03:39 PM

يعنى الحمد لله اطمنت .قصدى الاستهلاك كده تمام؟

**karimmelegy** · 03-04-2010 05:44 PM

أنا والله عملت الموضوع ده على أساس أعرف من الناس إن فى عدادات بالشكل دة ولا أنا بس اللى عندى كده

**M.Zaher** · 03-04-2010 06:30 PM

معنى كده ان عداد السرعه بتاعك اخره 140 مدام العربيه عندك بالميل ؟؟؟ صح كده ولا ايه؟؟؟؟

**dr.hany** · 03-04-2010 07:19 PM

طب انت كده كنت ممكن تقع فى الرادار؟؟؟؟؟؟

**dr.hany** · 03-04-2010 07:34 PM

انا ابن عمى معاه لانسر مكواه وبرضه العداد عنده كان ماشي بالميل.راح لواحد بتاع استيراد وغير الورقه اللى عليها الارقام بس.
بس برضه انا مش فاهم ازاى كده.
لان مثلا لو هو ماشي بسرعة 60 كيلو فى الساعه,هل هى فعلا مظبوطه كده

المشاركة الأصلية كتبت بواسطة karimmelegy

أنا والله عملت الموضوع ده على أساس أعرف من الناس إن فى عدادات بالشكل دة ولا أنا بس اللى عندى كده

**Mo.Kareem** · 03-04-2010 10:33 PM

لا ياريس
لازم يغير العدادت كلها من جوه
حصلت معى فى عربيتى والراجل الرزل اخد 90 جم علشان يعمل الموضوع ده

**karimmelegy** · 04-04-2010 01:24 AM

المشاركة الأصلية كتبت بواسطة moh_zaher

معنى كده ان عداد السرعه بتاعك اخره 140 مدام العربيه عندك بالميل ؟؟؟ صح كده ولا ايه؟؟؟؟

أنا العداد عندى بالميل والكيلو ميت أيضاً بس مكتوب بالصغير بلون اصفر واللى مكتوب بالكبير وبلون أبيض هو اللى بالميل

**karimmelegy** · 04-04-2010 01:36 AM

المشاركة الأصلية كتبت بواسطة goldenfish7

راح لواحد بتاع استيراد وغير الورقه اللى عليها الارقام بس.
بس برضه انا مش فاهم ازاى كده.
لان مثلا لو هو ماشي بسرعة 60 كيلو فى الساعه,هل هى فعلا مظبوطه كده

الفكرة إن الأرقام اللى مكتوبة على اللوحة بتكون أقرب لبعض شوية فى الكيلو متر

بيتهيألى أرفع صورة للعداد عندى على الأقل أصحاب النوبيرا يقولولنا اللى عندهم زى دة ولا أنا بس ؟

بس حدور بس على الصورة وحرفعها على طول

**karimmelegy** · 04-04-2010 01:58 AM

شباب دى صورة العداد

طبعاً زى ماأنتوا شايفين العداد اللى مرسوم بالأبيض ده بالميل والعداد اللى مرسوم بالأصفر ده بالكيلو

لكن انا كانت مشكلتى فى عداد الأرقام اللى بيحسب المسافات اللى إتقطعت بالسيارة

ياريت من كل واحد عنده نوبيرا أو ركب نوبيرا يقولى العداد اللى بينزل فى الدايوا المصرى زى ده ولا لأ ؟

ولو زيه .. العداد الرقمى اللى بيحسب المسافة بالكيلو ولا بالميييييل ؟؟؟؟؟

الموضوع: كله بيسأل عن إستهلاك البنزين وأنا( كنت) معاهم

LinkBack

أدوات الموضوع

عرض

-

-

-

-

المواضيع المتشابهه

إستهلاك البنزين الطبيعى ... وتسريب البنزين

إستهلاك البنزين

إستهلاك البنزين

إستهلاك البنزين

إستهلاك البنزين

الكلمات الدلالية لهذا الموضوع

المفضلات

المفضلات

ضوابط المشاركة