الموضوع: لكل اللي بيفكر يشتري كيا..بعض العيوب المتكررة واسبابها واصلاحها

المشاركة الأصلية كتبت بواسطة ALSHARIEF

1000000000000000000 شكر ليك يا باشا على المعلومات الغالية ديه بس أستأذن خضرتك إنك تكتب كل مشكلة و تكتب مدة الصيانة اللى بتتحل فيها المشكلة و كذلك طبعا تكاليف معالجة هذه المشكلة و لك منى فائق الأحترام و التقدير و جزيل الشكر و العرفان و الإمتنان

1- ال USB بيفصل احيانا عند الضغط علي الكلاكس او تشغيل النور العالي ودا شيء متكرر وسببة رداءة صنع الجزء المسئول عن قرائة الفلاشة مش حاجة في العربية.

لا يوجد حل لهذة المشكلة حاليا وفي انتظار كيا لتغيير الوحدة بنوع اخر اكثر كفاءة

2- نور الفوج لايت لا يعمل. وبتكون المشكلة في ذراع الانوار اللي بيتغير بالكامل علشان المشكلة تتحل ودي اتكررت في كذا عربية

يتم تغيير ذراع الانوار وتكلفتة 1100 جنية ومصنعيتة 100 جنية

3- في العربيات الاتوماتيك الفتيس مش بيطلع من علي ال P عند الضغط علي الفرامل. وبتكون المشكلة في البودي كونترول اللي راكب ورا الكاسيت في اي سي بيفصل ارضي ومش بيشغل سولونويد العصاية ودا بيتغير برضة بس لازم يتفك الاول وتشوف رقمة لانة بيفرق من عربية للتانية حسب الكماليات

البودي كونترول يتم تغييرة وتكلفتة 1560 جنية ومصنعية 250 جنية

4- الكلاكس بيفصل ولمبة الايرباج بتنور احيانا. المشكلة بتكون في ال spring اللي راكب علي التارة وهو عبارة عن شريط سلك بيوصل بين الدركسيون والكلاكس وباقي ضفيرة العربية وبرضة بيتغير ومتوفر.

يتم تغيير الاسبرينج وثمنة 550 جنية ومصنعية 150 جنية

5-السيارة فجاة مش بتدور وكل اللمبات داخل التابلوة فاصلة ماعدا لمبة البطارية وكأن بطارية العربية باظت. دي بتبقي مشكلة ماكس فيوز في علبة الفيوزات الرئيسية لحامة بيفك ولازم يتفك ويتعاد علية لحام ويتركب والمشكلة بتختفي.

يتم فك الفيوز العمومي ولحامة ويتكلف 75 جنية