الموضوع: تقييم اللوجان فول اوبشن بعد 1000 كم

تقييم رائع

هههههههههههه
كان واحد عامل موضوع بيقول أنه متغاظ من مقارنه اللوجان بعربيات فئه اعلى زى الصنى وبالصدفه كان عنوان الموضوع - على سبيل السخريه - مقارنه اللوجان بالسراتو واديك بتقارن بينهم بجد وبتخلى اللوجان افضل فى بعض الجوانب
شكرا على التقييم الرائع وربنا يباركلك فى العربيه
وكمبيوتر الرحلات مظبوط جدا مش بيهيس ولا حاجه بس هو محتاج تصفره الاول عشان تحسب صح
المرايات الجانبيه مبينه الطريق كويس بس اى مرايا جانبيه شفتها كان ليها منطقه عمياء
حكايه تانك البنزين ديه فعلا رخمه ومعتقدش كانت هتتكلف على المصنع كتير كان يعملها يزود سعر العربيه سنه
اماكن الزراير بحس أن رينو واخداها العزه بالاثم وبتعاند فى الاماكن ديه ومصممه عليها يعنى كانت تخليها زى الغالب وتريح نفسها بس عموما أنت هتتعود عليها بسرعه حتى لو بتركب اكتر من عربيه هتلاقى نفسك اول ما تركب اللوجان رحت مرجع برنامج اللوجان الى متخزن فى الدماغ أنا كنت راكب يارس فى مشوار طويل من اسبوعين وعمال ادوس على زراع الاشاره عشان اضرب كلاكس بس شويه واتعودت على اليارس تانى وركبت اللوجان لقيت الدنيا ماشيه مظبوط
التقفيل فعلا معقول

المشاركة الأصلية كتبت بواسطة korkor

اول مره فولت فيها لمبه البنزين نورت وكمبيوتر الرحلات كان بيقول انى فاضلى على محطه البنزين بتاع 70 كم وكان بيقول انى استهلكت 48.2 لتر بنزين من اساس خمسين انا كنت حاططهم لا الاستهلاك بتاع البنزين متناسب مع ان 0.8 لتر ممكن تمشينى 70 كم ولا ان لمضه البنزين نورت بس انا مابدقش فى الكلام ده ومايهمنيش بصراحه

كده انا فهمت لأ هوه مش بيهيس ولا حاجة انا هفهم حضرتك هوه عمل كده ليه

الأول بس لما لمبة البنزين نورت كده لسه فى حوالى 5.5 لتر فى التنك فكدة حسابات الكمبيوتر مظبوطة

نرجع بقى إزاى حضرتك كنت مستهلك 48.2 لتر ويعنى فاضل 1.8 لتر فى التنك

الموضوع بسيط قوى فعلا التنك بيشيل 50 لتر مش مختلفين والكلام ده على اول فصلة

بس حضرتك لما فولت اللى فول العربية مفولهاش على اول تكه وكمل زيادة حوالى 3 او 4 لتر


وعلى فكرة من اول فصلة فى التنك لغاية الزور فوق فى حوالى 7 لتر ممكن يتحطوا

ياريت اكون قدرت اوضحلك الصورة كويس ومبروك مره تانية العربيه

المرايات الجانبيه !!!!!!!!!
دى اكتر حاجه عجبانى فى العربيه اساسآ
يا باشا حاول تضبطها انت بس وانت هتشوف الاهرامات التلاته وراك
خوفو وخفرع وحسام